ಮುಖಾಮುಖಿಯಾದ ಯಡಿಯೂರಪ್ಪ-ಕುಮಾರಸ್ವಾಮಿ : ಕೈ-ಕೈ ಹಿಡಿದು ಚರ್ಚೆ ನಡೆಸಿದ್ದೇನು..?

ಬೆಂಗಳೂರು : ಹಾಲಿ ಮುಖ್ಯಮಂತ್ರಿ ಯಡಿಯೂರಪ್ಪ ಹಾಗೂ ಮಾಜಿ ಸಿಎಂ ಹೆಚ್​.ಡಿ. ಕುಮಾರಸ್ವಾಮಿ ಮುಖಾಮುಖಿಯಾಗಿ ಮಾತುಕತೆ ನಡೆಸಿದ್ದಾರೆ. ಸದ್ಯ ಬಿಜೆಪಿ ಮೇಲೆ ಸಾಫ್ಟ್​ ಕಾರ್ನರ್​ ಹೊಂದಿರೋ ಹೆಚ್​ಡಿಕೆ, ಸಿಎಂ ಯಡಿಯೂರಪ್ಪ ಜೊತೆಗೆ ಮಾತುಕತೆ ನಡೆಸಿದ್ದು ರಾಜ್ಯ ರಾಜಕೀಯದಲ್ಲಿ ಸಂಚಲನ ಸೃಷ್ಟಿದೆ. ಅಂದಹಾಗೆ ಇದು, ಪೂರ್ವ ನಿಗದಿಯಾಗಿದ್ದ ಕಾರ್ಯಕ್ರಮವಲ್ಲ. ಅಚಾನಕ್​ ಆಗಿ ಇಬ್ಬರೂ ಭೇಟಿಯಾದ ಸಂದರ್ಭ.

ಬೆಂಗಳೂರಿನ ತಾಜ್ ವೆಸ್ಟೆಂಡ್ ಹೋಟೆಲ್​​ನಲ್ಲಿ ಮದುವೆ ಕಾರ್ಯಕ್ರಮವೊಂದರಲ್ಲಿ ಇಬ್ಬರೂ ಮುಖಾಮುಖಿಯಾದ್ರು. ಈ ವೇಳೆ ಕೆಲವೊತ್ತು ಉಭಯ ನಾಯಕರು ಮಾತುಕತೆ ನಡೆಸಿದ್ರು. ಶ್ರೀಮತಿ ವಸುಂಧರ ಮತ್ತು ರಾಜ ಭಗವಾನೇರವರ ಪುತ್ರಿ ಮದುವೆ ಕಾರ್ಯಕ್ರಮದಲ್ಲಿ ಹಾಲಿ ಮತ್ತು ಮಾಜಿ ಸಿಎಂಗಳು ಇಬ್ಬರೂ ಸ್ವಲ್ಪ ಸಮಯ ಮಾತುಕತೆ ನಡೆಸಿದ್ರು.

ಮದುವೆಗೆ ಹೋಗಿ, ಪ್ರಸ್ತುತ ರಾಜಕೀಯ ಬೆಳವಣಿಗೆಗಳ ಬಗ್ಗೆ ಚರ್ಚಿಸಿದ್ರಾ ಉಭಯ ನಾಯಕರು ಅನ್ನೋ ಗುಮಾನಿ ರಾಜಕೀಯ ವಲಯದಲ್ಲಿ ಶುರುವಾಗಿದೆ.