Featured
ಕುಲಭೂಷಣ್ ಭೇಟಿಗೆ ಪಾಕ್ ಬಳಿ ಬೇಷರತ್ ಪ್ರವೇಶ ಕೇಳಿದ ಭಾರತ
ರೈಸಿಂಗ್ ಕನ್ನಡ :
ನ್ಯೂಸ್ ಡೆಸ್ಕ್ :
ಪಾಪಿ ಪಾಕ್ ವಶದಲ್ಲಿರುವ ಭಾರತದ ನೌಕಾ ಸೇನೆಯ ಮಾಜಿ ಅಧಿಕಾರಿ ಕುಲಭೂಷಣ್ ಜಾಧವ್ ಅವರೊಂದಿಗೆ ಮಾತನಾಡಲು ಭಾರತ ಪಾಕ್ ಬಳಿ ಬೇಷರತ್ ಪ್ರವೇಶ ಕೇಳಿದೆ.
ಮರಣದಂಡನೆ ಶಿಕ್ಷೆಗೆ ಒಳಗಾಗಿರುವ ನಿವೃತ್ತ ಭಾರತೀಯ ನೌಕಪಡೆಯ ಅಧಿಕಾರಿ ಕುಲಭೂಷಣ್ ಜಾಧವ್ಗೆ ನೀಡಲಾಗಿರುವ ಗಲ್ಲು ಶಿಕ್ಷೆಯನ್ನು ಮರುಪರಿಶೀಲನೆ ಅರ್ಜಿ ಸಲ್ಲಿಸಲು ಜಾಧವ್ ಮುಂದೆ ಬಂದಿಲ್ಲ ಎಂದು ಪಾಕಿಸ್ತಾನ ಹೇಳಿದೆ.
ಹೊಸ ಪರಿಶೀಲನಾ ಅರ್ಜಿ ಸಲ್ಲಿಸುವಂತೆ ನಾವು ಜಾಧವ್ ಅವರಿಗೆ ಆಮಂತ್ರಿಸಿದೆವು. ಆದರೆ ಜಾಧವ್ ಒಪ್ಪಲಿಲ್ಲ. ಕ್ಷಮದಾನ ಮನವಿಯೊಮದಿಗೆ ಮುಂದುವರೆಯಲು ನಿರ್ಧರಿಸಿದ್ದಾರೆ ಎಂದು ಪಾಕ್ ಅಟಾರ್ನಿ ಜನರಲ್ ಹೇಳಿದ್ದಾರೆ. ಪಾಕಿಸ್ತಾನ ಕುಲಭೂಷಣ್ ಜಾಧವ್ಗೆ ಎರಡನೇ ಕ್ಯಾನ್ಸುಲೆರ್ ಪ್ರವೇಶವನ್ನ ನೀಡಿದೆ.
ಕುಲಭೂಷಣ್ ಅವರ ಅರ್ಜಿ ಕುರಿತು ಭಾರತ ಪಾಕ್ ಕುತಂತ್ರದ ಬಗ್ಗೆ ಮಾತನಾಡಿದೆ. ಕಳೆದ 4 ವರ್ಷದಿಂದ ಈ ಪ್ರಕರಣದಲ್ಲಿ ಚೆಲ್ಲಾಟವಾಡುತ್ತಾ ಬಂದಿದೆ ಎಂದು ಆರೋಪಿಸಿದೆ. ನಾವು ಕಾನೂನಿನ ಬೇರೆ ಬೇರೆ ಮಾರ್ಗಗಳನ್ನ ಹುಡುಕುತ್ತಿದ್ದು ಭಾರತೀಯರ ರಕ್ಷಣೆಗೆ ಬದ್ಧರಾಗಿರುವುದಾಗಿ ಭಾರತ ಹೇಳಿದೆ.
