Featured
ಅಯೋಧ್ಯೆ ರಾಮಮಂದಿರಕ್ಕೆ ಸಿದ್ಧಗಂಗೆಯ ಮಣ್ಣು – ರೈಸಿಂಗ್ ಕನ್ನಡ ಜೊತೆ ಶ್ರೀಗಳ ಮಾತು..!
ರೈಸಿಂಗ್ ಕನ್ನಡ :
ಪ್ರತಿನಿಧಿ, ಕೆ.ಆರ್ ಬಾಬು, ತುಮಕೂರು
ಅಯೋಧ್ಯೆ ತೀರ್ಪನ್ನ ಸರ್ಪೋಚ್ಛ ನ್ಯಾಯಾಲಯ ನೀಡಿದ ಮೇಲೆ, ರಾಮಮಂದಿರ ನಿರ್ಮಿಸೋ ಹೋರಾಟಕ್ಕೆ ಹೊಸ ಶಕ್ತಿ ಬಂದಿದೆ. ನಮ್ಮ ದೇಶ ವಿವಿಧತೆಯಲ್ಲಿ ಏಕತೆಯನ್ನ ಕಾಣುತ್ತೆ. ಇಲ್ಲಿ ವಾಸಿಸುವ ಪ್ರತಿಯೊಬ್ಬರಿಗೂ ತಮ್ಮದೇ ಆದ ಧರ್ಮ, ಭಾಷೆಯನ್ನ ಪ್ರೀತಿಸುವ ಮತ್ತು ಪೋಷಿಸುವ ಅಧಿಕಾರವನ್ನ ನಮ್ಮ ಸಂವಿಧಾನ ನೀಡಿದೆ ಎಂದು ಸಿದ್ದಗಂಗಾ ಮಠದ ಸಿದ್ಧಲಿಂಗ ಶ್ರೀಗಳು ತಿಳಿಸಿದ್ದಾರೆ.
ಅದರಂತೆ ಈಗ ರಾಮಮಂದಿರ ಕಟ್ಟೋ ಕೆಲಸಕ್ಕೆ ಆಗಸ್ಟ್ 5ರಂದು ಶಿಲಾನ್ಯಾಸ ಮಾಡೋ ಕಾರ್ಯ ಜರುಗಲಿದೆ. ಈ ಮಹೋನ್ನತ ಮಂದಿರಕ್ಕೆ, ದೇಶದ ವಿವಿಧ ಪುಣ್ಯ ಕ್ಷೇತ್ರಗಳ ಮಣ್ಣನ್ನ ಬಳಸಲಾಗುತ್ತಿದೆ ಅದರಲ್ಲಿ ಸಿದ್ಧಗಂಗಾ ಕ್ಷೇತ್ರವೂ ಒಂದು ಎಂದು ಸಿದ್ಧಲಿಂಗಾ ಶ್ರೀಗಳು ತಿಳಿಸಿದ್ದಾರೆ.
ರೈಸಿಂಗ್ ಕನ್ನಡದ ಜೊತೆ ಈ ಕುರಿತು ವಿಶೇಷವಾಗಿ ಮಾತನಾಡಿದ ಸಿದ್ಧಲಿಂಗಾ ಶ್ರೀಗಳು, ಆಗಸ್ಟ್ 5 ರಂದು ರಾಮಮಂದಿರ ನಿರ್ಮಾಣಕ್ಕೆ ಪ್ರಧಾನಿ ಮೋದಿಯವರಿಂದ ಶಿಲಾನ್ಯಾಸವಾಗುತ್ತಿದೆ. ಇದಕ್ಕೆ ಸಿದ್ಧಗಂಗೆಯ ಮಣ್ಣನ್ನ ಕೂಡ ಕೊಂಡೊಯ್ಯಲಾಗಿದೆ. ಮಂದಿರ ನಿರ್ಮಾಣದ ಕಾರ್ಯ ಯಶಸ್ವಿಯಾಗಲಿ ಎಂದು ಸಿದ್ದಲಿಂಗಾ ಶ್ರೀಗಳು ಹಾರೈಸಿದ್ದಾರೆ.
