ಸ್ವಾಭಿಮಾನಿ ಹೆಸರಲ್ಲಿ ಶರತ್​ ಬಚ್ಚೇಗೌಡ ಸ್ಪರ್ಧೆ : 30ರಂದು ನಾಮಿನೇಷನ್​, MTBಗೆ ಶಾಕ್

ಹೊಸಕೋಟೆ : ಬೈ ಎಲೆಕ್ಷನ್​ ಕಣ ರಂಗೇರಿದ್ದು, ಬಿಜೆಪಿಗೂ ಬಂಡಾಯದ ಬಿಸಿ ಜೋರಾಗಿಯೇ ಕಾಡ್ತಿದೆ. ಚಿಕ್ಕಬಳ್ಳಾಪುರ ಸಂಸದ ಬಿ.ಎನ್​. ಬಚ್ಚೇಗೌಡ ಪುತ್ರ ಶರತ್​ ಬಚ್ಚೇಗೌಡ ಹೊಸಕೋಟೆ ಕ್ಷೇತ್ರದಿಂದ ಕಣಕ್ಕೆ ಇಳಿಯೋದು ಪಕ್ಕಾ ಆಗಿದೆ. ಇವತ್ತು ಬೆಂಡಿಗಾನಹಳ್ಳಿಯಲ್ಲಿ ನಡೆದ ಮುಖಂಡರ ಸಭೆಯಲ್ಲಿ ಸ್ಪರ್ಧೆ ಕುರಿತು ಶರತ್ ಬಚ್ಚೇಗೌಡ ಘೋಷಣೆ ಮಾಡಿದ್ರು. 

ಇದೇ ತಿಂಗಳ 30ರಂದು ನಾಮಿನೇಷನ್​ ಹಾಕೋದಾಗಿ ಘೋಷಣೆ ಮಾಡಿದ ಶರತ್ ಬಚ್ಚೇಗೌಡ, ಪಕ್ಷೇತರವಾಗಿ ಸ್ಪರ್ಧೆ ಮಾಡೋದಾಗಿ ಹೇಳಿದ್ರು. ಒಂದ್ವೇಳೆ ಬಿಜೆಪಿ ಟಿಕೆಟ್​ ನೀಡಿದರೆ ಬಿಜೆಪಿ ಅಭ್ಯರ್ಥಿ ಆಗುತ್ತೇನೆ. ಇಲ್ಲದೇ ಇದ್ರೆ, ಪಕ್ಷೇತರ ಅಭ್ಯರ್ಥಿ ಆಗ್ತೇನೆ ಎಂದು ಶರತ್ ಹೇಳಿದ್ರು. ಈ ಮೂಲಕ ಕಾಂಗ್ರೆಸ್​ನ ಅನರ್ಹ ಶಾಸಕರ ಎಂಟಿಪಿ ನಾಗರಾಜ್​ಗೆ ಸಡ್ಡು ಹೊಡೆದ್ರು ಶರತ್​. 

ಮುಖಂಡರ ಸಭೆ ಬಳಿಕ ಮಾತ್ನಾಡಿದ ಶರತ್ ಬಚ್ಚೇಗೌಡ, ಸಿಎಂ ಯಡಿಯೂರಪ್ಪ ಅವರ ಮೇಲೆ ಅಪಾರವಾದ ಗೌರವವಿದೆ. ಆದ್ರೆ, ಸ್ಥಳೀಯ ಕಾರ್ಯಕರ್ತರು, ಮುಖಂಡರ ನಿರ್ಧಾರದಂತೆ ನಾನು ಮುಂದೆ ನಡೆಯೋದಾಗಿ ಹೇಳಿದ್ರು. ಬೆಂಡಿಗಾನಹಳ್ಳಿಯಲ್ಲಿ ನಡೆದ ಸ್ವಾಭಿಮಾನಿ ಕಾರ್ಯಕರ್ತರ ಸಭೆಯಲ್ಲಿ ಶರತ್​ ಬಚ್ಚೇಗೌಡ ಸ್ಪರ್ಧೆ ಖಚಿತವಾಯ್ತು.

ಸಭೆ ಬಳಿಕ ಮಾತನಾಡಿದ ಹೊಸಕೋಟೆ ತಾಲೂಕು ಬಿಜೆಪಿ ಅಧ್ಯಕ್ಷ ಸಿ.ಮಂಜುನಾಥ್​, 30ರಂದು ನಾಮಿನೇಷನ್ ಹಾಕೋದಾಗಿ ತಿಳಿಸಿದ್ರು. ನಾಮಿನೇಷನ್​ಗೆ ಸಾವಿರಾರು ಬೆಂಬಲಿಗರು ಹಾಜರಿರಲು ಸೂಚಿಸಲಾಯ್ತು.