1 ಕೋಟಿ 77 ಲಕ್ಷದ 54 ಸಾವಿರದ 183 ಜನರಗೆ ಕೊರೊನಾ! – 6 ಲಕ್ಷದ 82 ಸಾವಿರದ 885 ಮಂದಿ ಸಾವು..! – ಬೆಚ್ಚಿಬೀಳಿಸಿದ ರಿಪೋರ್ಟ್..!

ರೈಸಿಂಗ್ ಕನ್ನಡ :

ವೆಬ್ ಡೆಸ್ಕ್ :

ಜಾಗತಿಕ ಸಮಸ್ಯೆ ಕೊರೊನಾಗೆ ಜನ ಭಯ ಬೀಳೋದನ್ನೆ ನಿಲ್ಲಿಸಿದ್ದಾರೆ. ಹಾಗಂತ, ಕೊರೊನಾ ಏನು ತನ್ನ ನಾಗಾಲೋಟವನ್ನ ಕಡಿಮೆ ಮಾಡಿಲ್ಲ. ವಿಶ್ವಾದ್ಯಂತ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಲೇ ಇದೆ. ಜೊತೆಯಲ್ಲೇ ಸಾವಿನ ಸಂಖ್ಯೆ ಕೂಡ ಗಣನೀಯವಾಗಿ ಏರಿಕೆಯಾಗುತ್ತಿದೆ.

ಜಗತ್ತಿನಾದ್ಯಂತ 1, 77,54,183 ಜನರಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ. ಅಲ್ಲದೆ 6,82,885 ಮಂದಿ ಮೃತಪಟ್ಟಿದ್ದಾರೆ. ಈವರೆಗೆ 1,11,58280 ಸೋಂಕಿತರು ಗುಣುಮುಖರಾಗಿದ್ದಾರೆ ಎಂದು ವರ್ಡೋಮೀಟರ್ ಮಾಹಿತಿ ನೀಡಿದೆ.

ಜಗತ್ತಿನಲ್ಲಿ ಅತಿಹೆಚ್ಚು ಪ್ರಕರಣಗಳನ್ನು ಹೊಂದಿರುವ ರಾಷ್ಟ್ರಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ಅಮೆರಿಕವೊಂದರಲ್ಲೇ 47,05,889 ಸೋಂಕಿತರಿದ್ದು, ಈವರೆಗೆ 1,56,747 ಮಂದಿ ಸಾವಿಗೀಡಾಗಿದ್ದಾರೆ.

ಅಮೆರಿಕ ನಂತರದಲ್ಲಿ ಅತಿಹೆಚ್ಚು ಪ್ರಕರಣಗಳು ವರದಿಯಾದ ರಾಷ್ಟ್ರಗಳ ಸಾಲಿನಲ್ಲಿ ಬ್ರೆಜಿಲ್ ಅಗ್ರಸ್ಥಾನದಲ್ಲಿದ್ದು, ಇಲ್ಲಿ 26,66,298 ಪ್ರಕರಣಗಳು ಬೆಳಕಿಗೆ ಬಂದಿವೆ. 18,84,051 ಸೋಂಕಿತರು ಗುಣಮುಖರಾಗಿದ್ದು, 92,568 ಜನರು ಮೃತಪಟ್ಟಿದ್ದಾರೆ.

ಭಾರತದಲ್ಲಿ 1,697,054, ರಷ್ಯಾದಲ್ಲಿ 8,39,981, ದಕ್ಷಿಣ ಆಫ್ರಿಕಾದಲ್ಲಿ 4,93,183, ಪೆರುವಿನಲ್ಲಿ 4,07,492 ಕೊರೊನಾ ಸೋಂಕು ಪ್ರಕರಣಗಳು ದಾಖಲಾಗಿವೆ. ಕೋವಿಡ್‌ನಿಂದಾಗಿ ಇಂಗ್ಲೆಂಡ್‌ನಲ್ಲಿ 46,119, ಮೆಕ್ಸಿಕೊದಲ್ಲಿ 46,688, ಇಟಲಿಯಲ್ಲಿ 35,141, ಫ್ರಾನ್ಸ್‌ನಲ್ಲಿ 30,265, ಸ್ಪೇನ್‌ನಲ್ಲಿ 28,445 ಪಾಕಿಸ್ತಾನದಲ್ಲಿ 5,951 ಜನರು ಸಾವಿಗೀಡಾಗಿದ್ದಾರೆ.

ಒಟ್ಟಿನಲ್ಲಿ ಕೋವಿಡ್‌ ನಿಯಂತ್ರಣಕ್ಕೆ ಲಾಕ್‌ಡೌನ್ ಒಂದೇ ಪರಿಹಾರವಲ್ಲ ಅನ್ನೋದನ್ನ ವಿಶ್ವವೇ ಮನಗಂಡಿದೆ. ಹಾಗಂತ, ಜನರು ಮಾತ್ರ ಜವಾಬ್ದಾರಿ ಮರೆತು ಬದುಕಬಾರದು.