ಎಚ್ಚೆತ್ತುಕೊಳ್ಳದ ತಿರುಪತಿ ಆಡಳಿತ ಮಂಡಳಿ..! – ಸನ್ನಿಧಿಯಲ್ಲಿ ಮೊದಲ ಬಲಿ

ರೈಸಿಂಗ್​ ಕನ್ನಡ :

ವೆಬ್ ಡೆಸ್ಕ್ :

ಪ್ರಸಿದ್ಧ ಪುಣ್ಯ ಕ್ಷೇತ್ರ, ತಿರುಪತಿ ವೆಂಕಟೇಶ್ವರ ದೇವಸ್ಥಾನದ ಮಾಜಿ ಪ್ರಧಾನ ಅರ್ಚಕ ಹೆಮ್ಮಾರಿ ಕೊರೊನಾಗೆ ಬಲಿಯಾಗಿದ್ದಾರೆ.

ಕೆಲವು ದಿನಗಳ ಹಿಂದೆಯಷ್ಟೆ ತಿರುಪತಿ ದೇವಾಲಯದಲ್ಲಿ ಕೊರೊನಾ ‘ಮಹಾ’ ಸ್ಪೋಟ ಆಗಿತ್ತು. ಇಲ್ಲಿನ ಅರ್ಚಕರು ಮತ್ತು ದೇವಸ್ಥಾನ ಸಿಬ್ಬಂದಿಗಳಿಗೆ ಒಟ್ಟು 18 ಜನರಿಗೆ ಕೊರೊನಾ ಸೋಂಕು ತಗಲಿತ್ತು.

ಇಲ್ಲಿನ ಅರ್ಚಕರು ಮತ್ತು ಸಿಬ್ಬಂದಿಗಳು ದೇವಸ್ಥಾನ ಮುಚ್ಚವಂತೆ ಆಗ್ರಹಿಸಿದ್ದರು. ಆದರೆ, ಆಡಳಿತ ಮಂಡಳಿ ದೇವಸ್ಥಾನ ಮುಚ್ಚಲು ಹಿಂದೇಟು ಹಾಕಿತ್ತು. ಇಲ್ಲಿನ ಸಿಬ್ಬಂದಿಗಳಿಗೆ ಕೊರೊನಾ ಪರೀಕ್ಷೆಗೆ ಒಳಪಡಿಸಿದಾಗ 18 ಮಂದಿಗೆ ಸೋಂಕು ದೃಢಪಟ್ಟಿತ್ತು.

ಇದರ ಪರಿಣಾಮ ಇದೀಗ ದೇವಸ್ಥಾನದ ಪ್ರಧಾನ ಅರ್ಚಕ ಶ್ರೀನಿವಾಸ್​ ಮೂರ್ತಿ ದೀಕ್ಷಿತಲು (73) ಕೊನೆಯುಸಿರೆಳೆದಿದ್ದಾರೆ. ಶ್ರೀನಿವಾಸ್​ ಮೂರ್ತಿ ದೀಕ್ಷಿತಲು ಕಳೆದ 30 ವರ್ಷಕ್ಕಿಂತಲೂ ಹೆಚ್ಚು ಕಾಲ ದೇವಸ್ಥಾನದಲ್ಲಿ ಸೇವೆ ಸಲ್ಲಿಸಿದ್ದರು ತಿರುಪತಿ ದೇವಸ್ಥಾನ ಆಡಳಿತ ಮಂಡಳಿ ಹೇಳಿದೆ.