ಸಿಂಹಗಳ ಎದುರು ಗುಳ್ಳೇನರಿ ರಾಜಕೀಯ ಕುತಂತ್ರ ಮಾಡ್ತಿದೆ : MTB ನಾಗರಾಜ್​ಗೆ ಶರತ್ ಬಚ್ಚೇಗೌಡ ವ್ಯಂಗ್ಯ

ಹೊಸಕೋಟೆ : ವ್ಯಕ್ತಿಗಳ ನಡುವಿನ ಕದನಕ್ಕೆ ಸದಾ ವೇದಿಕೆ ಆಗಿರೋ ಹೊಸಕೋಟೆ ಕ್ಷೇತ್ರ ಮತ್ತೊಮ್ಮೆ ರಾಜ್ಯ ರಾಜಕಾರಣ ಗಮನ ಸೆಳೆಯುವಂತಿದೆ. ಕಾಂಗ್ರೆಸ್​ ಅನರ್ಹ ಶಾಸಕ ಎಂಟಿಬಿ ನಾಗರಾಜ್​, ಬಿಜೆಪಿ ಸೇರ್ಪಡೆ ಅಥವಾ ಬಿಜೆಪಿ ಟಿಕೆಟ್​ಗಾಗಿ ಕಾತರದಿಂದ ಇದ್ದಾರೆ. ಸಿಎಂ ಯಡಿಯೂರಪ್ಪ ಕೂಡ ಎಂಟಿಬಿ ನಾಗರಾಜ್​ಗೆ ಬಿಜೆಪಿ ಟಿಕಟ್​ ನೀಡೋದಾಗಿ ಹೇಳಿದ್ದಾರೆ. ಆದ್ರೆ, ಬಿಜೆಪಿ ಅಭ್ಯರ್ಥಿ ಶರತ್ ಬಚ್ಚೇಗೌಡ ಹಾಗೂ ಸ್ಥಳೀಯ ಬಿಜೆಪಿ ಕಾರ್ಯಕರ್ತರು ಇದಕ್ಕೆ ವ್ಯಾಪಕ ವಿರೋಧ ವ್ಯಕ್ತಪಡಿಸಿದ್ದಾರೆ.

ಇದೇ ವಿಚಾರವಾಗಿ ಇವತ್ತು ಸ್ವಾಭಿಮಾನಿ ಕಾರ್ಯಕರ್ತರ ಸಭೆ ನಡೀತು. ಸಭೆ ಬಳಿಕ ಮಾತ್ನಾಡಿದ ಶರತ್​ ಬಚ್ಚೇಗೌಡ, ಅನರ್ಹ ಶಾಸಕ ಎಂಟಿಬಿ ನಾಗರಾಜ್​ ಅವರನ್ನ ಗುಳ್ಳೇನರಿ, ನರಿಗೆ ಹೋಲಿಸಿ ವ್ಯಂಗ್ಯ ಮಾಡಿದ್ರು. 2004ರವರೆಗೆ ಹೊಸಕೋಟೆ ಕ್ಷೇತ್ರದಲ್ಲಿ ಹುಲಿ, ಸಿಂಹಗಳ ನಡುವೆ ಸ್ಪರ್ಧೆ ನಡೀತಿತ್ತು. 2004ರ ಬಳಿಕ ಹುಲಿ, ಸಿಂಹಗಳ ಮಧ್ಯೆ ಗುಳ್ಳೇನರಿ ಬಂದು ಕುತಂತ್ರ ರಾಜಕೀಯ ಮಾಡ್ತಿದೆ ಎಂದು ಹೆಸರೇಳದೇ ಎಂಟಿಬಿ ನಾಗರಾಜ್​ ವಿರುದ್ಧ ವಾಗ್ದಾಳಿ ನಡೆಸಿದ್ರು. 

ನಾನು ಹಣ ಮಾಡಲು ರಾಜಕೀಯ ಮಾಡ್ತಿಲ್ಲ. ನಮಗೆ ಸಾಕಷ್ಟು ಆಸೆ, ಆಮಿಷಗಳು ಬರ್ತಿವೆ. ಆದ್ರೆ, ನಾವು ಅದಕ್ಕೆ ಸೊಪ್ಪು ಹಾಕಲ್ಲ ಎಂದು ಪರೋಕ್ಷವಾಗಿ ಕಾಂಗ್ರೆಸ್​ ಟಿಕೆಟ್ ಆಫರ್ ನೀಡಲು ರೆಡಿ ಇದೆ ಅಂತ ಹೇಳಿದ್ರು.

ಒಟ್ನಲ್ಲಿ ಹೊಸಕೋಟೆ ರಾಜಕೀಯ ಈ ಬಾರಿಯೂ ಜಿದ್ದಾಜಿದ್ದಿನಿಂದ ಕೂಡಿರುತ್ತೆ ಅನ್ನೋದ್ರಲ್ಲಿ ಡೌಟೇ ಇಲ್ಲ.