Featured
ಅನರ್ಹ ಶಾಸಕರ ಕಥೆ ಏನಾಗುತ್ತೆ..? ಎಲೆಕ್ಷನ್ಗೆ ನಿಲ್ಲಬಹುದಾ..? ಇಲ್ವಾ..? ಸುಪ್ರೀಂಕೋರ್ಟ್ನತ್ತ ಎಲ್ಲರ ಚಿತ್ತ..!
ನವದೆಹಲಿ/ಬೆಂಗಳೂರು : ಕೇವಲ ರಾಜ್ಯದಲ್ಲೇ ಅಲ್ಲದೆ, ಇಡೀ ರಾಷ್ಟ್ರ ರಾಜಕೀಯದಲ್ಲೇ ಕುತೂಹಲ ಕೆರಳಿಸಿರೋ 17 ಅನರ್ಹ ಶಾಸಕರ ಪ್ರಕರಣದ ಅಂತಿಮ ತೀರ್ಪು ನಾಳೆ ಹೊರಬೀಳುವ ಸಾಧ್ಯತೆ ಇದೆ. ನಾಳೆ ಬೆಳಗ್ಗೆ 10.30ಕ್ಕೆ ಸುಪ್ರೀಂಕೋರ್ಟ್ನಲ್ಲಿ ಅನರ್ಹ ಪ್ರಕರಣದ ತೀರ್ಪು ಹೊರಬೀಳಲಿದೆ. ಈ ನಿಟ್ಟಿನಲ್ಲಿ ಅನರ್ಹ ಶಾಸಕರಲ್ಲಿ ಏನಾಗುತ್ತೋ ಏನೋ ಅನ್ನೋ ಭೀತಿ ಶುರುವಾಗಿದೆ.
ಕೇವಲ ಅನರ್ಹರಿಗೆ ಮಾತ್ರವಲ್ಲ, ಬಿಜೆಪಿ, ಕಾಂಗ್ರೆಸ್, ಜೆಡಿಎಸ್ ಸೇರಿದಂತೆ ಎಲ್ಲಾ ಮೂರು ಪಕ್ಷಗಳ ಮುಖಂಡರು ಸುಪ್ರೀಂಕೋರ್ಟ್ ತೀರ್ಪನ್ನೇ ಎದುರು ನೋಡ್ತಿದ್ದಾರೆ. ಈವರೆಗೆ ಈ ರೀತಿಯ ಪ್ರಕರಣ ಸುಪ್ರೀಂಕೋರ್ಟ್ನಲ್ಲಿ ವಿಚಾರಣೆ ಆಗಿಲ್ಲ, ತೀರ್ಪು ಬಂದಿಲ್ಲ. ಹೀಗಾಗಿ, ಸುಪ್ರೀಂ ಅನರ್ಹರ ವಿಚಾರದಲ್ಲಿ ಯಾವ ರೀತಿಯ ತೀರ್ಪು ನೀಡುತ್ತೆ ಅನ್ನೋ ಕುತೂಹಲ ಶುರುವಾಗಿದೆ.
ಸ್ಪೀಕರ್ ನೀಡಿದ ಆದೇಶವನ್ನ ಸುಪ್ರೀಂಕೋರ್ಟ್ ಯಾವ ರೀತಿ ನಿಭಾಯಿಸುತ್ತೆ ಅನ್ನೋದೇ ಸದ್ಯದ ಕುತೂಹಲ. ಶಾಸಕಾಂಗ ಹಾಗೂ ನ್ಯಾಯಾಂಗದ ನಡುವಿನ ತಿಕ್ಕಾಟ ಸದ್ಯಕ್ಕೆ ಕೊನೆಯಾಗೋ ಲಕ್ಷಣಗಳು ಕಾಣ್ತಿಲ್ಲ. ಈ ಪ್ರಕರಣದಲ್ಲಿ ಯಾವುದೇ ತೀರ್ಪು ಬಂದರೂ, ಅದು ಐತಿಹಾಸಿಕವಾಗಿಯೇ ಇರುತ್ತೆ. ಡಿಸೆಂಬರ್ 5ರಂದು ಕರ್ನಾಟಕದಲ್ಲಿ ಉಪ ಚುನಾವಣೆ ನಡೆಯಲಿದೆ. ಈಗಾಗಲೇ ನಾಮಪತ್ರ ಸಲ್ಲಿಕೆ ಶುರುವಾಗಿದ್ದು, ಇದೇ ನವೆಂಬರ್ 18ರಂದು ನಾಮಪತ್ರ ಸಲ್ಲಿಕೆಗೆ ಕೊನೆ ದಿನ. ಹೀಗಾಗಿ, ಅನರ್ಹರ ಭವಿಷ್ಯ ನಾಳೆ ನಿರ್ಧಾರ ಆಗಲೇ ಬೇಕು.
