ಕೊರೊನಾ ಕಂಟ್ರೋಲ್​ಗೆ ಫೈನಲ್ ಪ್ಲಾನ್- ಲಾಕ್​ಡೌನ್ ಜೊತೆಗೆ ಟೆಸ್ಟಿಂಗ್ ಕೂಡ ಹೆಚ್ಚಳ- ಪಶ್ಚಿಮ ವಲಯದಲ್ಲಿ ಪ್ರತಿದಿನ 1000 ಟೆಸ್ಟ್

ರೈಸಿಂಗ್​ ಕನ್ನಡ:

ಬೆಂಗಳೂರು:

ಬೆಂಗಳೂರಿನಲ್ಲಿ ಹಬ್ಬುತ್ತಿರುವ ಕೊರೊನಾವನ್ನು ಕಂಟ್ರೋಲ್​ ಮಾಡಲು ಸರ್ಕಾರ ಒಂದು ವಾರದ ಲಾಕ್​ಡೌನ್​ ಹೇರಿದೆ.  ಈ ನಡುವೆ ಬಿಬಿಎಂಪಿ ಪಶ್ಚಿಮ ವಲಯದಲ್ಲಿ‌ ಕೋವಿಡ್ ಶಂಕಿತರ ಮಾದರಿ ಪರೀಕ್ಷೆ ಸದ್ಯ ದಿನಕ್ಕೆ 250 ಆಗುತ್ತಿದ್ದು ಅದನ್ನು 1,000 ಕ್ಕೆ ಹೆಚ್ಚಿಸಲು ನಿರ್ಧರಿಸಲಾಗಿದೆ. ಇರೋಫಿನ್ಸ್ ಕ್ಲಿನಿಕಲ್​​ ಜೆನಟಿಕ್ಸ್​ ಸಂಸ್ಥೆಯ​​ ಕಾರ್ಯನಿರ್ವಾಹಕ ನಿರ್ದೇಶಕ ಸುಧಾಂಷು ಶ್ರೀವಾಸ್ತವ ಜೊತೆ ಮಾತುಕತೆ ನಡೆಸಿದ ಅಶ್ವಥ್​ನಾರಾಯಣ್​​​​​ ಕೋವಿಡ್​ ಪರೀಕ್ಷೆಯನ್ನು ಪ್ರತಿದಿನ 250ರಿಂದ 1000ಕ್ಕೆ ಏರಿಸಲು ತೀರ್ಮಾನಿಸಿದ್ದಾರೆ. ಶುಕ್ರವಾರದಿಂದಲೇ ಬಿಬಿಎಂಪಿ ಪಶ್ಚಿಮವಲಯದಲ್ಲಿ ಪ್ರತಿದಿನ 1000 ಕೋವಿಡ್​​ ಮಾದರಿ ಟೆಸ್ಟ್​ ನಡೆಯಲಿದೆ.

 ಬಿಬಿಎಂಪಿ  ಪಶ್ಚಿಮ ವಲಯದಲ್ಲಿ 6 ವಿಧಾನಸಭಾ ಕ್ಷೇತ್ರಗಳಿವೆ. ಎಲ್ಲಾ ವಿಧಾನಸಭಾ ಕ್ಷೇತ್ರದಿಂದ  ತಲಾ 150 ಗಂಟಲು ದ್ರವ ಮಾದರಿಗಳನ್ನು ಪರೀಕ್ಷೆ ಮಾಡಲಾಗುತ್ತದೆ. ಇದು ಕೋವಿಡ್​​​ ಚಿಕಿತ್ಸೆಗೆ ನೆರವಾಗಲಿದೆ ಎಂದು ಅಶ್ವಥ್​ ನಾರಾಯಣ್​ ತಿಳಿಸಿದರು.