ಮಹಾರಾಷ್ಟ್ರದ ಉಜನಿಯಲ್ಲಿ ಮಳೆ: ವಿಜಯಪುರದ ಉಮರಾಣಿ-ಲವಗಿ ಬ್ಯಾರೇಜ್ ಮುಳುಗಡೆ

ರೈಸಿಂಗ್ ಕನ್ನಡ :

ವಿಜಯಪುರ:

ಮಹಾರಾಷ್ಟ್ರದಲ್ಲಿ ಭಾರಿ ಮಳೆ ಹಿನ್ನೆಲೆ ಜಿಲ್ಲೆಯ  ಭೀಮಾ ನದಿ ನೀರಿನಲ್ಲಿ ಒಳ ಹರಿವು ಹೆಚ್ಚಳವಾಗಿದೆ.

ಕಳೆದ ಕೆಲವು ದಿನಗಳಿಂದ ಮಹಾರಾಷ್ಟ್ರದಲ್ಲಿ  ಭಾರೀ ಮಳೆಯಾಗುತ್ತಿದೆ.ಪರಿಣಾಮ ಉತ್ತರ ಕರ್ನಾಟಕ ಬಹುತೇಕ ಜಿಲ್ಲೆಗಳು  ಪ್ರವಾಹದ ಸುಳಿಯಲ್ಲಿ ಸಿಲುಕಿವೆ. ಆಲಮಟ್ಟಿ, ಕೃಷ್ಣ ಜಲಾಶಯಗಳು  ಭರ್ತಿಯಾಗಿ ನೀರನ್ನ ಹೊರ ಬಿಡಲಾಗುತ್ತಿದೆ.

ಮಹಾರಾಷ್ಟ್ರದ ಉಜನಿ ಭಾಗದಲ್ಲಿ ಮಳೆ ಹೆಚ್ಚಾದ ಹಿನ್ನೆಲೆ ಭೀಮಾ ನದಿ ನೀರಿನ ಮಟ್ಟ ಏರಿಕೆಯಾಗಿದೆ. ಜಿಲ್ಲೆಯ ಉಮರಾಣಿ-ಲವಗಿ ಬ್ಯಾರೇಜ್ ಮುಳುಗಡೆಯಾಗಿದ್ದು ಬ್ಯಾರೇಜ್ ಮೀರಿ ನೀರು ಹರಿಯುತ್ತಿದೆ. ಭೀಮಾ ನದಿ ತೀರದ ಬಹುತೇಕ ಎಲ್ಲಾ ಬ್ಯಾರೇಜುಗಳು ಭರ್ತಿಯಾಗಿವೆ.