ತುಮಕೂರಿನಲ್ಲಿ ಶತಕ ಬಾರಿಸಿದ ಕೊರೊನಾ: ಸೋಂಕಿತರ ಸಂಖ್ಯೆ 1,214ಕ್ಕೆ ಏರಿಕೆ

ರೈಸಿಂಗ್​ ಕನ್ನಡ :

ತುಮಕೂರು:

 ಜಿಲ್ಲೆಯಲ್ಲಿ ಇಂದು ಕೂಡ 106 ಜನರಿಗೆ ಕೊರೊನಾ ಪಾಸಿಟಿವ್ ಇರುವುದು ದೃಢಪಟ್ಟಿದ್ದು  ಸೊಂಕಿತರ ಸಂಖ್ಯೆ 1,214 ಕ್ಕೆ  ಏರಿಕೆಯಾಗಿದೆ ಎಂದು ಜಿಲ್ಲಾ ಆರೋಗ್ಯ ಕುಟುಂಬ ಕಲ್ಯಾಣಾಧಿಕಾರಿ ಡಾ. ನಾಗೇಂದ್ರಪ್ಪ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ತಾಲ್ಲೂಕುವಾರು ಸೊಂಕಿತರ ವಿವರ:

ತುಮಕೂರು 50, ಚಿಕ್ಕನಾಯಕನಹಳ್ಳಿ 2, ಪಾವಗಡ 5, ತಿಪಟೂರು 5, ಮದುಗಿರಿ 8, ಕೊರಟಗೆರೆ 9, ಕುಣಿಗಲ್  11, ತುರುವೇಕೆರೆ 6, ಶಿರಾ 1, ಗುಬ್ಬಿ 9, ಸೊಂಕಿತರು ಪತ್ತೆಯಾಗಿದ್ದಾರೆ.

ಭಾನುವಾರ ಕಂಡು ಬಂದಿರುವ ಸೊಂಕಿತರಲ್ಲಿ 5 ವರ್ಷದ ಒಳಗಿನ 1 ಗಂಡು ಮಗು ಹಾಗೂ ಓರ್ವ ಗರ್ಭಿಣಿಗೆ ಕೊರೊನಾ ಸೊಂಕು ತಗುಲಿದೆ. ತುಮಕೂರಿನಲ್ಲಿ ಪೊಲೀಸ್ ಒಬ್ಬರಿಗೆ ಕೊರೊನಾ ಸೋಕು ದೃಢಪಟ್ಟಿದೆ. 10 ಜನ ವೃದ್ದರು ಸೇರಿದಂತೆ 55 ಜನ ಪುರುಷರು ಹಾಗೂ 51 ಜನ  ಮಹಿಳೆಯರಿಗೆ ಇಂದು ಕೊರೊನಾ ಸೊಂಕು ದೃಢಪಟ್ಟಿದೆ.

ಜಿಲ್ಲೆಯಲ್ಲಿ ಭಾನುವಾರ 28 ಜನ ಸೊಂಕಿತರು ಗುಣಮುಖರಾಗಿ ಇಂದು ಕೋವಿಡ್ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ ಈವರೆಗೆ  612 ಜನರು ಕೊವಿಡ್ ನಿಂದ ಮುಕ್ತಿ ಹೊಂದಿ ಮನೆ ಸೇರಿದ್ದಾರೆ. ಉಳಿದ 560 ಮಂದಿ  ಸಕ್ರಿಯ ಸೋಂಕಿತರು ನಿಗದಿತ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇನ್ನೂ ಸೋಂಕಿತರ ಪ್ರಥಮ ಹಾಗೂ ದ್ವಿತಿಯ ಸಂಪರ್ಕದಲ್ಲಿದ್ದ 2923  ಜನರನ್ನ ನಿಗಾದಲ್ಲಿಡಲಾಗಿದ್ದು ಸೋಂಕಿತರ ಸಂಖ್ಯೆ ಇನ್ನೂ ಹೆಚ್ಚಾಗುವ ಸಾಧ್ಯತೆ ದಟ್ಟವಾಗಿದೆ.