ಸುದೀಪ್​ ಪೈಲ್ವಾನ್​ ಪೈರಸಿ ಮಾಡಿದ್ದ ಆರೋಪಿಗಳು ಕೊನೆಗೂ ಅರೆಸ್ಟ್​ : ದರ್ಶನ್​ ಫ್ಯಾನ್ಸ್​ ಬಂಧನ..!

ಬೆಂಗಳೂರು : ಕನ್ನಡ ಚಿತ್ರರಂಗದಲ್ಲಿ ಸ್ಟಾರ್​ ವಾರ್​ಗೆ ಕಾರಣವಾಗಿದ್ದ ಪೈಲ್ವಾನ್​ ಸಿನಿಮಾದ ಪೈರಸಿ ಮಾಡಿದ್ದ ಆರೋಪಿಯನ್ನ ಪೊಲೀಸರು ಬಂಧಿಸಿದ್ದಾರೆ. ಬಂಧಿನ ರಾಕೇಶ್​​, ಚಾಲೆಂಜಿಂಗ್​ ಸ್ಟಾರ್ ದರ್ಶನ್​ ಫ್ಯಾನ್​ ಅನ್ನೋದು ಗೊತ್ತಾಗಿದೆ. ನೆಲಮಂಗಲದ ನಿವಾಸಿಯಾದ ರಾಕೇಶ್​ ವಿರಾಟ್​​, ತನ್ ಫೇಸ್​ಬುಕ್​​ನಲ್ಲಿ ದರ್ಶನ್​ ಫ್ಯಾನ್​​, ಡಿಬಾಸ್​ ಫ್ಯಾನ್​ ಎಂದು ಬರೆದುಕೊಂಡಿದ್ದು, ಸುದೀಪ್​ ಪೈಲ್ವಾನ್ ಸಿನಿಮಾ ಕೂಡ ಅಪ್​ಲೋಡ್​ ಮಾಡಿದ್ದ.

ಸುದೀಪ್​ ಅಭಿನಯದ ಪ್ಯಾನ್ ಇಂಡಿಯಾ ಸಿನಿಮಾ ಪೈಲ್ವಾನ್​ ಬಿಡುಗಡೆಯಾಗಿ ಯಶಸ್ವಿ ಪ್ರದರ್ಶನ ಕಾಣ್ತಿದೆ. ಆದ್ರೆ, ಬಿಡುಗಡೆಯಾದ ದಿನವೇ ಪೈಲ್ವಾನ್​ಗೆ ಪೈರಸಿ ಕಾಟ ಶುರುವಾಗಿತ್ತು. ಈ ಸಂಬಂಧ ಕನ್ನಡ ಚಿತ್ರರಂಗದಲ್ಲಿ ಸ್ಟಾರ್​ ವಾರ್​ಗೂ ಕಾರಣವಾಗಿತ್ತು. ಇದೀಗ ಬೆಂಗಳೂರು ಸಿಸಿಬಿ ಪೊಲೀಸರು, ಪೈಲ್ವಾನ್ ಪೈರಸಿ ಮಾಡಿದ್ದ ಆರೋಪಿಗಳನ್ನ ಬಂಧಿಸಿದ್ದಾರೆ.

ಪೈಲ್ವಾನ್ ಪೈರಸಿ ಮಾಡಿದ್ದ ಆರೋಪಿಗಳನ್ನ ರಾಕೇಶ್​ ಎಂದು ಗುರುತಿಸಲಾಗಿದೆ. ನೆಲಮಂಗಲದ ಇಮಚೇನಹಳ್ಳಿ ಗ್ರಾಮದಲ್ಲಿ ನಿನ್ನೆ ಸಿಸಿಬಿ ಪೊಲೀಸರು ಅರೆಸ್ಟ್​ ಮಾಡಿದ್ದಾರೆ. ಪೈಲ್ವಾನ್ ಪೈರಸಿ ಮಾಡಿ ನಕಲು ಮಾಡಿ, ಕಳ್ಳತನವಾಗಿ ಮಾರುಕಟ್ಟೆಗೆ ಬಿಟ್ಟಿದ್ರು. ಈ ಕುರಿತಾಗಿ ಪೈಲ್ವಾನ್​ ನಿರ್ಮಾಪಕರು ಪೊಲೀಸರಿಗೆ ದೂರು ನೀಡಿದ್ರು. ಇದೀಗ ಕೊನೆಗೂ ಪೈರಸಿ ಮಾಡಿದ್ದ ಆರೋಪಿಗಳು ಅರೆಸ್ಟ್​ ಆಗಿದ್ದಾರೆ.