ಹಳೆಯ ಕೊಳವೆ ಬಾವಿಯಲ್ಲಿ ಉಕ್ಕಿದ ನೀರು: ಫಲ ಕೊಟ್ಟ ಕೆರೆ ತುಂಬುವ ಯೋಜನೆ

ರೈಸಿಂಗ್ ಕನ್ನಡ :

ವಿಜಯಪುರ :

ಜಿಲ್ಲೆ ತಿಡಗುಂದಿಯಲ್ಲಿ ಹಳೆಯ ಕೊಳವೆ ಬಾವಿಯಲ್ಲಿ ನೀರು ಉಕ್ಕಿ ಹರಿದು ಇಲ್ಲಿನ ಸ್ಥಳೀಯರನ್ನ ನಿಬ್ಬೆರೆಗಾಗಿಸಿದೆ.

ಸುಮಾರು 600 ಅಡಿ ಆಳವಿರುವ ಕೊಳವೆ ಬಾವಿಯಲ್ಲಿ ವಿದ್ಯುತ್ ಸಂಪರ್ಕವಿಲ್ಲದೆ ಗಂಗೆ ಉಕ್ಕಿ ಹರಿಯುತ್ತಿದ್ದಾಳೆ.  ಬರಪೀಡಿತ ಜಿಲ್ಲೆ ಎಂದು ಹಣೆಪಟ್ಟಿ ಕಟ್ಟಿಕೊಂಡಿದ್ದ ವಿಜಯಪುರ ಜಿಲ್ಲೆಯಲ್ಲಿ ಕೆರೆ ತುಂಬುವ ಯೋಜನೆ ಜಾರಿಗೆ ತಂದ ಬಳಿಕ ಜಿಲ್ಲೆಯಲ್ಲಿ ಹಲವು ಕಡೆ ಗಂಗೆ ಹರಿಯುತ್ತಿದ್ದಾಳೆ.

ಕೆರೆಗೆ ನೀರು ತುಂಬಿಸುವ ಯೋಜನೆ ಈಗ ಹೊಸ ಪ್ರದೇಶಗಳಿಗೂ ಅಂತರ್ಜಲ ಹೆಚ್ಚಾಗಲು ಕಾರಣ ಎಂದು ಗ್ರಾಮಸ್ಥರು ಸಂತಸ ಹಂಚಿಕೊಂಡಿದ್ದಾರೆ.

ಈ ಭಾಗದಲ್ಲಿ 600 ರಿಂದ 900 ಅಡಿಯವರೆಗೆ ಕೊಳವೆ ಭಾವಿ ಕೊರೆದರೂ ಈ ಮುಂಚೆ ನೀರು ಬಂದಿರಲಿಲ್ಲ.  ಈ ಹಿನ್ನೆಲೆಯಲ್ಲಿ ಈಗ ಕೆರೆಗೆ ನೀರು ತುಂಬಿಸುವ ಯೋಜನೆಯಿಂದ ಅಂತರ್ಜಲ ಹೆಚ್ಚಾಗಿರುವುದಕ್ಕೆ ಇದು ಸಾಕ್ಷಿಯಾಗಿದೆ ಎಂದಿದ್ದಾರೆ ಗ್ರಾಮಸ್ಥರು.