ಪ್ರಧಾನಿ ನರೇಂದ್ರ ಮೋದಿ ಭಾರತದ ಪಿತಾಮಹ ಎಂದ CM ಪತ್ನಿ ಅಮೃತಾಗೆ ನೆಟ್ಟಿಗರ ತರಾಟೆ

ಮುಂಬೈ : ಪ್ರಧಾನಿ ನರೇಂದ್ರ ಮೋದಿ ಅವರನ್ನ ಹೊಗಳುವ ಭರದಲ್ಲಿ ನೆಟ್ಟಿಗರ ಹಾಗೂ ಇತರೆ ಪಕ್ಷದವರಿಗೆ ಗುರಿಯಾದ ಮಹಾರಾಷ್ಟ್ರ ಸಿಎಂ ಪತ್ನಿ ಅವರ ಕಥೆ ಇದು. ಮಂಗಳವಾರ ಪ್ರಧಾನಿ ನರೇಂದ್ರ ಮೋದಿ 69ನೇ ಹುಟ್ಟುಹಬ್ಬವನ್ನ ಆಚರಿಸಿಕೊಂಡ್ರು. ಪ್ರಧಾನಿ ಮೋದಿಗೆ ಮಹಾರಾಷ್ಟ್ರ ಸಿಎಂ ದೇವೇಂದ್ರ ಫಡ್ನವೀಸ್​ ಪತ್ನಿ, ಅಮೃತಾ ಫಡ್ನವೀಸ್ ಶುಭ ಕೋರಿದ್ದಾರೆ. ಟ್ಟಿಟ್ಟರ್​​ನಲ್ಲಿ ಶುಭ ಕೋರುವ ವೇಳೆ, ಅಮೃತ ಫಡ್ನವೀಸ್ ಯಡವಟ್ಟು ಮಾಡಿದ್ದಾರೆ.

ನಮ್ಮ ದೇಶದ ಪಿತಾಮಹ ನರೇಂದ್ರ ಮೋದಿ ಜೀ ಅವರಿಗೆ ಹುಟ್ಟುಹಬ್ಬದ ಶುಭಾಶಯಗಳು ಎಂದು ಅಮೃತಾ ಫಡ್ನವೀಸ್ ಟ್ವೀಟ್​ ಮಾಡಿ ಟೀಕೆಗೆ ಗುರಿಯಾಗಿದ್ದಾರೆ. ಭಾರತದ ಪಿತಾಮಹ, ಮಹಾತ್ಮ ಗಾಂಧೀಜಿ ಒಬ್ಬರೇ. ಪ್ರಧಾನಿ ನರೇಂದ್ರ ಮೋದಿ ಅವರು ಭಾರತದ ಪಿತಾಮಹ ಯಾವಾಗ ಆದ್ರೂ ಎಂದು ಕಾಲು ಎಳೆದಿದ್ದಾರೆ.

ಒಬ್ಬ ನಾಯಕನನ್ನ ಹೊಗಳುವ ಭರದಲ್ಲಿ ದೇಶದ ಮಹಾತ್ಮನಿಗೆ ಅವಮಾನ ಮಾಡಬಾರದು. ಮಹಾರಾಷ್ಟ್ರ ಸಿಎಂ ಪತ್ನಿ ಅಮೃತಾ ಅವರು ನಡೆದುಕೊಂಡ ರೀತಿ ಸರಿ ಇಲ್ಲ ಎಂದು ನೆಟ್ಟಿಗರು ಆಕ್ರೋಶ ಹೊರಹಾಕಿದ್ದಾರೆ. ಇಷ್ಟೇಲ್ಲಾ ಆಗ್ತಿದ್ರೂ, ಏನೂ ಆಗಿಯೇ ಇಲ್ಲ ಎಂದು, ಸುಮ್ಮನಿದ್ದಾರೆ ಅಮೃತ ಫಡ್ನವೀಸ್​..