ಬೆಂಗಳೂರು ಟಿ-20 ಮ್ಯಾಚ್​​ನಲ್ಲಿ ಭಾರತಕ್ಕೆ ಸೋಲು : ಸರಣಿ 1-1 ಸಮಬಲ

ಬೆಂಗಳೂರು : ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆದ ಭಾರತ, ದಕ್ಷಿಣ ಆಫ್ರಿಕಾ ನಡುವಿನ ಮೂರನೇ ಟಿ-20 ಪಂದ್ಯದಲ್ಲಿ ದ.ಆಫ್ರಿಕಾ ಗೆಲುವು ಸಾಧಿಸಿದೆ. ಈ ಮೂಲಕ ಮೂರು ಪಂದ್ಯಗಳ ಸರಣಿಯನ್ನ 1-1 ಸಮಬಲ ಸಾಧಿಸಿದೆ. ಭಾರತ 9 ವಿಕೆಟ್​ ನಷ್ಟಕ್ಕೆ 134 ರನ್ ಗಳಿಸಿದ್ರೆ, ದಕ್ಷಿಣ ಆಫ್ರಿಕಾ ಒಂದು ವಿಕೆಟ್​ ಕಳೆದುಕೊಂಡು 140 ರನ್​ ಗಳಿಸ್ತು.

ಕೊಹ್ಲಿ ಪಡೆದ ಮೊದಲು ಬ್ಯಾಟಿಂಗ್ ಮಾಡ್ತು. ಆದ್ರೆ, ಬ್ಯಾಟ್ಸ್​ಮನ್​ಗಳ ವೈಫಲ್ಯದಿಂದ ಕೇವಲ 134 ರನ್​ ಗಳಿಸಲಷ್ಟೇ ಸಾಧ್ಯವಾಯ್ತು. ಶಿಖರ್ ಧವನ್​ 36, ರಿಷಬ್ ಪಂತ್​ 19, ರವೀಂದ್ರ ಜಡೇಜಾ 19, ಹಾರ್ದಿಕ್​ ಪಾಂಡೆ 14 ರನ್ ಗಳಿಸಿದ್ರು. ಉಳಿದವರು ಯಾರು ಕೂಡ ಡಬಲ್ ಡಿಜಿಟ್​​ ರನ್ ಮಾಡಲೇ ಇಲ್ಲ.

135 ರನ್​ ಸುಲಭದ ಗುರಿ ಟಾರ್ಗೆಟ್​ ಬೆನ್ನತ್ತಿದ ದಕ್ಷಿಣ ಆಫ್ರಿಕಾ, ಕೇವಲ ಒಂದು ವಿಕೆಟ್​ ಕಳೆದುಕೊಂಡು ಸುಲಭವಾಗಿ ಜಯಗಳಿಸ್ತು. ಭಾರತೀಯ ಬ್ಯಾಟ್ಸ್​ಮನ್​ಗಳು ಪರದಾಡಿದ ಪಿಂಚ್​ನಲ್ಲಿ ದ.ಆಫ್ರಿಕಾ ಬ್ಯಾಟ್ಸ್​ಮನ್​ಗಳು ಸುಲಭವಾಗಿ ರನ್ ಮಾಡಿದ್ರು. ಡಿಕಾಕ್​ ಔಟಾಗದೆ 79, ಬವುಮಾ ಔಟಾಗದೆ 27 ರನ್​ ಗಳಿಸಿದ್ರು. 16.5 ಓವರ್​ಗಳಲ್ಲೇ ಮ್ಯಾಚ್​ ಮುಗಿಸಿದ ಆಫ್ರಿಕಾ ಬ್ಯಾಟ್ಸ್​ಮನ್​ಗಳು, ಸರಣಿಯನ್ನ 1-1 ಸಮ ಮಾಡಿಕೊಂಡ್ರು.