Featured
ಧೋನಿ ಮುಂದಿನ ನಿರ್ಧಾರ ಕೇಳಿದ್ರೆ ಅಚ್ಚರಿಪಡ್ತೀರಾ..! ಮುಗೀತಾ ಧೋನಿ ದುನಿಯಾ..?
ರೈಸಿಂಗ್ ಕನ್ನಡ :
ಸ್ಪೋರ್ಟ್ಸ್ ಡೆಸ್ಕ್ :
ಐಪಿಎಲ್ ದಿನಾಂಕ ಪ್ರಕಟವಾಗಿಲ್ಲ. ಟಿ20 ವಿಶ್ವಕಪ್ ಈ ವರ್ಷ ಇಲ್ಲವೇ ಇಲ್ಲ. ಹಾಗಾದ್ರೆ ಮಹೇಂದ್ರ ಸಿಂಗ್ ಧೋನಿ ಭವಿಷ್ಯವೇನು..? ಐಪಿಎಲ್ನಲ್ಲಿ ತಮ್ಮ ಸಾಮರ್ಥ್ಯ ಸಾಬೀತುಪಡಿಸೋಕೆ ಸಜ್ಜಾಗಿದ್ದ ಧೋನಿಗೆ ಈಗ ಯಾವುದೇ ಪ್ಲಾಟ್ಫಾಮ್ ಇಲ್ಲದಂತಾಗಿದೆ. ಹಾಗಾದ್ರೆ ಧೋನಿ ಮುಂದಿನ ನಡೆಯೇನು, ಅವರ ಆಲೋಚನೆಗಳೇನು. ಈ ಎಲ್ಲಾ ಪ್ರಶ್ನೆಗ ಈಗ ಉತ್ತರ ಸಿಕ್ಕಿದೆ. 
ಮಹೇಂದ್ರ ಸಿಂಗ್ ಧೋನಿ, ಇಷ್ಟು ದಿನ ಬರೀ ಆಟಗಾರ ಮಾತ್ರ ಆಗಿದ್ದರು. ಆದ್ರೆ, ಇನ್ಮುಂದೆ ಮಾಹಿ, ಕೋಚ್ ಕ್ಯಾಪ್ ಧರಿಸಲಿದ್ದಾರಂತೆ. ಈ ಮೂಲಕ ಯುವಕರಿಗೆ ತರಬೇತಿ ನೀಡಲಿದ್ದಾರಂತೆ. ನಿಜ, ಧೋನಿ, ಆನ್ಲೈನ್ ಕ್ರಿಕೆಟ್ ಅಕಾಡೆಮಿ ಪ್ರಾರಂಭಿಸಲು ಸಜ್ಜಾಗಿದ್ದಾರೆ. ಜುಲೈ 2 ರಂದು ಧೋನಿಯ ಆನ್ಲೈನ್ ಕ್ರಿಕೆಟ್ ಅಕಾಡೆಮಿ, ಉದ್ಘಾಟನೆಗೊಳ್ಳಲಿದೆ. ಧೋನಿಗೆ ದಕ್ಷಿಣ ಆಫ್ರಿಕಾದ ಮಾಜಿ ಕ್ರಿಕೆಟಿಗ ಡ್ಯಾರ್ಯಲ್ ಕಲ್ಲಿನನ್ ಸಾಥ್ ನೀಡಲಿದ್ದಾರೆ. ಧೋನಿ ಅಕಾಡೆಮಿಯಲ್ಲಿ ಕಲ್ಲಿನನ್ ಕೋಚಿಂಗ್ ಡೈರೆಕ್ಟರ್ ಆಗಿ ಕರ್ತವ್ಯ ನಿರ್ವಹಿಸಲಿದ್ದಾರೆ. ಈ ವಿಷ್ಯವನ್ನ ಸ್ವತಹ ಅವರೇ ಬಹಿರಂಗಪಡಿಸಿದ್ದಾರೆ. 
2017 ರಲ್ಲೇ ಧೋನಿ ದುಬೈನಲ್ಲಿ ಕ್ರಿಕೆಟ್ ಅಕಾಡೆಮಿ ಆರಂಭಿಸಿದ್ದರು. ಆದ್ರೆ, ತಮ್ಮ ಬಿಡುವಿಲ್ಲದ ಕ್ರಿಕೆಟ್ನಿಂದಾಗಿ ಅಕಾಡೆಮಿಗೆ ಸಮಯ ನೀಡಲು ಧೋನಿಗೆ ಸಾಧ್ಯವಾಗಲಿಲ್ಲ. 2019ರ ವಿಶ್ವಕಪ್ ಟೂರ್ನಿ ನಂತರ, ಧೋನಿ ಟೀಮ್ ಇಂಡಿಯಾದಲ್ಲಿ ಕಾಣಿಸಿಕೊಂಡಿಲ್ಲ. ಸೋ ಮಾಹಿಯ ಮುಂದಿನ ಪ್ಲಾನ್ಗೆ ಆಲ್ ದಿ ಬೆಸ್ಟ್ ಹೇಳೋಣ.
