ರೈಸಿಂಗ್ ಕನ್ನಡ :
ಸಂದರ್ಶನ : ಯೋಗೇಶ್, ಡೆಪ್ಯೂಟಿ ಎಡಿಟರ್
ರೈಸಿಂಗ್ ಕನ್ನಡ : ಪಿಆರ್ಕೆ ಪ್ರೊಡಕ್ಷನ್ನಲ್ಲಿ ನಿಮ್ಮ ಚಿತ್ರ. ಹೇಗನ್ನಿಸುತ್ತಿದೆ?
ಡ್ಯಾನಿಷ್ ಸೇಠ್ : ತುಂಬಾ ಖುಷಿಯಾಗ್ತಿದೆ. ಹತ್ತು ವರ್ಷದ ಮೊದಲು ಒಂದು ಕಂಪೆನಿಯಲ್ಲಿ ಕೆಲಸ ಮಾಡುವಾಗ, ಈವೆಂಟ್ ಒಂದಕ್ಕೆ ಪುನೀತ್ ಅಣ್ಣ ಬಂದಿದ್ದರು. ಆದ್ರೆ ಮಾತಾಡೋ ಅವಕಾಶ ಸಿಕ್ಕಿರಲಿಲ್ಲ. ಆದ್ರೆ, ಹತ್ತು ವರ್ಷದ ಬಳಿಕ ಅವರ ಬ್ಯಾನರ್ ಮೂವಿಯಲ್ಲೇ ಅಭಿನಯಿಸುತ್ತಿದ್ದೇನೆ. ನಿಜಕ್ಕೂ ತುಂಬಾ ಖುಷಿಯಾಗಿದೆ. ನಿರ್ದೇಶಕ ಪನ್ನಗ ಭರಣ ಇದಕ್ಕೆ ಕಾರಣ. ನಾವು ಕಥೆ ಸಮೇತ ಹೋದಾಗ, ಪುನೀತ್ ಅಣ್ಣ ಸಂತೋಷದಿಂದ ಒಪ್ಪಿಕೊಂಡರು.
ರೈಸಿಂಗ್ ಕನ್ನಡ : ಮಾಯಾಬಜಾರ್, ಕವಲುದಾರಿ, ಲಾ ನಂತಹ ಚಿತ್ರಗಳು ಈ ಬ್ಯಾನರ್ನಿಂದ ಬಂದಿವೆ. ಈಗ ಫ್ರೆಂಚ್ ಬಿರಿಯಾನಿ ನಿರೀಕ್ಷೆ ಹೆಚ್ಚಾಗಿದೆ. ಹೇಗನ್ನಿಸುತ್ತಿದೆ?
ಡ್ಯಾನಿಷ್ ಸೇಠ್ : ತುಂಬಾ ಖುಷಿಯಾಗುತ್ತಿದೆ. ಪುನೀತ್ ಅಣ್ಮ ಕಥೆ ಮತ್ತು ಕ್ರಿಯಾಶೀಲತೆಗೆ ಬೆಲೆ ಕೊಡ್ತಾರೆ. ಅವರ ಬ್ಯಾನರ್ನಲ್ಲಿ ಬಂದಿರೋ ಯಾವ ಚಿತ್ರಗಳಲ್ಲೂ ದೊಡ್ಡ ದೊಡ್ಡ ಸ್ಟಾರ್ಗಳಿಲ್ಲ. ನಮ್ಮಂತ ಹೊಸ ಪ್ರತಿಭೆಗಳನ್ನ ಗುರುತಿಸೋ ಕೆಲ್ಸ ಅವರಿಂದ ಆಗುತ್ತಿದೆ. ನಮ್ಮ ಕಥೆ ಮತ್ತು ಕಾನ್ಸಪ್ಟೆ ಅವರಿಗೆ ಖುಷಿ ಆಗುತ್ತಿದ್ದಂತೆ ಓಕೆ ಅಂದು ಬಿಟ್ರು. ನಾವು ತುಂಬಾ ಸಂತಸ ಪಟ್ಟೆವು.
ರೈಸಿಂಗ್ ಕನ್ನಡ : ಫ್ರೆಂಚ್ ಬಿರಿಯಾನಿ…, ಇದ್ರಲ್ಲಿ ಪ್ರೇಕ್ಷಕರು ಖುಷಿ ಖುಷಿಯಾಗಿ ಸವಿಯೋಕೆ ಇರುವಂತಹ ಇಂಗ್ರೀಡಿಯಂಟ್ಸ್ ಏನು..?
ಡ್ಯಾನಿಷ್ ಸೇಠ್ : ಇದ್ರಲ್ಲಿ ಯಾವುದೋ ಒಂದು ಇಂಗ್ರೀಡಿಯಂಟ್ ಅಂತ ಹೇಳೋಕೆ ಇಷ್ಟ ಪಡೋಲ್ಲ. ಶಿವಾಜಿ ನಗರದ ಸ್ಥಳೀಯ ಭಾಷೆ ಇದರಲ್ಲಿನ ಮೊದಲ ರುಚಿ, ನಂತರದಲ್ಲಿ ರಂಗಾಯಣ ರಘು ಸರ್ ಅವರ ಕಾಮಿಡಿ ಇದೆ. ಫ್ರೆಂಚ್ ವ್ಯಕ್ತಿಯ ಕಾಮಿಡಿ ಇದೆ. ಆಟೋ ಡ್ರೈವರ್ ಆಗಿ ನಾನು ನನ್ನದೆ ಶೈಲಿಯಲ್ಲಿ ಮಾತನಾಡಲು ಸಂಪೂರ್ಣ ಸ್ವಾತಂತ್ರ್ಯ ಸಿಕ್ಕಿದೆ. ಹೀಗೆ ಸಾಕಷ್ಟು ವಿಶೇಷತೆಗಳಿವೆ.
ರೈಸಿಂಗ್ ಕನ್ನಡ : ಈಗಾಗಲೇ ರಿಲೀಸ್ ಆಗಿರೋ ಸಾಂಗ್ಗಳು ಫ್ರೆಂಚ್ ಬಿರಿಯಾನಿ ಚಿತ್ರದ ಕ್ಯೂರಿಯಾಸಿಟಿಯನ್ನ ಮತ್ತಷ್ಟು ಹೆಚ್ಚಿಸಿವೆ. ಸಾಂಗ್ಸ್ ಬಗ್ಗೆ ಏನಂತೀರಾ..?
ಡ್ಯಾನಿಷ್ ಸೇಠ್ : ನಮ ನಮ ನಮಸ್ತೆ, ಏನಿದು ಅವಸ್ಥೆ ಅನ್ನೋ ಸಾಂಗ್ನಲ್ಲಿ ಬೆಂಗಳೂರು ಬದುಕಿನ ಚಿತ್ರಣ ಇದೆ. ಸ್ಯಾಂಡಲ್ವುಡ್ ದಿಗ್ಗಜರನ್ನ ನೆನಪಿಸಿಕೊಳ್ಳಲಾಗಿದೆ. ಬೆಂಗಳೂರನ ಎಲ್ಲಾ ವರ್ಗದ ಜನರ ಜೀವನವಿದೆ. ಏನ್ ಸ್ವಾಮಿ ಅನ್ನೋ ಹಾಡು ಕೂಡ ರಿಲೀಸ್ ಆಗಿದೆ. ಇದನ್ನ ಪುನೀತ್ ಅಣ್ಣ ಹಾಡಿದ್ದಾರೆ. ಅದ್ರಲ್ಲೂ ಕನ್ನಡದ ಬಗ್ಗೆ ತಿಳಿಸಲಾಗಿದೆ. ನಿಜಕ್ಕೂ ನನ್ನ ಬದುಕಿನಲ್ಲಿ ಈ ಚಿತ್ರ ತುಂಬಾನೆ ವಿಶೇಷತೆಗಳನ್ನ ನೀಡಲಿದೆ.
ರೈಸಿಂಗ್ ಕನ್ನಡ : ನಿಜಕ್ಕೂ ಫ್ರೆಂಚ್ ವ್ಯಕ್ತಿಗೆ ನೀವು ಬಿರಿಯಾನಿ ತಿನ್ನಿಸ್ತೀರೋ ಇಲ್ಲಾ, ಕುಷ್ಕಾ ಕೊಟ್ಟು ಕಳಿಸ್ತೀರೋ…?
ಡ್ಯಾನಿಷ್ ಸೇಠ್ : ಹ… ಹ… ಹ.. ಇಲ್ಲಾ ಅದನ್ನ ನೀವು ಸಿನಿಮಾದಲ್ಲೇ ನೋಡಬೇಕು. ನಿಜ ಹೇಳಬೇಕು ಅಂದ್ರೆ, ಆ ಪಾತ್ರವನ್ನ ಮಾಡಿರೋ ವ್ಯಕ್ತಿ ಕೂಡ ನನಗೆ ತುಂಬಾನೆ ವರ್ಷದಿಂದ ಪರಿಚಯ ಇರುವವರಾಗಿದ್ದಾರೆ. ಈ ಪಾತ್ರಕ್ಕೆ ಅವರನ್ನ ಆಯ್ಕೆ ಮಾಡಿದಾಗ ಕೂಡ ತುಂಬಾನೆ ಖುಷಿಯಿಂದ ಒಪ್ಪಿಕೊಂಡ್ರು. ಅದ್ರಲ್ಲೂ ಶಿವಾಜಿ ನಗರದಂತಹ ಪ್ರದೇಶದಲ್ಲಿ ಶೂಟಿಂಗ್ ಮಾಡಿದಾಗ ಅವರು ಅಭಿನಯಿಸಿದ ರೀತಿ ತುಂಬಾನೆ ವಿಭಿನ್ನವಾಗಿತ್ತು. ಎಲ್ಲರು ಆ ಕ್ಷಣಗಳನ್ನ ಎಂಜಾಯ್ ಮಾಡಿದ್ದೀವಿ.
ರೈಸಿಂಗ್ ಕನ್ನಡ : ಓಟಿಟಿ ಪ್ಲಾಟ್ಫಾರ್ಮ್ ಅನ್ನೋದು ಡ್ಯಾನಿಶ್ಗೆ ಹೊಸತೇನಲ್ಲ. ಯಾಕಂದ್ರೆ ಅವರು ಜನರ ಮನಸ್ಸಿಗೆ ಹತ್ತಿರವಾಗಿದ್ದೇ ಸೋಶಿಯಲ್ ಮೀಡಿಯಾ ಮೂಲಕ. ಈ ಚಿತ್ರ ಓಟಿಟಿಯಲ್ಲಿ ರಿಲೀಸ್ ಆಗ್ತಿದೆ ಏನಂತೀರಾ..?
ಡ್ಯಾನಿಷ್ ಸೇಠ್ : ನಿಜ, ಏಕಕಾಲಕ್ಕೆ 200 ದೇಶಗಳಲ್ಲಿ ಚಿತ್ರ ತೆರೆಕಾಣುತ್ತೆ. ಇದಕ್ಕಿಂತ ಖುಷಿ ವಿಷ್ಯ ಇನ್ನೇನಿದೆ. ಹಂಬಲ್ ಪೊಲಿಟೀಷಿಯನ್ ನೋಗರಾಜ್ ಚಿತ್ರ, ಅಮೇಜಾನ್ನಲ್ಲಿ ಬಂದ ಮೊದಲ ಕನ್ನಡ ಚಿತ್ರ. ಹಾಗಾಗಿ ಓಟಿಟಿ ಪ್ಲಾಟ್ಫಾರ್ಮ್ನ ಪ್ರತೀ ಹಂತದ ಪರಿಶ್ರಮವೂ ನನಗೆ ಗೊತ್ತಿದೆ. ಅಲ್ಲದೇ ನಾನು ಜನರಿಗೆ ಪರಿಚಿತವಾಗಿರೋದೆ ಸೋಶಿಯಲ್ ಮೀಡಿಯಾ ಮೂಲಕ, ಹೀಗಾಗಿ ನಿರೀಕ್ಷೆ ಇದೆ. ನನ್ನಂತ ಸಾಮಾನ್ಯ ಕಲಾವಿದನನ್ನ ಜನ ಹರಸುತ್ತಾರೆ ಅನ್ನೋ ವಿಶ್ವಾಸ ಇದೆ.
ರೈಸಿಂಗ್ ಕನ್ನಡ : ನಿಮ್ಮ ಮೊದಲ ಚಿತ್ರಕ್ಕೆ ವಿರಾಟ್ ಕೊಹ್ಲಿ ವಿಡಿಯೋ ಮೆಸೇಜ್ ಕಳುಹಿಸಿ ಶುಭ ಹಾರೈಸಿದ್ದರು. ಫ್ರೆಂಚ್ ಬಿರಿಯಾನಿ ಬಗ್ಗೆ ಅವರಿಗೇನಾದ್ರೂ ಗೊತ್ತಿದ್ಯಾ?
ಡ್ಯಾನಿಷ್ ಸೇಠ್ : ಹಾ ನಿಜ. ಈ ಚಿತ್ರದ ಟ್ರೇಲರ್ ಅನ್ನ ಕೂಡ ಅವರಿಗೆ ಕಳುಹಿಸಿದ್ದೆ. ಸಮ್ ಥಿಂಗ್ ಡಿಫ್ರೆಂಟ್ ಅಂತ ರಿಪ್ಲೇ ಮಾಡಿದ್ರೂ. ರಿಲೀಸ್ ಡೇಟ್ ಕೇಳಿಕೊಂಡು ಮೆಸೇಜ್ ಮಾಡಿದ್ರು. ಅಲ್ಲದೇ ಜುಲೈ 24ಕ್ಕೆ ಚಿತ್ರ ವೀಕ್ಷಿಸೋದಾಗಿ ಕೂಡ ತಿಳಿಸಿದ್ದಾರೆ.
ಒಟ್ಟಿನಲ್ಲಿ ತನ್ನದೇ ಆದ ವಿಭಿನ್ನ ಶೈಲಿಯಲ್ಲಿ ಅಭಿಮಾನಿಗಳನ್ನ ರಂಜಿಸುತ್ತಿರೋ ಡ್ಯಾನಿಷ್ ಸೇಠ್ಗೆ ಫ್ರೆಂಚ್ ಬಿರಿಯಾನ್ ಯಶಸ್ಸು ತಂದುಕೊಡಲಿ ಅಂತ ಆಶಿಸೋಣ.
ನಾನೇನು ಮಾಡಿಲ್ಲ ಅಂತಿದ್ದ ದರ್ಶನ್ , ಸಾಕ್ಷಿ ನೋಡ್ತಿದ್ದಂತೆ ಸೈಲೆಂಟ್ಆಗಿ ಬಿಟ್ರಾ ಚಾಲೆಂಜಿಂಗ್ ಸ್ಟಾರ್..?
ಸ್ಯಾಂಡಲ್ವುಡ್ಗೆ ಶಾಕಿಂಗ್ ನ್ಯೂಸ್ .! ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅರೆಸ್ಟ್..!
ಸ್ಯಾಂಡಲ್ವುಡ್ಗೆ ಶಾಕಿಂಗ್ ನ್ಯೂಸ್ .! ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅರೆಸ್ಟ್..!
ಗ್ಯಾರಂಟಿ ಶಕ್ತಿ ಯೋಜನೆ ಎಫೆಕ್ಟ್: ಟಿಕೆಟ್ ರೇಟ್ ದುಪ್ಪಟ್ಟು
ಚಂದನ್ – ನಿವೇದಿತಾ ಜೋಡಿಯನ್ನು ಒಂದು ಮಾಡ್ತಾರಾ ನಟ ಧ್ರುವ ಸರ್ಜಾ.?
ವಿಚ್ಛೇದನ ಪಡೆದು ವಿದೇಶಕ್ಕೆ ಹರ್ತಿದ್ದಾರಾ ನಿವೇದಿತಾ ಗೌಡ..? ಚಂದನ್ ಶೆಟ್ಟಿ ಹೇಳಿದ್ದೇನು..?