ಸಿನಿಮಾ
ಯುವ ರಿಲೀಸ್ ಸಂಭ್ರಮ! ಸಂತೋಷ್ ಥಿಯೇಟರ್ನಲ್ಲಿ ಅಪ್ಪು ಕಟೌಟ್
Cinema : ಯುವರಾಜಕುಮಾರ್ ಅಭಿನಯದ ಯುವ ಚಿತ್ರ ರಿಲೀಸ್ ಆಗುತ್ತಿದೆ. ಮಾರ್ಚ್-29 ರಂದು ದೊಡ್ಡಮಟ್ಟದಲ್ಲಿಯೇ ಚಿತ್ರ ತೆರೆಗೆ ಬರುತ್ತಿದೆ.ರಾಜ್ಯದ 350 ಥಿಯೇಟರ್ಗಳಲ್ಲಿ ಯುವ ಚಿತ್ರ ಬಿಡುಗಡೆ ಆಗುತ್ತದೆ. ಈ ಮೂಲಕ ಅಪ್ಪು ಫ್ಯಾನ್ ಮತ್ತು ದೊಡ್ಮನೆಯ ಫ್ಯಾನ್ಸ್ ದೊಡ್ಡ ಹಬ್ಬ ಮಾಡಲು ಕಾರಣವೂ ಆಗುತ್ತಿದೆ.
ಬೆಂಗಳೂರಿನ ಸಂತೋಷ್ ಥಿಯೇಟರ್ನಲ್ಲಿ ರಿಲೀಸ್ ಸಿದ್ಧತೆ ಆಗಿದೆ. ದೊಡ್ಡಮಟ್ಟದಲ್ಲಿಯೇ ಹಬ್ಬ ಮಾಡಲು ಫ್ಯಾನ್ ಕಾಯುತ್ತಿದ್ದಾರೆ. ಹಾಗಾಗಿಯೇ ಸಂತೋಷ್ ಥಿಯೇಟರ್ ಅಲಂಕಾರಕೊಂಡಿದೆ. ಬೃಹತ್ ಕಟೌಟ್ಗಳನ್ನೂ ಇಲ್ಲಿ ನಿಲ್ಲಿಸಲಾಗಿದೆ. ಈ ಕಟೌಟ್ಗಳಿಗೆ ಅಭಿಮಾನಿಗಳು ಕ್ಷೀರಾಭಿಷೇಕ ಕೂಡ ಮಾಡಲಿದ್ದಾರೆ.
ಯುವರಾಜಕುಮಾರ್ ನಟನೆಯ ಯುವ ಚಿತ್ರದ ಬೆಂಗಳೂರಿನ ಸಂತೋಷ್ ಥಿಯೇಟರ್ನಲಲ್ಲಿ ರಿಲೀಸ್ ಆಗುತ್ತಿದೆ. ಈ ಹಿನ್ನೆಲೆಯಲ್ಲಿ ಯುವರಾಜಕುಮಾರ್ ಕಟೌಟ್ ಇಲ್ಲಿ ಹಾಕಲಾಗಿದೆ. ವಿಶೇಷವಾಗಿ ಅಪ್ಪು ಬೃಹತ್ ಕಟೌಟ್ ಕೂಡ ಇಲ್ಲಿ ರಾರಾಜಿಸುತ್ತಿದೆ. ಇದರಿಂದ ಅಪ್ಪು ಫ್ಯಾನ್ಸ್ ನಿಜಕ್ಕೂ ಫುಲ್ ಖುಷ್ ಆಗಿದ್ದಾರೆ.
ಯುವ ಸಿನಿಮಾದ ಟ್ರೈಲರ್ ಈಗಾಗಲೇ ದೊಡ್ಡ ಭರವಸೆ ಮೂಡಿಸಿದೆ. ಡೈರೆಕ್ಟರ್ ಸಂತೋಷ್ ಆನಂದ್ ರಾಮ್ ಹೊಸ ರೀತಿಯ ಕಥೆಯನ್ನೆ ಸಿನಿಮಾ ಮಾಡಿದ್ದಾರೆ ಅನ್ನುವ ಫೀಲ್ ಕೂಡ ಇದೆ. ಒಳ್ಳೆ ಫೈಟ್ ಮತ್ತು ಒಳ್ಳೆ ಡೈಲಾಗ್ ಈ ಸಿನಿಮಾದಲ್ಲಿವೆ ಅಂತಲೂ ಹೇಳಬಹುದು.
ಯುವರಾಜಕುಮಾರ್ ಸಿನಿಮಾ ಬೆಳಗ್ಗೆ 9 ಗಂಟೇಗೇನೆ ಪ್ರದರ್ಶನ ಆಗುತ್ತಿದೆ. ಮಲ್ಟಿಪ್ಲೆಕ್ಸ್ ಸೇರಿದಂತೆ ಸಿಂಗಲ್ ಥಿಯೇಟರ್ನಲ್ಲೂ ಸಿನಿಮಾ ಪ್ರದರ್ಶನ ಆಗುತ್ತಿದೆ. 350 ಕ್ಕೂ ಹೆಚ್ಚು ಥಿಯೇಟರ್ನಲ್ಲಿ ಸಿನಿಮಾ ರಿಲೀಸ್ ಆಗುತ್ತಿದೆ.
ಈ ಒಂದು ರಿಲೀಸ್ ದಿನ ಕನ್ನಡದ ಒಂದೇ ಒಂದು ಸಿನಿಮಾ ಬರ್ತಿದೆ. ಅದು ಪ್ರಶಸ್ತಿ ವಿಜೇತ ಸಿನಿಮಾ ಅಂತಲೇ ಹೇಳಬಹುದು. ತಾರಿಣಿ ಅನ್ನೋ ಈ ಚಿತ್ರದ ಗರ್ಭಿಣಿ ಮಹಿಳೆಯ ಕಥೆ ಹೇಳುತ್ತದೆ. ಈಗಾಗಲೇ ಹಲವು ಚಿತ್ರೋತ್ಸವದಲ್ಲಿ ಪ್ರದರ್ಶನ ಕಂಡು ಮೆಚ್ಚುಗೆ ಕೂಡ ಪಡೆದಿದೆ ಅಂತಲೂ ಹೇಳಬಹುದು.
