ಗುದ್ದಲಿ ಹಿಡಿದು ಕೆಲಸ ಮಾಡಿ, ಸರಳತೆ ಮೆರೆದ ಗವಿಸಿದ್ದೇಶ್ವರ ಸ್ವಾಮೀಜಿ

ರೈಸಿಂಗ್​ ಕನ್ನಡ

ನಾಗರಾಜ್​. Y. ಕೊಪ್ಪಳ:

ಕಾರ್ಮಿಕರಂತೆ ಗುದ್ದಲಿ ಹಿಡಿದು, ಕೆಲಸ ಮಾಡಿ ಕೊಪ್ಪಳದ ಅಭಿನವ ಗವಿಸಿದ್ದೇಶ್ವರ ಸ್ವಾಮೀಜಿ ಸರಳತೆ ಮೆರೆದಿದ್ದಾರೆ. ಕೊಪ್ಪಳದ ಗವಿಮಠದ ಆವರಣದಲ್ಲಿನ ಸಸಿಗೆ ನೀರು ನಿಲ್ಲಿಸಲು ಕಾರ್ಮಿಕರೊಂದಿಗೆ ಕೆಲಸ ಮಾಡಲು ಸ್ವತಃ ಸ್ವಾಮೀಜಿಯೇ ಮುಂದಾಗಿದ್ದು, ಎಲ್ರಿಗೂ ಮಾದರಿಯಾಗಿದ್ದಾರೆ. ಪೋಟೋ, ವಿಡಿಯೋ ಪ್ರಚಾರ ಬಯಸದ ಶ್ರೀಗಳು ಪ್ರತಿನಿತ್ಯ ಕಾಯಕವೇ ಕೈಲಾಸ ಎನ್ನುವಂತೆ ಸಾಮಾನ್ಯರಂತೆ ಕೆಲಸ ನಿರ್ವಹಿಸುತ್ತಾರೆ.

ಲಕ್ಷ ವೃಕ್ಷೋತ್ಸವ ಘೋಷವಾಕ್ಯದಡಿ ಸಸಿ ನೆಟ್ಟಿರೋ ಶ್ರೀಗಳು, ತಾವೇ ಸಸಿಗಳ ಆರೈಕೆ ಜೊತೆ ಪೋಷಿಸುತ್ತಿದ್ದಾರೆ. ಶ್ರೀಗಳ ಮಾದರಿ ಕಾರ್ಯದ ಬಗ್ಗೆ ಶ್ರೀಗಳಿಗೆ ಗೊತ್ತಿಲ್ಲದ ಹಾಗೇ ಮೊಬೈಲ್ ನಲ್ಲಿ ಸೆರೆ ಹಿಡಿದಿರೋ ಭಕ್ತರು, ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದು, ಸಾಕಷ್ಟು ಮೆಚ್ಚುಗೆಗೆ ಪಾತ್ರವಾಗಿದೆ.