LOC ಬಳಿ ಪಾಕ್​​ನಿಂದ ಅಪ್ರಚೋದಿತ ಶೆಲ್ ದಾಳಿ- ಭಾರತೀಯ ಯೋಧ ಹುತಾತ್ಮ

ರೈಸಿಂಗ್​ ಕನ್ನಡ:

ನವದೆಹಲಿ:

ಪಾಪಿ ಪಾಕಿಸ್ತಾನ ಗಡಿ ನಿಯಂತ್ರಣ ರೇಖೆ (LOC) ಮತ್ತೆ ಪಾಪಿ ಬುದ್ದಿ ಪ್ರದರ್ಶಿಸಿದೆ. ಭಾರತೀಯ ಯೋಧರನ್ನು ಗುರಿಯಾಗಿರಿಸಿಕೊಂಡು ಪಾಕಿಸ್ತಾನ ನಡೆಸಿದ ಅಪ್ರಚೋದಿತ ಶೆಲ್​ ದಾಳಿಯಲ್ಲಿ ಭಾರತೀಯ ಯೋಧನೊಬ್ಬ ಹುತಾತ್ಮನಾಗಿದ್ದಾನೆ.

ಪೂಂಚ್​ ಸೆಕ್ಟರ್​ನ ಕೃಷ್ಣ ಘಾಟಿ, ನೌಶೆರಾ ಸೆಕ್ಟರ್​ ಹಾಗೂ ಕಥುವಾ ಜಿಲ್ಲೆಯ ಗಡಿ ಬಳಿಯಲ್ಲಿ ಪಾಕಿಸ್ತಾನ ಯೋಧರು ಅಪ್ರಚೋದಿತ ಶೆಲ್ಲಿಂಗ್​ ದಾಳಿ ನಡೆಸಿದ್ದಾರೆ. LOC ಬಳಿ  ಪೆಟ್ರೋಲಿಂಗ್​ ನಡೆಸುತ್ತಿದ್ದ ಯೋಧ ಶೆಲ್ಲಿಂಗ್​ ವೇಳೆ ಗಾಯಗೊಂಡು, ಆಸ್ಪತ್ರೆ ಸಾಗಿಸುವ ವೇಳೆ ಕೊನೆಯುಸಿರೆಳೆದಿದ್ದಾನೆ.

ಪಾಕಿಸ್ತಾನದ ಶೆಲ್​ ದಾಳಿಯಿಂದಾಗಿ ಭಾರತದ 4 ಯೋಧರು ಜೂನ್​ ತಿಂಗಳಲ್ಲೇ ಪ್ರಾಣ ಕಳೆದುಕೊಂಡಿದ್ದಾರೆ.  ಜೂನ್​ 4 ಮತ್ತು 10ರಂದು ಗಡಿಯಲ್ಲಿ ನಡೆದ ಗುಂಡಿನ ದಾಳಿಯಲ್ಲಿ ಇಬ್ಬರು ಹುತಾತ್ಮರಾಗಿದ್ದಾರೆ.  ಪೂಂಚ್​ನಲ್ಲಿ ಜೂನ್​ 14ರಂದು ನೆದ ಗುಂಡಿನ ದಾಳಿಯಲ್ಲಿ ಒಬ್ಬ ಯೋಧ ಮೃತನಾಗಿದ್ದ.