ಬಾಕ್ಸಿಂಗ್ ಡೇ ಟೆಸ್ಟ್: ಮೊದಲ ದಿನ ಟೀಮ್ ಇಂಡಿಯಾ ಮೇಲುಗೈ

ರೈಸಿಂಗ್​ ಕನ್ನಡ:

ನ್ಯೂಸ್​ ಡೆಸ್ಕ್​: 

ಮೆಲ್ಬರ್ನ್​ನಲ್ಲಿ ನಡೆಯುತ್ತಿರುವ ಆತಿಥೇಯ  ಆಸ್ಟ್ರೇಲಿಯಾ ವಿರುದ್ಧ ನಡೆಯುತ್ತಿರುವ ಬಾಕ್ಸಿಂಗ್​ ಡೇ ಟೆಸ್ಟ್​ ಪಂದ್ಯದ ಮೊದಲ ದಿನದಾಟದ ಪಂದ್ಯದಲ್ಲಿ ಟೀಮ್​ ಇಂಡಿಯಾ ಮೇಲುಗೈ ಸಾಧಿಸಿದೆ.

 ಮೆಲ್ಬರ್ನ್​​ ಅಂಗಳದಲ್ಲಿ  ಟಾಸ್​ ಗೆದ್ದ ಆಸ್ಟ್ರೇಲಿಯಾ ಬ್ಯಾಟಿಂಗ್​ ಆಯ್ದುಕೊಂಡಿತ್ತು. ಅಸಿಸ್​ ಪರ ಓಪನರ್ಸ್​ಗಳಾದ  ಜೋ ಬರ್ನ್​​ ಮತ್ತು  ಮ್ಯಾಥೀವ್​ ವೇಡ್​ ಉತ್ತಮ ಓಪನಿಂಗ್​ ಕೊಡುವಲ್ಲಿ ಎಡವಿದ್ರು. ಓಪನರ್​ ಜೋ ಬರ್ನ್ಸ್​ ಯಾವುದೇ ರನ್​ ಗಳಿಸದೇ ಬೂಮ್ರಾಗೆ ಬಲಿಯಾದ್ರು. ನಂತರ ಬಂದ ಲಾಬುಸಾನೆ  ವೇಡ್​ ಜೊತೆಗೂಡಿ  ನಿಧಾನ ಗತಿಯ ಇನ್ನಿಂಗ್ಸ್​ ಕಟ್ಟುತ್ತಿದ್ರು ಆದರೆ  ಈ ವೇಳೆ ದಾಳಿಗಿಳಿದ ಅಶ್ವಿನ್, 30 ರನ್​ಗಳಿಸಿದ್ದ ಮ್ಯಾಥೀವ್​ ವೇಡ್​ ಅವರನ್ನ ಬಲಿ ಪಡೆದ್ರು.

 ನಂತರ ಬಂದ ರನ್​ ಮಷೀನ್​ ಸ್ಟೀವ್​ ಸ್ಮಿತ್ ಗು ಅಶ್ವಿನ್​ ಪೆವಿಲಿಯನ್​ಗೆ ಅಟ್ಟಿದ್ರು. ಮಿಡ್ಲ್​ ಆರ್ಡರ್​ನಲ್ಲಿ  ಬಂದ ಟ್ರಾವೇಸ್​ ಹೆಡ್​, ಮಾರ್ನಸ್​ ಲಾಬುಸಾನೆಗೆ  ಒಳ್ಳೆಯ ಸಾಥ್ ಕೊಟ್ಟು 86 ರನ್​ಗಳ ಜೊತೆಯಾಟ ನೀಡಿದ್ರು. ಮತ್ತೆ ದಾಳಿಗಿಳಿದ ಬೂಮ್ರಾ 38 ರನ್​ಗಳಿಸಿದ್ದ ಟ್ರಾವೆಸ್​ ಹೆಡ್​ ಅನ್ನ ಬಲಿ ಪಡೆದ್ರು.

ಇದಾದ ಕೆಲವೇ ಹೊತ್ತಲ್ಲಿ 48 ರನ್​ಗಳಿಸಿ ಅರ್ಧ ಶತಕದತ್ತ ಮುನ್ನಗುತ್ತಿದ್ದ ಲಾಬುಸಾನೆ ಡೆಬ್ಯುಟೆಂಟ್ ಸಿರಾಜ್​ಗೆ ವಿಕೆಟ್​ ಒಪ್ಪಿಸಿದ್ರು. ಇದರೊಂದಿಗೆ ವೇಗಿ ಸಿರಾಜ್​ ಚೊಚ್ಚಲ ಅಂತಾರಾಷ್ಟ್ರೀಯ ಪಂದ್ಯದಲ್ಲೆ ವಿಕೆಟ್​ ಪಡೆದ ಸಾಧನೆ ಮಾಡಿದ್ರು. ನಂತರ ಬಂದ ಕ್ಯಾಮರಾನ್​ ಗ್ರೀನ್​ 12, ಟಿಮ್​ ಪೇನ್​ 13, ಮಿಚೆಲ್​ ಸ್ಟಾರ್ಕ್​ 7, ನಾಥನ್​ ಲಿಯಾನ್ 20 , ಹೆಜ್ಲ್​ವುಡ್​ ಅಜೇಯ 4 ರನ್​ಗ ಳಿಸಿದ್ರು. ಇದರೊಂದಿಗೆ ಆಸ್ಟ್ರೇಲಿಯಾ ತಂಡ ಮೊದಲ ಇನ್ನಿಂಗ್ಸ್​ ನಲ್ಲಿ 195 ರನ್​ಗಳಿಗೆ ಸರ್ವ ಪತನ ಕಂಡಿತು.

ಟೀಮ್​ ಇಂಡಿಯಾ ಪರ ಬುಮ್ರಾ 4, ಅಶ್ವಿನ್​ 3, ಮೊಹ್ಮದ್​ ಸಿರಾಜ್​ 2, ಜಡೇಜಾ 1 ವಿಕೆಟ್​ ಪಡೆದ್ರು. ದಿನದಾಟದ ಅಂತ್ಯದಲ್ಲಿ ಇನ್ನಿಂಗ್ಸ್​ ಆರಂಭಿಸಿದ ಟೀಮ್​ ಇಂಡಿಯಾ ಓಪನರ್​ ಮಯಾಂಕ್​ ಅಗರ್​ವಾಲ್​ ಅವರ ವಿಕೆಟ್​ ಕಳೆದುಕೊಂಡು ಸಂಕಷ್ಟದಲ್ಲಿ ಸಿಲುಕಿತು.

ಶುಭಮನ್​ ಗಿಲ್​ ಅಜೇಯ 28, ಚೇತೇಶ್ವರ ಪೂಜಾರ ಅಜೇಯ 7 ರನ್​ಗಳಿಸಿ  ಎರಡನೇ ದಿನಕ್ಕೆ ಕ್ರೀಸ್​ ಕಾಯ್ದುಕೊಂಡಿದ್ದಾರೆ. ಭಾರತ ಮೊದಲ ಇನ್ನಿಂಗ್ಸ್​ನಲ್ಲಿ 1 ವಿಕೆಟ್​ ನಷ್ಟಕ್ಕೆ 36 ರನ್​ಗಳಿಸಿದೆ.