ಭಾರತದ ವಸ್ತುಗಳಿಗೆ ಪಾಕಿಸ್ತಾನ ಬಹಿಷ್ಕಾರ..! ಇಷ್ಟಕ್ಕೂ ಪಾಕಿಗಳು ಮಾಡ್ತಿರೋದು ಏನು..?

ಇಸ್ಲಾಮಾಬಾದ್​ : ಭಾರತದ ಹೊಡೆತಕ್ಕೆ ಪಾಕಿಸ್ತಾನ ಬುದ್ಧಿ ಕಲಿಯದೇ ತನ್ನ ಕುತಂತ್ರ ನರಿ ಬುದ್ಧಿಯನ್ನ ಪ್ರತಿಯೊಂದು ಹಂತದಲ್ಲೂ ತೋರಿಸ್ತಿದೆ. ಈಗಾಗಲೇ ಜಾಗತೀಕ ಮಟ್ಟದಲ್ಲಿ ಪಾಕಿಸ್ತಾನದ ಆರ್ಥಿಕತೆ ಚಿಂದಿ ಚಿತ್ರಾನ್ನವಾಗಿದೆ. ಈ ಮಧ್ಯೆ, ಯುದ್ಧದ ಮಾತನ್ನೂ ಆಡ್ತಿದೆ. ಆದ್ರೀಗ, ಮತ್ತೂ ಒಂದು ಹಂತಕ್ಕೆ ಮುಂದೆ ಹೋಗಿ, ಭಾರತದ ವಸ್ತುಗಳು, ಉತ್ಪನ್ನಗಳನ್ನ ಬ್ಯಾನ್​ ಮಾಡಿ ಎಂಬಂತೆ ಆಂದೋಲನವನ್ನೇ ಶುರು ಮಾಡ್ತಿದೆ.

ಹೌದು, ಸೋಶಿಯಲ್ ಮೀಡಿಯಾದಲ್ಲಿ ಹೊಸತೊಂದು ಟ್ರೆಂಡಿಂಗ್ ಶುರುವಾಗಿದೆ. ಅದೇನಪ್ಪ ಅಂದ್ರೆ, ಬಾಯ್​​ಕಾಟ್​​ ಇಂಡಿಯನ್​ ಪ್ರಾಡಕ್ಟ್​​. #BoycottIndianProducts ಎಂದು ಪಾಕಿಸ್ತಾನ ಅಭಿಯಾನ ನಡೆಸ್ತಿದೆ. ಕಾಶ್ಮೀರದಲ್ಲಿ ಹಿಂಸಾಚಾರ ನಡೀತಿದೆ. ಕಾಶ್ಮೀರದಲ್ಲಿ ಭಾರತೀಯ ದಬ್ಬಾಳಿಕೆ ನಡೀತಿದೆ ಎಂದು ಹೇಳಿ, ಪಾಕಿಸ್ತಾನ ಈ ರೀತಿಯಾಗಿ ಟ್ವಿಟ್ಟರ್​ನಲ್ಲಿ ಅಭಿಯಾನ ಶುರು ಮಾಡಿದೆ.

ಇದರ ಪ್ರಕಾರ, ಭಾರತದ ಅಮೂಲ್​​, ಬ್ರಿಟಾನಿಯಾ, ಪೀಟರ್​ ಇಂಗ್ಲೆಂಡ್​, ಲ್ಯಾಕ್ಮೆ, ಗೋದ್ರೇಜ್​, ಡಾಬರ್​ ಸೇರಿದಂತೆ ಭಾರತದಲ್ಲಿ ತಯಾರೋಗು ಹಲವು ಉತ್ಪನ್ನ, ವಸ್ತುಗಳನ್ನ ಬಾಯ್​​ಕಾಟ್​ ಮಾಡಿ, ಭಾರತದ ವಸ್ತುಗಳನ್ನ ಬಳಸೋದನ್ನ ನಿಲ್ಲಿಸಿ ಎಂದು ಅಭಿಯಾನ ನಡೆಸ್ತಿದ್ದಾರೆ. ವಿಶೇಷ ಅಂದ್ರೆ, ಇದು ಕೂಡ ವಿಶ್ವದಲ್ಲಿ ಟ್ರೆಂಡಿಂಗ್ ಆಗಿದೆ. ಅಲ್ಲದೆ, ಕಾಶ್ಮೀರಿಗಳು ಕೂಡ ಈ ಅಭಿಯಾನಕ್ಕೆ ಬೆಂಬಲಿಸಿ ಎಂದು ಪಾಕಿಸ್ತಾನ ಹೇಳಿದೆ.

ಇಷ್ಟೇ ಅಲ್ಲದೆ, ಭಾರತೀಯ ಮಾಧ್ಯಮವನ್ನೂ ಬಹಿಷ್ಕರಿಸಿ. ಭಾರತೀಯ ಸಿನಿಮಾಗಳನ್ನೂ ಬಹಿಷ್ಕರಿಸಿ ಎಂದು ಅಭಿಯಾನದಲ್ಲಿ ಹೇಳಲಾಗಿದೆ.

ಪಾಕಿಸ್ತಾನಕ್ಕೆ ಉತ್ಪಾದನೆ ಮಾಡುವ ತಾಕತ್​ ಇಲ್ಲ. ಗುಲಾಮಗಿರಿಯಲ್ಲಿ ಬದುಕುತ್ತಿರೋ ಪಾಕಿಸ್ತಾನ ಈಗಾಗಲೇ ದಿವಾಳಿಯಾಗಿದೆ. ಈ ಮಧ್ಯೆ, ಬ್ಯಾನ್​ ಮಾಡಿ, ಬಹಿಷ್ಕಾರ ಮಾಡಿ ಎನ್ನುವಂತೆ ಎತ್ತಿಕಟ್ಟುವ ಕೆಲಸ ಮಾಡ್ತಿದೆ.