#ಜೊತೆಜೊತೆಯಲಿ : ನಂಬರ್​​ ಒನ್​ ಸೀರಿಯಲ್​ ಜೊತೆ ಜೊತೆಯಲಿ ಕೂಡ ಕದ್ದಿದ್ದೇನಾ..? ಏನಿದರ ರಹಸ್ಯ..?

ರೈಸಿಂಗ್ ಕನ್ನಡ : ಸದ್ಯ ಕನ್ನಡ ಕಿರುತೆರೆಯಲ್ಲಿ ನಂಬರ್​ ಒನ್​ ಕಾರ್ಯಕ್ರಮ ಅಂದ್ರೆ ಅದು ಜೀ ಕನ್ನಡದಲ್ಲಿ ಪ್ರಸಾರವಾಗ್ತಿರೋ ಜೊತೆ ಜೊತೆಯಲಿ ಧಾರಾವಾಹಿ. ಕಳೆದ ಒಂದು ತಿಂಗಳಿನಿಂದ ನಂಬರ್​ ಒನ್​ ಸ್ಥಾನವನ್ನ ಉಳಿಸಿಕೊಂಡಿರೋದು ಜೊತೆ ಜೊತೆಯಲಿ ಧಾರಾವಾಹಿಯ ವಿಶೇಷತೆ. ವಿಷ್ಣುವರ್ಧನ್ ಅಳಿಯ ಅನಿರುದ್ಧ್​​-ಅನು ನಟಿಸಿರೋ ಜೊತೆ ಜೊತೆಯಲಿ ನಾಲ್ಕು ವಾರಗಳಿಂದ ನಂಬರ್​ ಒನ್​ ಸ್ಥಾನವನ್ನ ಉಳಿಸಿಕೊಂಡಿದೆ.

ಆದ್ರೆ, ಜೊತೆ ಜೊತೆಯಲಿ ಧಾರಾವಾಹಿ ಕೂಡ ರಿಮೇಕ್ ಅನ್ನೋ ಮಾತು ಕೇಳಿ ಬರ್ತಿದೆ. ಯೆಸ್​, ಇದು ಮರಾಠಿಯಲ್ಲಿ ಪ್ರಸಾರವಾಗ್ತಿರೋ ತು ಪಹತೆ ರೆ, ಎಂಬ ಧಾರಾವಾಹಿಯ ರಿಮೇಕ್ ಅಂತೆ. ಈಗಾಗಲೇ ಮರಾಠಿಯಲ್ಲಿ ಒಂದು ವರ್ಷ ಪೂರೈಸಿದ್ದು, ಇದನ್ನೇ ಕನ್ನಡಕ್ಕೆ ರಿಮೇಕ್ ಮಾಡಲಾಗಿದೆಯಂತೆ. ಮೂಲ ಕಥೆ ಮರಾಠಿಯದ್ದೇ ಆಗಿದ್ದು, ಕನ್ನಡದ ನೇಟಿವಿಟಿಗೆ ತಕ್ಕಂತೆ ಬದಲಾವಣೆ ಮಾಡಿಕೊಳ್ಳಲಾಗಿದೆ.

ಅನಿರುದ್ಧ್​ ಮತ್ತು ಅನು ತುಂಬಾ ಅದ್ಭುತವಾಗಿ ನಟಿಸಿದ್ದು, ಮನೆ ಮನೆ ಮಾತಾಗಿದ್ದಾರೆ. ಹೊಸ ರೀತಿಯ ನಿರೂಪಣೆ ಜೊತೆ ಮಧ್ಯಮ ವರ್ಗ ಕುಟುಂಬದಲ್ಲಿ ನಡೆಯೋ ಕಥೆ ಸಾಕಷ್ಟು ಜನರಿಗೆ ಇಷ್ಟವಾಗಿದೆ. ಸಿನಿಮಾಗಿಂತಲೂ ಅನಿರುದ್ಧ್​​ಗೆ ಈ ಧಾರಾವಾಹಿಯೇ ಹೆಚ್ಚು ಖ್ಯಾತಿ ತಂದು ಕೊಟ್ಟಿದೆ ಎಂದ್ರೆ ತಪ್ಪಲ್ಲ.