ಹಗರಿಬೊಮ್ಮನಹಳ್ಳಿಯಿಂದ ಕೊಟ್ಟೂರಿನ ಶ್ರೀ ಗುರು ಕೊಟ್ಟೂರೇಶ್ವರ ದೇವಸ್ಥಾನಕ್ಕೆ ಪಾದಯಾತ್ರೆ !!

ವಿಜಯನಗರ : ಐತಿಹಾಸಿಕ ಶ್ರೀಗುರು ಕೊಟ್ಟೂರೇಶ್ವರನ ರಥೋತ್ಸವ ನಿಮಿತ್ತ, ಹಗರಿಬೊಮ್ಮನಹಳ್ಳಿ ಶಾಸಕ ನೇಮೀರಾಜನಾಯ್ಕ್ , ನಂದೀಪುರದ ಮಹೇಶ್ವರ ಸ್ವಾಮೀಜಿಗಳು ಪಾದಯಾತ್ರೆ ಮಾಡಿದ್ರು.

ರಸ್ತೆಯ ಉದ್ದಕ್ಕೂ ಚಿಕ್ಕ ಮಕ್ಕಳು, ಹೆಂಗಸರು, ಯುವಕ ಯುವತಿಯರಿಂದ ಹಿಡಿದು ವಯಸ್ಸಾದ ಹಿರಿಯರ ತನಕವೂ ಎಲ್ಲೆಡೆಯಲ್ಲಿಯೂ ಭಕ್ತರ ಸಾಲು ಕಂಡು ಬಂತು. ಪಾದಯಾತ್ರಿಗಳಿಗಾಗಿ ಹಣ್ಣು, ಮಜ್ಜಿಗೆ, ವಗ್ಗರಣೆ, ಮಿರ್ಚಿ, ಎಳನೀರು, ಬಿಸ್ಕೀಟ್, ನೀರು ಹೀಗೆ ತರಹೇವಾರು ತಿಂಡಿ ತಿನಿಸುಗಳನ್ನು ಅತ್ಯಂತ ಸಂತೋಷವಾಗಿ ಉಣಬಡಿಸುವ ಭಕ್ತ ಸಮೂಹವೂ ಕಂಡು ಬಂತು. ಕಾಲು ನೋಯುತ್ತಿದ್ದರೂ ನಡೆಯುವ ಉತ್ಸಾಹ ಸ್ವಲ್ಪವೂ ಕಡಿಮೆಯಾಗದೇ, ಮುಗುಳ್ನಗುತ್ತಾ ಸಾಗುವ ಈ ಯಾತ್ರೆ ಪವಾಡ ಪುರುಷ ಕೊಟ್ಟೂರೇಶ್ವರನ ದೈವ ಶಕ್ತಿಗೆ ನೀಡುವ ಅರ್ಪಣಾ ಭಾವವಾಗಿತ್ತು..