Featured
ಅರ್ಚರಕ ಒಕ್ಕೂಟ ಸಿಎಂ ಯಡಿಯೂರಪ್ಪ ಅವರನ್ನ ಭೇಟಿ ಆಗಿದ್ದು ಯಾಕೆ..?
ಬೆಂಗಳೂರು : ಬಿ.ಎಸ್.ಯಡಿಯೂರಪ್ಪ ಅವರಿಗೆ ಭಕ್ತಿ, ದೇವರು ಅಂದ್ರೆ ಹೆಚ್ಚು ಪ್ರೀತಿ. ಜೊತೆಗೆ ಮಠಾಧೀಶರು ಅಂದ್ರೆ ಕೂಡ ಎಲ್ಲರಿಗಿಂತಲೂ ಪ್ರೀತಿ. ಹೀಗಾಗಿಯೇ ಈ ಹಿಂದೆ ಯಡಿಯೂರಪ್ಪ ಬೆಂಬಲಕ್ಕೆ ಬಹುತೇಕ ಮಠಾಧೀಶರು ನಿಂತಿದ್ದರು. ಈಗಲೂ ಕೂಡ ಸಿಎಂ ಯಡಿಯೂರಪ್ಪ ಜೊತೆ ಮಠಾಧೀಶರು ಇದ್ದೇ ಇದ್ದಾರೆ. ಇದೀಗ, ಆ ಸಾಲಿಗೆ ಅರ್ಚಕರು ಕೂಡ ಸೇರಿಕೊಂಡಿದ್ದಾರೆ..
ಸಿಎಂ ಯಡಿಯೂರಪ್ಪ ಅವರನ್ನ ಭೇಟಿಯಾಗಿರೋ ಅರ್ಚಕರ ಒಕ್ಕೂಟ, ಯಡಿಯೂರಪ್ಪ ಅವರಿಗೆ ಆಶೀರ್ವಾದ ಮಾಡಿದ್ದಾರೆ. ಅಲ್ಲದೆ, ಮುಂದಿನ ದಿನಗಳಲ್ಲಿ ಯಡಿಯೂರಪ್ಪಗೆ ಒಳ್ಳೇದು ಆಗಲಿದೆ ಎಂದು ಭವಿಷ್ಯವನ್ನೂ ನುಡಿದಿದ್ದಾರೆ.
ಈ ಮಧ್ಯೆ, ರಾಜ್ಯ ಅರ್ಚಕರ ಒಕ್ಕೂಟಕ್ಕೆ ಒಂದು ಭವನ ನಿರ್ಮಿಸಿ ಕೊಡುವಂತೆ ಸಿಎಂಗೆ ಮನವಿ ಸಲ್ಲಿಸಿದ್ದಾರೆ. ಅಲ್ಲದೆ, ಪೂಜಾ ಸಾಮಾಗ್ರಿಗಳ ಖರೀದಿಗೆ ನೀಡುವ ಹಣ ಹೆಚ್ಚಿಸುವಂತೆ ಅರ್ಚಕರು ಮನವಿ ಮಾಡಿದ್ದಾರೆ. ಇಷ್ಟೇ ಅಲ್ಲದೆ, ಅರ್ಚಕರಿಗೆ ನೀಡುವ ಗೌರವ ಧನವನ್ನ 5 ರಿಂದ 6 ಸಾವಿರಕ್ಕೆ ಹೆಚ್ಚಿಸುವಂತೆ ಬೇಡಿಕೆ ಇಟ್ಟಿದ್ದು, ಯಡಿಯೂರಪ್ಪ ಸಕಾರಾತ್ಮಕವಾಗಿ ಸ್ಪಂದಿಸಿದ್ದಾರೆ.
