Featured
ಸಿಕ್ಸ್ ಬಿದ್ದ ಸೀಟ್ಗೆ ಧೋನಿ ಹೆಸರು – ವಾಂಖೆಡೆಯಲ್ಲಿ ರೆಡಿಯಾಗಲಿದೆ ಧೋನಿ ಸೀಟ್..!
ರೈಸಿಂಗ್ ಕನ್ನಡ :
ವೆಬ್ ಡೆಸ್ಕ್ :
2011ರ ವಿಶ್ವಕಪ್ ಫೈನಲ್ನಲ್ಲಿ ಧೋನಿ ಸಿಡಿಸಿದ ಮ್ಯಾಚ್ ವಿನ್ನಿಂಗ್ ಸಿಕ್ಸರ್ ಅನ್ನ ಯಾರು ತಾನೆ ಮರೆಯೋಕೆ ಸಾಧ್ಯ ಹೇಳಿ. ಅಂದು ವಾಂಖೆಡೆ ಸ್ಟೇಡಿಯಂನಲ್ಲಿ ಸಿಡಿದ ಆ ವಿಜಯದ ಸಿಕ್ಸರ್ ಹೋಗಿ ಬಿದ್ದಿದ್ದು ಗ್ಯಾಲರಿ ಸೀಟ್ ಮೇಲೆ. ಇದೀಗ ಅದೇ ಸೀಟ್ ಬಗ್ಗೆ ಚರ್ಚೆ ಶುರುವಾಗಿದೆ.
ಯಾಕಂದ್ರೆ, ಕ್ರಿಕೆಟಿಗರಿಗೆ ಗೌರವಾರ್ಥಕವಾಗಿ ಸ್ಟೇಡಿಯಂ ಗ್ಯಾಲರಿಗಳಿಗೆ ಸಾಮಾನ್ಯವಾಗಿ ಹೆಸರಿಡುತ್ತಾರೆ. ಆದರೆ ಧೋನಿ ನಿವೃತ್ತಿ ಬೆನ್ನಲ್ಲೇ ವಾಂಖೆಡೆ ಸ್ಟೇಡಿಯಂ ವಿಶ್ವಕಪ್ ಫೈನಲ್ ಸಿಕ್ಸರ್ ಲ್ಯಾಂಡ್ ಆದ ಸ್ಥಳಕ್ಕೆ ಮಹೇಂದ್ರ ಸಿಂಗ್ ಧೋನಿ ಸೀಟ್ ಎಂದು ಹೆಸರಿಡುವಂತೆ ಮನವಿ ಮಾಡಲಾಗಿದೆ.
ಈ ಕುರಿತು ಮುಂಬೈ ಕ್ರಿಕೆಟ್ ಅಸೋಸಿಯೇಷನ್ಗೆ (MCA) ಅಪೆಕ್ಸ್ ಕೌನ್ಸಿಲ್ ಮೆಂಬರ್ ಅಜಿಂಕ್ಯಾ ನಾಯ್ಕ್ ಪತ್ರ ಬರೆದಿದ್ದಾರೆ. ಟೀಮ್ ಇಂಡಿಯಾಗೆ ಧೋನಿ ನೀಡಿದ ಕೊಡುಗೆಯನ್ನು ಪರಿಗಣಿಸಿ ಸ್ಟೇಡಿಯಂನಲ್ಲಿ ಇಂತಹದೊಂದು ಗೌರವ ನೀಡಬೇಕೆಂದು ಕೋರಿದ್ದಾರೆ.
ಧೋನಿಯ ಗೆಲುವಿನ ಸಿಕ್ಸರ್ ಲ್ಯಾಂಡ್ ಆದ ಆಸನಕ್ಕೆ ಬಣ್ಣ ಹಚ್ಚಿ ಅದನ್ನು ವಿಶೇಷವಾಗಿ ಪರಿಗಣಿಸಬೇಕು. ಅಲ್ಲದೆ ಸೀಟ್ಗೆ ಮಹೇಂದ್ರ ಸಿಂಗ್ ಧೋನಿಯ ಹೆಸರಿಡಬೇಕೆಂದು ತಮ್ಮ ಮನವಿ ಪತ್ರದಲ್ಲಿ ಮುಂಬೈ ಕ್ರಿಕೆಟ್ ಅಸೋಸಿಯೇಷನ್ನ್ನು ಅಜಿಂಕ್ಯಾ ನಾಯ್ಕ್ ಕೋರಿದ್ದಾರೆ.
