ರಾಜಕೀಯದ ಗ್ರ್ಯಾಂಡ್‌ ಮಾಸ್ಟರ್‌ಗೆ ರಿಯಲ್ ಚದುರಂಗದಾಟದ ಚಾಲೆಂಜ್ ನೀಡಿದ ಮೊಮ್ಮಗ..!

ರೈಸಿಂಗ್ ಕನ್ನಡ :

ಬೆಂಗಳೂರು :

ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ. ತಮ್ಮ ರಾಜಕೀಯ ಬದುಕಿನಲ್ಲಿ ಆಡಿರೋ ಚದುರಂಗ ಅಷ್ಟಿಷ್ಟಲ್ಲ. ವಕೀಲ ವೃತ್ತಿಯಲ್ಲಿದ್ದುಕೊಂಡು ಬೇರುಮಟ್ಟದಿಂದ ಜನತಾ ಸೇವೆ ಆರಂಭಿಸಿದ ಸಿದ್ದರಾಮಯ್ಯನವರು, ಒಂದೊಂದೆ ಹಂತಕ್ಕೆ ಬೆಳೆದು ರಾಜ್ಯದ ಮುಖ್ಯಮಂತ್ರಿಯಾಗೋವರೆಗೂ ಸಾಗಿಬಂದ ಸಾಧನೆ ಅಷ್ಟಿಷ್ಟಲ್ಲ.

ಸದ್ಯ ಪ್ರತಿಪಕ್ಷದ ನಾಯಕನಾಗಿರೋ ಸಿದ್ದರಾಮಯ್ಯ, ಸದಾ ಆಡಳಿತ ಪಕ್ಷವನ್ನ ಎಚ್ಚರಿಸೋ ಕೆಲಸವನ್ನ ಮಾಡುತ್ತಲೇ ಇರುತ್ತಾರೆ. ಇತ್ತೀಚೆಗೆ ಕೊರೊನಾ ವೈದ್ಯಕೀಯ ವಸ್ತುಗಳ ಖರೀದಿಯಲ್ಲಿ ಭ್ರಷ್ಟಾಚಾರ ನಡೆದಿದೆ ಎಂದು ಆರೋಪ ಮಾಡಿ ಬೃಹತ್ ಪ್ರತಿಭಟನೆಯನ್ನೇ ನಡೆಸಿದ್ರು.

ತಮ್ಮ ಬದುಕಿನುದ್ದಕ್ಕೂ ಸದಾ ಪ್ರತಿಭಟನೆ, ಪಾದಯಾತ್ರೆಯಲ್ಲಿ ತೊಡಗಿದ ಈ ಜನನಾಯಕ, ಸದ್ಯ ಕೊರೊನಾ ಸಂದರ್ಭದಲ್ಲಿ ಕುಟುಂಬದ ಜೊತೆ ಹೆಚ್ಚಿನ ಸಮಯ ಕಳೆಯುತ್ತಿದ್ದಾರೆ. ತಮ್ಮ ಮೊಮ್ಮಗ, ಧವನ್ ರಾಕೇಶ್ ಜೊತೆ ಚೆಸ್ ಆಟವಾಡಿದ್ದಾರೆ. ರಾಜಕೀಯದ ಚದುರಂಗದಾಟದಲ್ಲಿ ಮಹಾನ್ ಚತುರನಾಗಿರೋ ಸಿದ್ದರಾಮಯ್ಯ, ಚೆಸ್‌ ಆಟದಲ್ಲೂ ಸಾಕಷ್ಟು ಪಳಗಿದ್ದಾರಂತೆ. ಮೊಮ್ಮಗನಿಗೆ ಚತುರ ನಡೆಗಳ ಕುರಿತು ಟಿಪ್ಸ್ ಕೂಡ ನೀಡಿದ್ದಾರಂತೆ.