10 ಕೋಟಿ ಬೇಡ, ಫ್ರೀಯಾಗಿಯೇ ತೆಳ್ಳಗಾಗುವ ಟಿಪ್ಸ್ ಕೊಟ್ಟ ಗ್ಲಾಮರ್ ಚೆಲುವು ಶಿಲ್ಪಾ ಶೆಟ್ಟಿ..!

ಮುಂಬೈ : ಮಂಗಳೂರು ಚೆಲುವೆ, ಬಳುಕುವ ಬಳ್ಳಿ, ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ. ಅದರಲ್ಲೂ ತಮ್ಮ ಫಿಟ್​​ನೆಸ್​​ನಿಂದಲೇ ಇಡೀ ಜಗತ್ತಿನ ಗಮನ ಸೆಳೆಯೋದ್ರಲ್ಲಿ ಸಕ್ಸಸ್​ ಆದವರು ಶಿಲ್ಪಾ ಶೆಟ್ಟಿ. ಸಹಜವಾಗಿಯೇ ಫಿಟ್​ನೆಸ್​​ಗೆ ಹೆಚ್ಚಿನ ಮಹತ್ವ ನೀಡ್ತಾರೆ ಶಿಲ್ಪಾ ಶೆಟ್ಟಿ.

ಆದ್ರೆ, ಇತ್ತೀಚೆಗ ಪ್ರಮುಖ ಆಯುರ್ವೇದಿಕ್ ಕಂಪನಿಯೊಂದು ಶಿಲ್ಪಾ ಶೆಟ್ಟಿಗೆ ಜಾಹೀರಾತಿಗಾಗಿ 10 ಕೋಟಿ ಆಫರ್ ನೀಡಿದೆ. ಸ್ಲಿಮ್ಮಿಂಗ್​ ಪಿಲ್ಸ್​​ ಕುರಿತ ಜಾಹೀರಾತು ಇದಾಗಿತ್ತು. ಆದ್ರೆ, ಶಿಲ್ಪಾ ಶೆಟ್ಟಿ ಕಂಪನಿ ನೀಡಿದ್ದ 10 ಕೋಟಿ ಆಫರ್​ಅನ್ನ ರಿಜೆಕ್ಟ್​ ಮಾಡಿ, ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.

10 ಕೋಟಿ ನಿರಾಕರಿಸಿದ್ದು ಯಾಕೆ..?

ತನೆ ನಂಬಿಕೆ ಇಲ್ಲದ ವಿಷಯಗಳನ್ನು ನನ್ನ ಅಭಿಮಾನಿಗಳಿಗೆ, ಜನರಿಗೆ ಹೇಳಲು ಇಷ್ಟವಿಲ್ಲ. ಅದು ನನ್ನಿಂದ ಸಾಧ್ಯವಿಲ್ಲ. ಜನರಿಗೆ ನಾನು ಸುಳ್ಳು ಹೇಳೋದಿಲ್ಲ ಎಂದು ನಯವಾಗಿಯೇ ತಿರಸ್ಕರಿಸಿದ್ದಾರೆ. ಅಲ್ಲದೆ, ಸರಿಯಾದ ದೈಹಿಕ ಅಭ್ಯಾಸ, ಸೂಕ್ತ ಆಹಾರ ಸೇವಿಸಿ. ಫಿಟ್​ನೆಸ್​ ತಾನಾಗಿಯೇ ಬರುತ್ತೆ. ಸಹಜ ಬೊಜ್ಜು ಕರಗಿ ಆರೋಗ್ಯವಂತರಾಗಿ ಇರುತ್ತಾರೆ ಎಂದು ಉಚಿತವಾಗಿ ಟಿಪ್ಸ್​ ಕೂಡ ನೀಡಿದ್ದಾರೆ ಶಿಲ್ಪಾ ಶೆಟ್ಟಿ.

ಸ್ಲಿಮ್ಮಿಂಗ್​ ಮಾತ್ರೆಗಳನ್ನು ಸೇವಿಸಿದ್ರೆ, ತೂಕ ಕಡಿಮೆ ಆಗುತ್ತೆ ಅನ್ನೋದು ಕಂಪನಿಯ ಜಾಹೀರಾತು. ಆದ್ರೆ, ಇದನ್ನ ನಾನು ಹೇಳಿ, ಆತ್ಮಸಾಕ್ಷಿಗೆ ಮೋಸ ಮಾಡಲಾರೆ. ಅಭಿಮಾನಿಗಳನ್ನು ವಂಚಿಸಲಾರೆ ಎಂದಿರೋ ಶಿಲ್ಪಾ ಹೇಳಿಕೆಗೆ ಸೋಶಿಯಲ್ ಮೀಡಿಯಾದಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ.

ಶಿಲ್ಪಾ ಶೆಟ್ಟಿ ಫಿಟ್​ನೆಸ್​​ ಕುರಿತು ಸಿಡಿಯನ್ನ ಬಿಡುಗಡೆ ಮಾಡಿ ಫೇಮಸ್​ ಆಗಿದ್ರು. ಅಲ್ಲದೆ, ಯೋಗ ಮೂಲಕ ಫಿಟ್​ನೆಸ್​ ಕಾಪಾಡಬಹುದು. ನೆಮ್ಮದಿಯೂ ಇರುತ್ತೆ ಎಂಬುದನ್ನ ಸಿಡಿಯಲ್ಲಿ ಹೇಳಿ ಖ್ಯಾತಿ ಪಡೆದಿದ್ರು ಶಿಲ್ಪಾ ಶೆಟ್ಟಿ.