ದೇಶದಲ್ಲಿ 31 ಲಕ್ಷ ದಾಟಿದ ಕೊರೊನಾ ಸೋಂಕಿತರ ಸಂಖ್ಯೆ: 24 ಗಂಟೆಯಲ್ಲಿ 848 ಮಂದಿ ಸಾವು

ರೈಸಿಂಗ್ ಕನ್ನಡ  :

ನ್ಯೂಸ್​ ಡೆಸ್ಕ್:

ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 31 ಲಕ್ಷಕ್ಕೆ ಏರಿದೆ.

ಕೇಂದ್ರ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿರುವ ವರದಿಯಲ್ಲಿ ಸೋಮವಾರ ದೇಶದಲ್ಲಿ 60,975 ಹೊಸ ಕೊರೊನಾ ಕೇಸ್​ ಪತ್ತೆಯಾಗಿದೆ. ಇದರೊಂದಿಗೆ ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 31,67,324ಕ್ಕೆ ಏರಿದೆ.

ದೇಶದಲ್ಲಿ ಮರಣ ಮೃದಂಗ ಮುಂದುವರೆಸಿರುವ ಕೊರೊನಾ ಕಳೆದ 24 ಗಂಟೆಯಲ್ಲಿ  848 ಮಂದಿ ಕೊನೆಯುಸಿರೆಳೆದಿದ್ದಾರೆ. ದೇಶದಲ್ಲಿ ಕೊರೊನಾ ಮೃತಪಟ್ಟವರ ಸಂಖ್ಯೆ 58,390ಕ್ಕೆ ಏರಿದೆ. ದೇಶದಲ್ಲಿ 7,04,348 ಸಕ್ರಿಯ ಪ್ರಕರಣಗಳಿವೆ.

ಈವರೆಗೂ 24,04,585 ಮಂದಿ ಕೊರೊನಾದಿಂದ ಚೇತರಿಸಿಕೊಂಡು ಡಿಸ್ಚಾರ್ಜ್​ ಆಗಿದ್ದಾರೆ. ಐಸಿಎಮ್​ಆರ್​ ಪ್ರಕಾರ  ಸೋಮವಾರ ದೇಶಾದ್ಯಂತ 9,25,383 ಸ್ಯಾಂಪಲ್​ಗಳನ್ನ  ಪರೀಕ್ಷೆ ಮಾಡಲಾಗಿದೆ.