ಬಾಂಬೆ IIT ಕ್ಲಾಸ್​ ರೂಮಿಗೆ ಬಂತು ಹಸು : ವಿಡಿಯೋ ವೈರಲ್

ಮುಂಬೈ : ಇದು ವಿಚಿತ್ರ ಆದರೂ ಸತ್ಯ. ಐಐಟಿ ಬಾಂಬೆ ಕ್ಯಾಪಸ್​​ಗೆ ಹಸು ನುಗ್ಗಿರೋ ದೃಶ್ಯ ಈಗ ಇಂಟರ್​ನೆಟ್​​ನಲ್ಲಿ ಸಖತ್ ವೈರಲ್​ ಆಗಿದೆ. ಹಸುವೊಂದು ಕ್ಲಾಸ್ ರೂಮಿಗೆ ಎಂಟ್ರಿ ಕೊಟ್ಟಿದ್ದು, ವಿದ್ಯಾರ್ಥಿಗಳು ತಮ್ಮ ಪಾಡಿಗೆ ತಾವು ಕ್ಲಾಸ್ ರೂಮಿನಲ್ಲೇ ಇದ್ರು. ಕೆಲವು ವಿದ್ಯಾರ್ಥಿಗಳು ಹಸುವನ್ನ ಓಡಿಸಲು ಪ್ರಯತ್ನ ಪಟ್ಟಿದ್ದಾರೆ. ಅದ್ರೆ, ಆ ಹಸು ಇಡೀ ಕ್ಲಾಸ್ ರೂಮಿನಲ್ಲಿ ರೌಂಡ್ ಹಾಕಿರೋ ದೃಶ್ಯವನ್ನ ಸೋಶಿಯಲ್ ಮೀಡಿಯಾದಲ್ಲಿ ಹಾಕಲಾಗಿದೆ. ಸದ್ಯಕ್ಕೆ ಎಲ್ಲೆಡೆ ಇದು ವೈರಲ್ ಆಗಿದೆ.

ಈ ಹಸುವಿನ ವಿಡಿಯೋ ಕುರಿತು ಮಾತ್ನಾಡಿರೋ ಐಐಟಿ ಬಾಂಬೆ ಸಿಬ್ಬಂದಿ, ವಿಡಿಯೋ ಅಸ್ಪಷ್ಟವಾಗಿದೆ. ಅಲ್ಲದೆ, ಎಲ್ಲಿ, ಯಾವಾಗ ಆಗಿರೋದು ಅನ್ನೋದ್ರ ಬಗ್ಗೆ ಸ್ಪಷ್ಟವಾಗಿ ತಿಳಿದಿಲ್ಲ. ಈ ಕುರಿತು ಕುಲಂಕುಶವಾಗಿ ಪರಿಶೀಲನೆ ನಡೆಸೋದಾಗಿ ಹೇಳಿದ್ದಾರೆ.

ಆದ್ರೆ, ವಿದ್ಯಾರ್ಥಿಗಳು ಮಾತ್ರ ಇದು ಐಐಟಿ ಬಾಂಬೆಯಲ್ಲಿ ಆಗಿರೋ ಘಟನೆ. ಕಳೆದ ಶನಿವಾರ ಮುಂಬೈನಲ್ಲಿ ಭಾರೀ ಮಳೆಯಾಗಿತ್ತು. ಈ ವೇಳೆ, ಕ್ಯಾಂಪಸ್ ಪ್ರವೇಶಿಸಿದ ಹಸು, ಆಶ್ರಯಕ್ಕಾಗಿ ಕ್ಲಾಸ್ ರೂಮಿಗೆ ಎಂಟ್ರಿ ಕೊಟ್ಟಿದೆ ಎಂದು ಸುದ್ದಿ ಸಂಸ್ಥೆಗೆ ಹೇಳಿಕೆ ನೀಡಿದ್ದಾರೆ.

ಒಟ್ನಲ್ಲಿ, ಐಐಟಿ ಬಾಂಬೆಯಂತಹ ಪ್ರತಿಷ್ಠಿತ ಸಂಸ್ಥೆಯೊಳಗೆ ಹಸು ನುಗ್ಗಿರೋದು ಭಾರೀ ಚರ್ಚೆಗೆ ಕಾರಣವಾಗಿದೆ.