ವಿವಾದಕ್ಕೆ ಕಾರಣವಾದ ಶಾರುಖ್ : ರಾಮ್ ಚರಣ್ ಗೆ ಹೀಗಂದಿದ್ದು ನಿಜವೇ..?

ಈಗ ದೇಶಾದ್ಯಂತ ಮುಖೇಶ್-ನೀತಾ ಅಂಬಾನಿ ಪುತ್ರ ಅನಂತ್ ಅಂಬಾನಿ-ರಾಧಿಕಾ ಮರ್ಚೆಂಟ್ ವಿವಾಹ ಭಾರಿ ಸದ್ದು ಮಾಡುತ್ತಿದೆ. ಖ್ಯಾತ ಗಾಯಕಿ ರಿಹಾನಾರಿಂದ ಹಿಡಿದು ಬಾಲಿವುಡ್ ತಾರೆಗಳು ಸಹ ಅಂಬಾನಿ ಪುತ್ರ ವಿವಾಹಪೂರ್ವದ ಮೂರು ದಿನಗಳ ಸಂಭ್ರಮಾಚರಣೆಯಲ್ಲಿ ಪಾಲ್ಗೊಂಡಿದ್ದರು. ಇದೇ ರೀತಿ ಗ್ಲೋಬಲ್ ಸ್ಟಾರ್ ರಾಮ್ ಚರಣ್ ಕೂಡ ಅಂಬಾನಿ ಮಗನ ವಿವಾಹ ಪೂರ್ವ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.

ಈ ಕಾರ್ಯಕ್ರಮದಲ್ಲಿ ರಾಮ್ ಚರಣ್ ನಟನೆಯ ಆರ್ ಆರ್ ಆರ್ ಚಿತ್ರದ ನಾಟು ನಾಟು ನೃತ್ಯಕ್ಕೆ ಬಾಲಿವುಡ್ ನ ಖಾನ್ ತ್ರಯರಾದ ಅಮೀರ್ ಖಾನ್, ಸಲ್ಮಾನ್ ಖಾನ್, ಶಾರುಖ್ ಖಾನ್ ನರ್ತಿಸಿದ್ದರು. ಈ ವೇಳೆ ಶಾರುಖ್ ಖಾನ್ ರಾಮ್ ಚರಣ್ ಕೂಡ ನರ್ತಿಸಲು ಕರೆದಿರುವ ಶೈಲಿ ವಿವಾದಕ್ಕೆ ಕಾರಣವಾಗಿದೆ. ಈ ಕುರಿತು ರಾಮ್ ಚರಣ್ ಗೆ ಮೇಕಪ್ ಮಾಡುವ ಝೆಬಾ ಹಸನ್ ಇನ್ ಸ್ಟಾ ಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದು, ಶಾರುಖ್ ಖಾನ್ ರಾಮ್ ಚರಣ್ ಗೆ ಅವಮಾನ ಮಾಡಿದ್ದಾರೆ.

‘‘ಬೇಂಡ್ ಇಡ್ಲಿ-ವಡಾ ರಾಮ್ ಚರಣ್ ಕಹಾನ್ ಹೈ ತು’’ ಎಂದು ಕರೆಯೋ ಮೂಲಕ ನಿಂದಿಸಿದ್ದಾರೆ. ಇದಾದ ಬಳಿಕ ತಾವು ಅಲ್ಲಿರಲೇ ಇಲ್ಲ ಎಂದು ಝೆಬಾ ಹಸನ್ ಬರೆದುಕೊಂಡಿದ್ದಾರೆ. ಅಲ್ಲದೇ ಈಗಲೂ ಕೂಡ ಬಾಲಿವುಡ್ ನಲ್ಲಿ ಉತ್ತರ ಭಾರತ ಮತ್ತು ದಕ್ಷಿಣ ಭಾರತದವರು ಎಂದು ಭೇದ-ಭಾವ ಮಾಡುತ್ತಾರೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.