TV ಮಾಧ್ಯಮದಲ್ಲಿ ಸಂಚಲನ : NEWS 18 ಕನ್ನಡ 3ನೇ ಸ್ಥಾನಕ್ಕೆ ಜಿಗಿತ, ಸುವರ್ಣ ನ್ಯೂಸ್​ 4ನೇ ಸ್ಥಾನಕ್ಕೆ ಕುಸಿತ. ಪಬ್ಲಿಕ್​ ಟಿವಿಗೂ ಶಾಕ್​..!

ಬೆಂಗಳೂರು : ಪ್ರತಿವಾರದ ಅಚ್ಚರಿಯಂತೆ ಟಿವಿ ಮಾಧ್ಯಮದ ರೇಟಿಂಗ್​, ಪ್ರತಿವಾರ ಬದಲಾವಣೆ ಆಗ್ತಿರುತ್ತೆ. ಪ್ರತಿ ಗುರುವಾರ ಟಿವಿಗಳ ರೇಟಿಂಗ್ ಬಿಡುಗಡೆಯಾಗುತ್ತೆ. ಕಳೆದ ಗುರುವಾರ ರಜೆ ಇದ್ದ ಕಾರಣ, ಕಳೆದವಾರದ ರೇಟಿಂಗ್ ಸೋಮವಾರ ಬಹಿರಂಗವಾಗಿದ್ದು, ಟಿವಿ ಮಾಧ್ಯಮದಲ್ಲಿ ಹಲವರಿಗೆ ಶಾಕ್​ ಆಗದೆ. ಕಾರಣ, ನ್ಯೂಸ್​ 18 ಕನ್ನಡದ ರೇಟಿಂಗ್​ ಜಿಗಿತ.

ಕಳೆದ ಎರಡು ವಾರಗಳಿಂದ ನ್ಯೂಸ್​ 18 ಕನ್ನಡ, ಕನ್ನಡ ಸುದ್ದಿ ಮಾಧ್ಯಮಗಳಲ್ಲಿ 3ನೇ ಸ್ಥಾನವನ್ನ ಕಾಯ್ದುಕೊಂಡಿದೆ. ಈ ವಾರವಂತೂ, ಸುವರ್ಣ ನ್ಯೂಸ್​ಗಿಂತ ನ್ಯೂಸ್​ 18 ಕನ್ನಡ ಸಾಕಷ್ಟು ಮುಂದೆ ಇದ್ದು, ಕ್ಲೀನ್​ ಮೂರನೇ ಪ್ಲೇಸ್​ಗೆ ಬಂದು ಕೂತಿದೆ.

ಪಬ್ಲಿಕ್​ ಟಿವಿಗೂ ಶಾಕ್​ ಕೊಟ್ಟ ನ್ಯೂಸ್​ 18..!

ಯೆಸ್​, ಪಬ್ಲಿಕ್ ಟಿವಿಗೂ ನ್ಯೂಸ್​ 18 ಶಾಕ್​ ಕೊಟ್ಟಿದ್ದು, ಗ್ರಾಮೀಣ ಭಾಗದಲ್ಲಿ ಎರಡನೇ ಸ್ಥಾನಕ್ಕೆ ಜಿಗಿದಿದೆ. ರೇಟಿಂಗ್​ನಲ್ಲಿ ಮೂರು-ನಾಲ್ಕು ವಿಭಾಗಗಳಿರುತ್ವೆ. ಬೆಂಗಳೂರು, ನಗರ ಪ್ರದೇಶ, ಗ್ರಾಮೀಣ ಎಂಬ ವಿಭಾಗಗಳಲ್ಲಿ ರೇಟಿಂಗ್ ಪ್ರಕಟವಾಗುತ್ತೆ. ಈ ವಿಭಾಗಗಳಲ್ಲಿ ಒಟ್ಟಾರೆ ರೇಟಿಂಗ್​ನಲ್ಲಿ ನ್ಯೂಸ್​ 18 ಮೂರನೇ ಸ್ಥಾನಕ್ಕೆ ಜಿಗಿದಿದ್ದು, ಗ್ರಾಮೀಣ ಭಾಗದಲ್ಲಿ ಎರಡನೇ ಪ್ಲೇಸ್​ಗೆ ಜಿಗಿದಿದೆ. ಇದರಿಂದಾಗಿ ಪಬ್ಲಿಕ್​ ಟಿವಿಗೂ ನ್ಯೂಸ್ 18 ಶಾಕ್​ ಕೊಟ್ಟಿದ್ದು, ಎರಡನೇ ಸ್ಥಾನದ ಮೇಲೆ ಕಣ್ಣಿಟ್ಟಿದೆ.