ತುಮಕೂರಿನಲ್ಲಿ ಕೊರೊನಾ ನಾಗಾಲೋಟ..! ಒಂದೇ ದಿನ 52 ಪಾಸಿಟಿವ್ : ಸೋಂಕಿತರ ಸಂಖ್ಯೆ 565ಕ್ಕೆ ಏರಿಕೆ

ರೈಸಿಂಗ್​ ಕನ್ನಡ

ತುಮಕೂರು:

ಕೊರೊನಾ ಸೋಂಕಿನ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇವೆ. ತುಮಕೂರು ಜಿಲ್ಲೆಯಲ್ಲಿ ಒಂದೇ ದಿನ 52 ಕೊರೊನಾ ಪಾಸಿಟಿವ್ ಪ್ರಕರಣಗಳು ಪತ್ತೆಯಾಗಿವೆ. ಈ ಮೂಲಕ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ ಒಟ್ಟು 565ಕ್ಕೆ ಏರಿಕೆಯಾಗಿದೆ.

 ತುಮಕೂರು ನಗರದಲ್ಲಿ 31, ತುರುವೇಕೆರೆ 5, ಶಿರಾ1, ಪಾವಗಡ 4, ತಿಪಟೂರು 5, ಕೊರಟಗೆರೆ 1, ಮಧುಗಿರಿ 1, ಕುಣಿಗಲ್ 2, ಚಿಕ್ಕನಾಯಕನಹಳ್ಳಿಯಲ್ಲಿ 2 ಪ್ರಕರಣ ದಾಖಲಾಗಿವೆ. ಕೊರೊನಾದಿಂದ ಸಾವನಪ್ಪಿದವರ ಸಂಖ್ಯೆ ಜಿಲ್ಲೆಯಲ್ಲಿ 16ಕ್ಕೆ ಏರಿಕೆಯಾಗಿದೆ.

ಇಂದು 17 ಜನ ಕೊರೋನಾದಿಂದ ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದಾರೆ. ಇನ್ನು ಐಸಿಯುವಿನಲ್ಲಿ 6 ಮಂದಿ ಸೋಂಕಿತರಿಗೆ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಜಿಲ್ಲಾ ಆರೋಗ್ಯಧಿಕಾರಿ ನಾಗೇಂದ್ರಪ್ಪ ತಿಳಿಸಿದ್ದಾರೆ.