Featured
ಕೋಲಾರ ರೌಂಡ್ಸ್ ಹಾಕಿದ ಸಂಸದ ಎಸ್. ಮುನಿಸ್ವಾಮಿ : ಅಧಿಕಾರಿಗಳಿಗೆ ಫುಲ್ ಕ್ಲಾಸ್
ಕೋಲಾರ : ಇದೇ ಮೊದಲ ಬಾರಿಗೆ ಸಂಸದರಾಗಿರೋ ಎಸ್.ಮುನಿಸ್ವಾಮಿ ಇವತ್ತು ಕೋಲಾರ ನಗರ ರೌಂಡ್ಸ್ ಹಾಕಿದ್ರು. ನಗರದ ಪ್ರಮುಖ ರಸ್ತೆಗಳಲ್ಲಿ ಸಂಚರಿಸಿದ ಮುನಿಸ್ವಾಮಿ, ರಸ್ತೆ ಒತ್ತುವರಿ, ಗುಂಡಿಗಳನ್ನ ಸರಿ ಮಾಡುವಂತೆ ಅಧಿಕಾರಿಗಳಿಗೆ ತಾಕೀತು ಮಾಡಿದ್ರು. ಇದೇ ವೇಳೆ, ಅಮೃತ ಸಿಟಿ ಯೋಜನೆ ಕಾಮಗಾರಿಗಳ ನಿಧಾನಗತಿಗೆ, ಅಧಿಕಾರಿಗಳ ಮೇಲೆ ಗರಂ ಆದ್ರು.
ಅನಾವಶ್ಯಕ ಹಾಗೂ ಅಪಾಯದ ಅಂಚಿನಲ್ಲಿರೋ ವಿದ್ಯುತ್ ಕಂಬಗಳನ್ನ ತೆರವು ಮಾಡುವಂತೆ ಸೂಚಿಸಿದ್ರು. ಬಹುತೇಕ ಕಡೆ ರಸ್ತೆಗಳು ಹಾಳಾಗಿದ್ದು, ತುರ್ತುಗತಿಯಲ್ಲಿ ರಸ್ತೆ ಕಾಮಗಾರಿ ಮಾಡುವಂತೆ ಸಂಸದ ಮುನಿಸ್ವಾಮಿ ಅಧಿಕಾರಿಗಳಿಗೆ ಖಡಕ್ ಆಗಿ ಸೂಚನೆ ಕೊಟ್ರು.
