ಟ್ರೆಂಡಿಂಗ್
ಬಂದೇ ಬಿಟ್ಟಿದೆ ಕೈಗೆ ಕಟ್ಟಿಕೊಳ್ಳುವ ಮೊಬೈಲ್..!
ಮೊಬೈಲ್ ತಂತ್ರಜ್ಞಾನದಲ್ಲಿ ಕಳೆದೊಂದು ದಶಕದಲ್ಲಿ ಕ್ರಾಂತಿಕಾರಕ ಬದಲಾವಣೆಗಳಾಗಿವೆ. ಒಂದು ಕಾಲಕ್ಕೆ ಮೊಬೈಲ್ ಎಷ್ಟು ಚಿಕ್ಕದಾದರೆ ಒಳ್ಳೆಯದು ಎಂಬ ಚಿಂತನೆ ಇತ್ತು. ಆದರೆ ಯಾವಾಗ ಟಚ್ ಸ್ಕ್ರೀನ್ ಮೊಬೈಲ್ ಯುಗ ಆರಂಭವಾಯಿತೋ.. ಅಲ್ಲಿಂದ ಮುಂದಕ್ಕೆ ಮೊಬೈಲ್ ಗಾತ್ರ ಹೆಚ್ಚುತ್ತಲೇ ಹೋಗುತ್ತಿದೆ. ಇದರ ಭಾಗವಾಗಿ ಪರದೆ ದೊಡ್ಡದಾದರೂ..
ಮೊಬೈಲ್ ಚಿಕ್ಕದಿರಲಿ ಎಂಬ ಕಾರಣಕ್ಕೆ ಫೋಲ್ಡೆಬಲ್ ಫೋನ್ ಗಳನ್ನು ಆವಿಷ್ಕರಿಸಲಾಗಿತ್ತು. ಈಗ ಮತ್ತೊಂದು ಹೆಜ್ಜೆ ಮುಂದಿಟ್ಟಿರುವ ಮೋಟೋರೋಲಾ ಕಂಪನಿ ಕೈಗೆ ಕಟ್ಟಿಕೊಳ್ಳುವ, ನಮಗೆ ಬೇಕಾದ ಆಕಾರಕ್ಕೆ ಹೊಂದಿಕೊಳ್ಳುವ ಮೊಬೈಲ್ ಅಭಿವೃದ್ಧಿಪಡಿಸಿದೆ. ಈ ಮೂಲಕ ಆ್ಯಪಲ್, ಸ್ಯಾಮ್ ಸಂಗ್, ಒನ್ ಪ್ಲಸ್ ನಂತಹ ಕಂಪನಿಗಳಿಗೆ ಸಾಧ್ಯವಾಗದ ತಂತ್ರಜ್ಞಾನ ಆವಿಷ್ಕರಿಸಿದೆ.
ಸ್ಪೇನ್ ಅತ್ಯಂತ ದೊಡ್ಡ ನಗರ ಬಾರ್ಸಿಲೋನಾದಲ್ಲಿ ನಡೆಯುತ್ತಿರುವ ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ ನಲ್ಲಿ ಮೋಟೋರೋಲಾ ತನ್ನ ಹೊಸ ಸಾಧನವನ್ನು ಪರಿಚಯಿಸಿದೆ. ಇದು ಕೇವಲ ಪುಸ್ತಕ ಮುಚ್ಚಿದಂತೆ ಮಾತ್ರ ಮುಚ್ಚಲು ಸಾಧ್ಯವಾಗುವುದೇ ಅಲ್ಲದೇ.. ನಿಮಗೆ ಬೇಕಾದ ಆಕಾರಕ್ಕೆ ತಕ್ಕಂತೆ ಬಾಗಿಸಬಹುದಾದ ಪರದೆಯನ್ನು ಹೊಂದಿದೆ. ಅಲ್ಲದೇ ನಿಮಗೆ ಕೈಗೆ ಕಟ್ಟಿಕೊಳ್ಳಬಹುದಾದ 6.9 ಇಂಚಿನ ಸ್ಮಾರ್ಟ್ ವಾಚ್ ಗಡಿಯಾರದ ರೀತಿಯೂ ಉಪಯೋಗಕ್ಕೆ ಬರಲಿದೆ.
ಎಲ್ಲದಕ್ಕಿಂತಾ ಹೆಚ್ಚಾಗಿ ಹೀಗೆ ಕೈಗೆ ಕಟ್ಟಿಕೊಂಡಾಗ ಕೃತಕ ಬುದ್ಧಿಮತ್ತೆಯನ್ನು ಉಪಯೋಗಿಸಲು ನೆರವಾಗುವಂತೆ ಮೊಬೈಲ್ ತಂತ್ರಜ್ಞಾನವನ್ನು ಅಪ್ ಡೇಟ್ ಮಾಡಿದೆ. ಈ ಮೂಲಕ ಸ್ಯಾಮ್ ಸಂಗ್ ನಂತಹ ಕಂಪನಿಗಳಿಗೆ ಇದೇ ರೀತಿಯ ಉತ್ಪನ್ನ ಅಭಿವೃದ್ಧಿ ಪಡಿಸುವ ಹೊಸ ಸವಾಲು ಒಡ್ಡಿದೆ.
