ವೈರಲ್​ ಸಿಂಗರ್​​ಗೆ 55 ಲಕ್ಷದ ಮನೆ ಗಿಫ್ಟ್​ ಕೊಟ್ಟ ಸಲ್ಮಾನ್​ ಖಾನ್​ : ದಬಾಂಗ್​ 3 ಸಿನಿಮಾಗೆ ಹಾಡಲು ಆಫರ್​..!

ಮುಂಬೈ : ಕಳೆದೊಂದು ವಾರದಿಂದ ಇಡೀ ದೇಶದಲ್ಲಿ ಸಂಚಲನ ಸೃಷ್ಟಿಸಿರೋ ಒಂದು ಹೆಸರು ಅಂದ್ರೆ, ಅದು ರಾನು ಮಾಡ್ಲಾ. ಭಿಕ್ಷುಕಿಯಾಗಿದ್ದ ರಾನು, ಈಗ ಭಾರತದ ಫೇಮಸ್​ ಸಿಂಗರ್ ಅಂದ್ರೆ ತಪ್ಪಲ್ಲ. ಅಷ್ಟರ ಮಟ್ಟಿಗೆ ರಾನು ಹಾಡಿದ್ದ ಹಾಡು, ವೈರಲ್​ ಆಗಿದೆ. ಬಿಟ್ಟು ಹೋಗಿದ್ದ ಮಗಳು, ಸಂಬಂಧಿಕರು ಕೂಡ ರಾನು ಹುಡುಕಿಕೊಂಡು ಬಂದಿದ್ದಾರೆ. ಇದೀಗ ಲೇಟೆಸ್ಟ್​ ನ್ಯೂಸ್​ ಏನಪ್ಪ ಅಂದ್ರೆ, ಬಾಲಿವುಡ್​ ನಟ ಸಲ್ಮಾನ್​ ಖಾನ್​, ರಾನು ಬಂಪರ್​ ಆಫರ್ ನೀಡಿದ್ದಾರೆ.

ಮುಂಬೈ ಮೂಲಗಳ ಪ್ರಕಾರ, ಸಲ್ಮಾನ್​ ಖಾನ್​, ರಾನುಗೆ 55 ಲಕ್ಷ ಮೌಲ್ಯದ ಮನೆ ನೀಡಿದ್ದಾರೆ. ಜೊತೆಗೆ ತನ್ನ ಮುಂದಿನ ಸಿನಿಮಾ ದಬಾಂಗ್​ 3ನಲ್ಲಿ ಹಾಡು ಹಾಡಲು ಅವಕಾಶ ನೀಡಿದ್ದಾರೆ. ಈ ಮೂಲಕ ಸಲ್ಮಾನ್​ ಖಾನ್​, ರಾನು ನೆರವಿಗೆ ಬಂದಿದ್ದಾರೆ.

ಇತ್ತೀಚೆಗೆ ಹಿಮೇಶ್​​ ರೆಷಮಿಯಾ ಜೊತೆ ಹಾಡು ಹಾಡಿದ್ದ ರಾನು, ಸೂಪರ್​ ಸ್ಟಾರ್ ಸಿಂಗರ್ ಆಗಿ ಹೊರಹೊಮ್ಮಿದ್ದಾರೆ. ತೇರಿ ಮೇರಿ ಕಹಾನಿ ಹಾಡು ಎಲ್ಲೆಲ್ಲೂ ಸೌಂಡ್ ಮಾಡ್ತಿದೆ.