ಕೈಲಾಸ ದೇಶಕ್ಕೆ ಹೋಗಲು ಚಿತ್ರನಟಿ ಸಜ್ಜು- ಬಿಡದಿ ನಿತ್ಯಾನಂದನಿಗೆ ತಮಿಳು ನಟಿ ಅಭಿಮಾನಿ..!

ರೈಸಿಂಗ್​ ಕನ್ನಡ ನ್ಯೂಸ್​ ಡೆಸ್ಕ್​:

ಬಿಡದಿ ನಿತ್ಯಾನಂದ ಸ್ವಾಮಿಯ ಹೊಸ ದೇಶ ಕೈಲಾಸ ಬಗ್ಗೆ ಸಾಕಷ್ಟು ಕುತುಹಲಗಳು ಹುಟ್ಟಿಕೊಳ್ತಿವೆ. ಕೈಲಾಸದ ಕರೆನ್ಸಿ ಕೈಲಾಶಿಯನ್​ ಡಾಲರ್​ ಬಿಡುಗಡೆಗೊಂಡ ಬಳಿವಂತೂ ನಿತ್ಯಾನಂದ ಸ್ವಾಮಿಯ ಕೈಲಾಸ ಮತ್ತಷ್ಟು ಸುದ್ದಿ ಮಾಡುತ್ತಿದೆ. ಈ ಮಧ್ಯೆ ತಮಿಳು ಚಿತ್ರನಟಿ ಮೀರಾ ಮಿಥನ್​​​​​​​​​ ಕೈಲಾಸ ದೇಶಕ್ಕೆ ಭೇಟಿ ನೀಡುವ ಆಸೆ ಯಿದೆ ಹೇಳುವ ಮೂಲಕ ಅಚ್ಚರಿ ಹುಟ್ಟಿಸಿದ್ದಾರೆ.

ಸ್ವಯಂ ಘೋಷಿತ ದೇವಮಾನವ ನಿತ್ಯಾನಂದ  ಅತ್ಯಾಚಾರ ಸೇರಿದಂತೆ ಹಲವು ಆರೋಪ ಎದುರಿಸುತ್ತಿದ್ದಾನೆ. ಆದರೆ ಕೈಲಾಸ ಅನ್ನುವ ದೇಶವನ್ನು ಹುಟ್ಟುಹಾಕಿ ತಾನೇ ದೇವಮಾನವ ಅನ್ನುವ ರೀತಿಯಲ್ಲಿ ಫೋಸ್​ ಕೊಡುತ್ತಿದ್ದಾನೆ.  

ಮೀರಾ, ಇತ್ತೀಚೆಗೆ ತಮಿಳು ಚಿತ್ರರಂಗದ ದಿಗ್ಗಜರುಗಳಾದ  ರಜನಿಕಾಂತ್, ಕಮಲ್ ಹಾಸನ್ ಹಾಗೂ ತ್ರಿಷಾ, ವಿಜಯ್, ಅಜಿತ್ ವಿರುದ್ಧ ಟೀಕೆಗಳ ಸುರಿಮಳೆಗೈದಿದ್ದರು. ಈ  ನಿತ್ಯಾನಂದನನ್ನು ಹೊಗಳುವ ಮೂಲಕ ಮತ್ತೊಮ್ಮೆ ಮೀರಾ ಮಿಥುನ್ ಸಂಚಲನ ಸೃಷ್ಟಿಸಿದ್ದಾರೆ.