ಮದುವೆ ಮನೆಯಲ್ಲೇ ಎಡವಟ್ಟು- 43 ಜನಕ್ಕೆ ಮಹಾಮಾರಿ ಕೊರೊನಾ ನಂಟು

ರೈಸಿಂಗ್ ಕನ್ನಡ :

ತಿರುವನಂತಪುರಂ:

ಮಹಾಮಾರಿ ಕೊರೊನಾ ಭೀತಿ ಇರುವ ಹಿನ್ನಲೆಯಲ್ಲಿ ಸಾಕಷ್ಟು ನಿರ್ಬಂಧ ಮತ್ತು ಸಾಮೂಹಿಕ ಜನರು ಒಟ್ಟಿಗೆ ಸೇರುವದರ ನಿಷೇಧ ಇರುವ ಹೊರತಾಗಿಯೂ ಕಾಸರಗೋಡಿನ ಮದುವೆಗೆ ಹೋಗಿದ್ದ 43 ಮಂದಿಗೆ ಕೊರೊನಾ ಸೋಂಕು ತಗುಲಿದೆ.

ಜುಲೈ 17ರಂದು ಕೇರಳದ ಕೇರಳದ ಕಾಸರಗೋಡು ಜಿಲ್ಲೆಯ ಪಿಲಾನಕಟ್ಟಾದಲ್ಲಿ ನಡೆದ ಮದುವೆ ಸಮಾರಂಭದಲ್ಲಿ 125ಕ್ಕೂ ಹೆಚ್ಚು ಮಂದಿ ಪಾಲ್ಗೊಂಡಿದ್ದರು.ಇದೀಗ ಈ ಮಮದುವೆ ಸಮಾರಂಭಕ್ಕೆ ಬಂದಿದ್ದವರ ಪೈಕಿ 43 ಜನರಿಗೆ ಸೋಂಕು ಇರುವುದು ದೃಢಪಟ್ಟಿದೆ. ಬರೀ ಮದುವೆಗೆ ಬಂದವರಿಗೆ ಮಾತ್ರವಲ್ಲ ವಧು-ವರನಿಗೂ ಸೋಂಕು ತಗುಲಿದೆ.

ಕೊರೊನಾ ವೇಳೆ ಮದುವೆ ಸಮಾರಂಭ ನಡೆಸಲು ಸಾಕಷ್ಟು ಮುಂಜಾಗೃತೆಯ ಜೊತೆಗೆ ಸರ್ಕಾರಿ ಅಧಿಕಾರಿಗಳ ಗಮನಕ್ಕೂ ತರಬೇಕು. ಇಷ್ಟೆಲ್ಲ ನೀತಿ ನಿಯಮಗಳು ಇದ್ದರೂ ಮದವೆಯ ಆಯೋಜಕರು ಯಾವುದೇ ಗೈಡ್​ಲೈನ್ಸ್​ಗಳನ್ನು ಫಾಲೋ ಮಾಡುತ್ತಿಲ್ಲ ಅನ್ನುವ ಆರೋಪ ಕೇಳಿ ಬರುತ್ತಿದೆ.

ಮದುವೆಯಲ್ಲಿ ಭಾಗವಹಿಸಿದ್ದ 128 ಮಂದಿಯ ಸ್ಯಾಂಪಲ್​ಗಳನ್ನ ತೆಗೆದುಕೊಳ್ಳಲಾಗಿದೆ. 
ಪ್ರಕರಣಕ್ಕೆ ಸಂಬಂಧಿಸಿದಂತೆ ವಧುವಿನ ತಂದೆಯ ವಿರುದ್ಧ ಬದಿಯುಡ್ಕ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.ಪ್ರಕರಣ ಸಾಬೀತಾದರೆ ಎರಡು ವರ್ಷ ಜೈಲು ಶಿಕ್ಷೆ ಮತ್ತು ಹತ್ತು ಸಾವಿರ ರೂಪಾಯಿ ದಂಡ ವಿಧಿಸಲಾಗಿದೆ.

ವರನ ಅಪ್ಪನಿಗೆ ಮೊದಲಿ ಸೋಂಕು ಕಾಣಿಸಿಕೊಂಡು ಪಾಸಿಟಿವ್ ದೃಢಪಟ್ಟಿತ್ತು. ಕಳೆದ ಕೆಲವು ತಿಂಗಳ ಹಿಂದೆ ವರ ದುಬೈನಿಂದ ಮನೆಗೆ ಬಂದಿದ್ದರು.