ಟಿ20 ವಿಶ್ವಕಪ್ ಹಣೆಬರಹ ನಿರ್ಧಾರ ?: ಕುತೂಹಲ ಕೆರೆಳಿಸಿದ ಐಸಿಸಿ ಕಾರ್ಯನಿರ್ವಹಕರ ಸಭೆ

ರೈಸಿಂಗ್​ ಕನ್ನಡ :

ನ್ಯೂಸ್ ಡೆಸ್ಕ್:

ಆಸ್ಟ್ರೇಲಿಯಾದಲ್ಲಿ ನಡೆಯಬೇಕಿರುವ ಟಿ20 ವಿಶ್ವಕಪ್ ಟೂರ್ನಿಯ ಹಣೆಬರಹ ಸೋಮವಾರ ನಡೆಯಲಿರುವ ಐಸಿಸಿ ಮಂಡಳಿ ಸಭೆಯಲ್ಲಿ ನಿರ್ಧಾರವಾಗಲಿದೆ.

  ಕಾಂಗರೂ ನಾಡಲ್ಲಿ ನಡೆಯಬೇಕಿರುವ ಟಿ20 ವಿಶ್ವಕಪ್​ಗೆ ಈಗಾಗಲೇ ಕೊರೊನಾ ಕರಿನೆರೆಳು ಬಿದ್ದಿದೆ. ಇಡೀ ಜಗತ್ತನ್ನೆ  ಅಲ್ಲೋಲ್ಲ ಕಲ್ಲೋಲ ಮಾಡಿರುವ ಕೊರೊನಾ ಕ್ರಿಕೆಟ್​ ಲೋಕವನ್ನ ಸ್ತಬ್ದವಾಗುವಂತೆ ಮಾಡಿದೆ. ಇದರ ಪರಿಣಾಮ ಅಕ್ಟೋಬರ್​ 18 ರಿಂದ ಆರಂಭವಾಗಬೇಕಿರುವ ಟಿ20 ವಿಶ್ವಕಪ್​ ನಡೆಸುವ ಬಗ್ಗೆ ಸ್ವತಃ ಐಸಿಸಿ ಅಂತಿಮ ನಿರ್ಧಾರ ತೆಗೆದುಕೊಳ್ಳುವಲ್ಲಿ ವಿಫಲವಾಗಿತ್ತು.

ಇದೀಗ ಸೋಮವಾರ ಐಸಿಸಿ ಕಾರ್ಯನಿರ್ವಹಕರ ಸದಸ್ಯರು ವಿಡಿಯೊ ಕಾನ್ಪೆರೆನ್ಸ್ ಮೂಲಕ ಸಭೆಯಲ್ಲಿ ಭಾಗವಹಿಸಲಿದ್ದು ಐಸಿಸಿ ಟಿ20 ವಿಶ್ವಕಪ್​ಅನ್ನ ಮುಂದೂಡಬೇಕೆ ಅಥವಾ ನಿಗದಿಯಂತೆ ನಡೆಯಲಿದೆಯೆ ಎನ್ನುವ ಬಗ್ಗೆ ಅಂತಿಮ ನಿರ್ಧಾರವನ್ನ ಪ್ರಕಟಿಸಲಿದೆ.

ಮೂಲಗಳ ಪ್ರಕಾರ ಜಗತ್ತಿನಾದ್ಯಂತ ಕೊರೊನಾ ಅಟ್ಟಹಾಸ ಮರೆಯುತ್ತಿರುವುದರಿಂದ ಈ ಬಾರಿಯ ಟಿ20 ವಿಶ್ವಕಪ್​ ಮುಂದೂಡದೇ ಬೇರೆ ದಾರಿ ಇಲ್ಲ.ಇದರ ಜೊತೆಗೆ ಟೂರ್ನಿಯ ಆತಿಥ್ಯ ವಹಿಸಲಿರುವ ಕ್ರಿಕೆಟ್​ ಆಸ್ಟ್ರೇಲಿಯಾ ಟೂರ್ನಿ ನಡೆಸಲು ಸಾಧ್ಯವಿಲ್ಲ ಎಂದು ಹೇಳಿದೆ.