SSLC ಫಲಿತಾಂಶ ಪ್ರಕಟ – ಶೇ.71.80 ಉತ್ತೀರ್ಣ – 6 ವಿದ್ಯಾರ್ಥಿಗಳಿಗೆ 625ಕ್ಕೆ 625 ಅಂಕ!

ರೈಸಿಂಗ್ ಕನ್ನಡ :

ಬೆಂಗಳೂರು :

ಈ ಸಾಲಿನ ಎಸ್‌ಎಸ್‌ಎಲ್‌ಸಿ ಪರೀಕ್ಷಾ ಫಲಿತಾಂಶ ಪ್ರಕಟಗೊಂಡಿದೆ. ಈ ಸಾಲಿನಲ್ಲಿ 6 ವಿದ್ಯಾರ್ಥಿಗಳು 625ಕ್ಕೆ 625 ಅಂಕ ಪಡೆದಿದ್ದಾರೆ. ಈ ದಾಖಲೆಯ ಫಲಿತಾಂಶವಾಗಿದೆ. ಇನ್ನೂ ಈ ವರ್ಷದಲ್ಲಿ ಒಟ್ಟಾರೆಯಾಗಿ, 8,48,203 ವಿದ್ಯಾರ್ಥಿಗಳು ಪರೀಕ್ಷೆಗೆ ಈ ಸಾಲಿನಲ್ಲಿ ಪರೀಕ್ಷೆಗೆ ನೋಂದಾಯಿಸಿದ್ದರು.

ಆದ್ರೆ, ಕೊರೊನಾದಿಂದಾಗಿ, 19,086 ವಿದ್ಯಾರ್ಥಿಗಳಿಗೆ ಹಾಜರಾತಿ ಕೊರತೆ ಇತ್ತು. ಈ ವರ್ಷದಲ್ಲಿ ಶೇ. 71.80 ಫಲಿತಾಂಶ ಬಂದಿದೆ. ಸರ್ಕಾರಿ ಶಾಲೆಗಳಲ್ಲಿ ಶೇ. 72.79 ರಷ್ಟು ಫಲಿತಾಂಶ ಬಂದಿದೆ. ಅನುದಾನಿತ ಶಾಲೆಗಳಲ್ಲಿ ಶೇ. 70.60 ಮತ್ತು ಅನುದಾನರಹಿತ ಶಾಲೆಗಳಲ್ಲಿ ಶೇ. 82.31 ಫಲಿತಾಂಶ ಬಂದಿದೆ. ಈ ವರ್ಷದಲ್ಲಿ 2,28,734 ವಿದ್ಯಾರ್ಥಿಗಳು ಫೇಲ್ ಆಗಿದ್ದಾರೆ.

ಇನ್ನೂ ಈ ಸಾಲಿನಲ್ಲಿ ಗಂಡು ಮಕ್ಕಳು ಶೇಕಡವಾರು ಫಲಿತಾಂಶ 66.41 ಆಗಿದೆ. ಇನ್ನೂ ವಿದ್ಯಾರ್ಥಿನಿಯರು ಶೇ. 77.74 ಫಲಿತಾಂಶ ಬಂದಿದೆ. ಈ ವರ್ಷದಲ್ಲಿ 625ಕ್ಕೆ 624 ಅಂಕಗಳನ್ನ11 ವಿದ್ಯಾರ್ಥಿಗಳು ಪಡೆದಿದ್ದಾರೆ. 43 ವಿದ್ಯಾರ್ಥಿಗಳು 623 ಮಾರ್ಕ್ಸ್‌ ಪಡೆದಿದ್ರೆ, 56 ವಿದ್ಯಾರ್ಥಿಗಳು 622 ಅಂಕ ಪಡೆದಿದ್ದಾರೆ. ಇನ್ನೂ 68 ವಿದ್ಯಾರ್ಥಿಗಳು 621 ಅಂಕ ಪಡೆದು ಸಾಧನೆ ಮಾಡಿದ್ದಾರೆ.

ಈ ವರ್ಷದ ಫಲಿತಾಂಶ ವಿಶೇಷತೆ ಅಂದ್ರೆ, ಎಸ್‌ಎಮ್‌ಎಸ್‌ ಮೂಲಕ ಪಾಸಾದವರಿಗೆ ಫಲಿತಾಂಶ ತಲುಪಲಿದೆ. ಮಂಗಳವಾರ ಶಾಲೆಗಳಲ್ಲಿ ಫಲಿತಾಂಶ ಪ್ರಕಟವಾಗಲಿದೆ. ತಾತ್ಕಾಲಿಕ ಅಂಕಪಟ್ಟಿಯೂ ಶಾಲೆಗಳಲ್ಲಿ ಮಂಗಳವಾರವೇ ಸಿಗಲಿದೆ.