ಕಾಂಗ್ರೆಸ್​ನಿಂದ ಪ್ರತಿಪಕ್ಷ ನಾಯಕ ಯಾರಾಗ್ತಾರೆ..? : ಸಿದ್ದು ದೆಹಲಿಗೆ ಹೋಗಿದ್ಯಾಕೆ..?

ಬೆಂಗಳೂರು/ನವದೆಹಲಿ : ಬಿ.ಎಸ್​. ಯಡಿಯೂರಪ್ಪ ಮುಖ್ಯಮಂತ್ರಿಯಾದ್ಮೇಲೆ ಕಾಂಗ್ರೆಸ್​ನಿಂದ ಯಾರು ಪ್ರತಿಪಕ್ಷ ನಾಯಕರು ಆಗಬೇಕು ಅನ್ನೋದು ಕುತೂಹಲ ಮೂಡಿಸಿದೆ. ಯಡಿಯೂರಪ್ಪ ಸಿಎಂ ಆಗಿ ಎರಡು ತಿಂಗಳಾದ್ರೂ, ಇನ್ನು ಕೂಡ ಪ್ರತಿಪಕ್ಷದ ನಾಯಕ ಯಾರು ಅನ್ನೋದು ಅಧಿಕೃತವಾಗಿ ನೇಮಕವಾಗಿಲ್ಲ. ಮಾಜಿ ಸಿಎಂ ಸಿದ್ದರಾಮಯ್ಯ ಅವರೇ ಪ್ರತಿಪಕ್ಷ ನಾಯಕರಾಗಿ ಮುಂದುವರೆಯಲು ಇಷ್ಟಪಟ್ಟಿದ್ದಾರೆ ಎನ್ನಲಾಗಿದೆ. ಆದ್ರೆ, ಪ್ರತಿಪಕ್ಷ ಸ್ಥಾನದ ಮೇಲೆ ಹಲವು ಪ್ರಭಾವಿ ನಾಯಕರು ಕಣ್ಣಿಟ್ಟಿದ್ದಾರೆ. ಹೀಗಾಗಿ ಸಿದ್ದರಾಮಯ್ಯ ಅವರ ದೆಹಲಿ ಭೇಟಿ ಸಾಕಷ್ಟು ಕುತೂಹಲ ಮೂಡಿಸಿದೆ.

ಮಾಜಿ ಸಚಿವ ಹೆಚ್​.ಕೆ. ಪಾಟೀಲ್​​ ಪ್ರತಿಪಕ್ಷ ನಾಯಕನಾಗಲು ತುದಿಗಾಲಲ್ಲಿ ನಿಂತಿದ್ದಾರೆ. ದೆಹಲಿ ಮಟ್ಟದಲ್ಲಿ ಲಾಬಿ ನಡೆಸಲು ಮುಂದಾಗಿದ್ದಾರೆ. ಈ ಮಧ್ಯೆ, ಡಿಕೆ ಶಿವಕುಮಾರ್ ಬಂಧನ ಆಗಿರೋದ್ರಿಂದ, ಕೆಪಿಸಿಸಿ ಅಧ್ಯಕ್ಷರ ಬದಲಾವಣೆ ವಿಚಾರವೂ ನೆನೆಗುದಿಗೆ ಬೀಳುವ ಸಾಧ್ಯತೆ ಇದೆ. ಕೆಪಿಸಿಸಿ ಅಧ್ಯಕ್ಷ ಸ್ಥಾನದ ಮೇಲೆ ಡಿಕೆಶಿ, ಕಣ್ಣಿಟ್ಟಿದ್ದರು. ದಿನೇಶ್​ ಗುಂಡೂರಾವ್​ ಅವರಿಂದ ಕೆಪಿಸಿಸಿ ಅಧ್ಯಕ್ಷ ಸ್ಥಾನವನ್ನ ತಾನು ಪಡೆಯೋಕೆ ಸಾಕಷ್ಟು ಲಾಬಿ ನಡೆಸಿದ್ರು. ಇಷ್ಟರ ಮಧ್ಯೆ, ಡಿಕೆಶಿ ಅವರನ್ನ ಇಡಿ ಬಂಧಿಸಿ, ಅವರ ಆಸೆಗೆ ತಣ್ಣೀರು ಹಾಕಿದೆ.

ಇತ್ತ, ಹೆಚ್​.ಕೆ. ಪಾಟೀಲ್​, ಜಿ.ಪರಮೇಶ್ವರ್​ ಕೂಡ ದೆಹಲಿ ಮಟ್ಟದಲ್ಲಿ ಲಾಬಿ ನಡೆಸಿದ್ದಾರೆ. ಸಿದ್ದರಾಮಯ್ಯ ಅವರನ್ನ ಕಾಂಗ್ರೆಸ್ ಶಾಸಕಾಂಗ ಪಕ್ಷದ ನಾಯಕರನ್ನಾಗಿ ಮುಂದುವರೆಸಿ, ಹೆಚ್​.ಕೆ. ಪಾಟೀಲ್ ಅಥವಾ ಪರಮೇಶ್ವರ್​ ಅವರಿಗೆ ಪ್ರತಿಪಕ್ಷ ಸ್ಥಾನ ನೀಡಬೇಕು ಅನ್ನೋದು ಕೆಲವು ಮುಖಂಡರ ವಾದ. ಆದ್ರೆ, ಇದಕ್ಕೆ ಸಿದ್ದು ಒಪ್ಪಿಗೆ ಸೂಚಿಸೋದು ಬಹುತೇಕ ಡೌಟು. ಈ ನಡುವೆ, ಕಾಂಗ್ರೆಸ್ ಕಾರ್ಯಕಾರಣಿ ಸಭೆ ನಡೆಯಲಿದ್ದು, ಅದರಲ್ಲಿ ಈ ವಿಚಾರ ಚರ್ಚೆಗೆ ಬರಲಿದೆ.