ಮಠಾಧೀಶರ ಟೆಲಿಫೋನ್​ ಕದ್ದಾಲಿಕೆ ಆಗಿದೆ. ಕ್ಷಮಿಸಿ, ಇದು ಪಾಪದ ಕೆಲಸ ಎಂದ ಕಂದಾಯ ಸಚಿವ ಆರ್. ಅಶೋಕ್​

ಮೈಸೂರು : ಫೋನ್​ ಟ್ಯಾಪಿಂಗ್​ ಸದ್ಯ ರಾಜ್ಯ ರಾಜಕೀಯದಲ್ಲೇ ಅಲ್ಲದೆ, ರಾಷ್ಟ್ರ ರಾಜಕೀಯದಲ್ಲೂ ತಲ್ಲಣ್ಣ ಉಂಟು ಮಾಡಿದೆ. ಐಪಿಎಸ್​ ಅಧಿಕಾರಿ ಅಲೋಕ್ ಕುಮಾರ್​ ಮೇಲೆ ಸಿಬಿಐ ದಾಳಿ ಹಾಗೂ ವಿಚಾರಣೆಯೂ ನಡೆದಿದೆ. ಈ ಮಧ್ಯೆ, ಮಠಾಧೀಶರು, ಸಿನಿಮಾ ತಾರೆಯರ ಫೋನ್ ಕೂಡ ಟ್ಯಾಪಿಂಗ್ ಆಗಿದೆ ಅನ್ನೋದು ತನಿಖೆಯಲ್ಲಿ ಗೊತ್ತಾಗಿದೆ. ಸ್ವತಃ ಕಂದಾಯ ಸಚಿವರೂ ಆಗಿರೋ ಆರ್. ಅಶೋಕ್​, ಮಠಾಧೀಶರ ಫೋನ್​ ಕದ್ದಾಲಿಕೆ ಆಗಿದೆ. ಇದು ಪಾಪದ ಕೆಲಸ ಎಂದು ಹೇಳಿದ್ದಾರೆ.

ಮೈಸೂರಿನಲ್ಲಿ ಮಾತ್ನಾಡಿದ ಆರ್​.ಅಶೋಕ್​, ಆದಿಚುಂಚನಗಿರಿ ಮಠದ ಶ್ರೀ ನಿರ್ಮಲಾನಂದನಾಥ ಸ್ವಾಮೀಜಿ ಟೆಲಿಫೋನ್​ ಕದ್ದಾಲಿಕೆ ಮಾಡಲಾಗಿದೆ. ಕೇವಲ ನಿರ್ಮಲಾನಂದ ಸ್ವಾಮೀಯ ಮಾತ್ರವಲ್ಲ, ಇತೆರೆ ಮಠಾಧೀಶರ ಟೆಲಿಫೋನ್​ ಕೂಡ ಕದ್ದಾಲಿಕೆ ಮಾಡಲಾಗಿದೆ. ಈ ಬಗ್ಗೆ ನಮಗೆ ಎಂಬ ಮಾಹಿತಿ ಲಭ್ಯವಾಗಿದೆ ಎಂದು ಆರ್.ಅಶೋಕ್ ಹೇಳಿದ್ದಾರೆ.

ಮಠಾಧಿಪತಿಗಳ ಟೆಲಿಫೋನ್ ಕದ್ದಾಲಿಕೆ ಮಾಡಿರುವುದು ಮಹಾ ಪಾಪದ ಕೆಲಸ. ಈ ಹಿಂದೆ ಇದ್ದ ಹೆಚ್​.ಡಿ. ಕುಮಾರಸ್ವಾಮಿ ಸರ್ಕಾರದ ಅವಧಿಯಲ್ಲಿ ಮಠಾಧೀಶರ ಟೆಲಿಫೋನ್ ಕದ್ದಾಲಿಕೆ ಮಾಡಲಾಗಿದೆ. ನಿರ್ಮಲಾನಂದನಾಥ ಶ್ರೀಗಳು ವಿದ್ಯಾವಂತರು. ಅಂತಹವರ ಟೆಲಿಫೋನ್ ಕದ್ದಾಲಿಸಿರುವುದು ಮಹಾಪಾಪ. ಇದಕ್ಕಾಗಿ ನಾನು ನಿರ್ಮಲಾನಂದನಾಥ ಶ್ರೀಗಳ ಬಳಿ ಕ್ಷಮೆ ಯಾಚಿಸುತ್ತೇನೆ ಎಂದ ಆರ್.ಅಶೋಕ್, ಸಿಬಿಐ ತನಿಖೆ ಮೂಲಕ ಎಲ್ಲವೂ ಬಯಲಾಗಲಿದೆ. ಈ ಪ್ರಕರಣದಲ್ಲಿ ತಪ್ಪಿತಸ್ಥರು ಶಿಕ್ಷೆ ಅನುಭವಿಸಲೇಬೇಕು. ಇನ್ನು ಮುಂದೆ ಈ ರೀತಿ ಆಗದಂತೆ ನಾವು ಎಚ್ಚರಿಕೆ ವಹಿಸುತ್ತೇವೆ ಎಂದು ಮೈಸೂರಿನಲ್ಲಿ ಕಂದಾಯ ಸಚಿವ ಆರ್. ಅಶೋಕ್ ಭರವಸೆ ನೀಡಿದ್ರು..