Featured
ಕೊರೊನಾ ಟೈಮ್ನಲ್ಲಿ ಕುದುರಿತು ಲಕ್- 31 ಕೋಟಿ ಲಾಟರಿ ಗೆದ್ದ ಸೆಕ್ಯುರಿಟಿ ಗಾರ್ಡ್
ರೈಸಿಂಗ್ ಕನ್ನಡ ನ್ಯೂಸ್ ಡೆಸ್ಕ್:
ಕೊರೊನಾ ಮಹಾಮಾರಿ ಎಲ್ಲರಿಗೂ ಹೊಡೆತ ನೀಡಿದೆ. ಕೈ ತುಂಬಾ ಸಂಬಳ ತೆಗೆದುಕೊಂಡು ಆರಾಮವಾಗಿದ್ದವರು ಈಗ ಕೆಲಸವಿಲ್ಲದೆ ಪರದಾಟ ನಡೆಸ್ತಿದ್ದಾರೆ. ಸಾಫ್ಟ್ವೇರ್ ಎಂಜಿನಿಯರ್ಗಳು ತಕರಾರಿ ಮಾರುವುದನ್ನು ಕೇಳಿದ್ದೇವೆ. ಉನ್ನತ ಹುದ್ದೆಯಲ್ಲಿದ್ದವರು ಬೇರೆ ಕೆಲಸ ಮಾಡುವುದು ಸಾಮಾನ್ಯವಾಗಿದೆ. ಆದ್ರೆ ಕೊರೊನಾದ ಮಧ್ಯೆ ವ್ಯಕ್ತಿಯೊಬ್ಬ ಕೋಟ್ಯಾಧೀಶನಾಗಿದ್ದಾನೆ.
ಆಸ್ಟ್ರೇಲಿಯಾದ ಪರ್ತ್ನಲ್ಲಿ ಭದ್ರತಾ ಸಿಬ್ಬಂದಿಯಾಗಿ ಕೆಲಸ ಮಾಡುತ್ತಿದ್ದ ವ್ಯಕ್ತಿಯೊಬ್ಬ ಕೊರೊನಾದಿಂದಾಗಿ ಉದ್ಯೋಗ ಕಳೆದುಕೊಂಡಿದ್ದ. ತನ್ನ ಮೂರು ವರ್ಷದ ಪುತ್ರಿಯನ್ನು ಸಾಕಲು ಕೂಡ ಕಷ್ಟ ಪಡುತ್ತಿದ್ದ. ಮಗಳಿಗೆ ಅಗತ್ಯ ವಸ್ತುಗಳನ್ನು ಖರೀದಿಸಲು ದಿನಸಿ ಅಂಗಡಿಗೆ ಹೋಗಿದ್ದ ಸಂದರ್ಭದಲ್ಲಿ ಆತನಿಗೆ ಪಕ್ಕದಲ್ಲಿದ್ದ ಲಾಟರಿ ಕೌಂಟರ್ ಕಂಡಿದೆ. ನೇರವಾಗಿ ಲಾಟರಿ ಅಂಗಡಿಗೆ ಹೋದವನೇ ಒಂದು ಟಿಕೆಟ್ ಖರೀದಿಸಿ ಮನೆಗೆ ಬಂದಿದ್ದಾನೆ.
ಬದುಕು ಸಾಗಿಸಲು ಬೇರೆ ಕೆಲಸಗಳನ್ನು ಆ ವ್ಯಕ್ತಿ ಮಾಡುತ್ತಿದ್ದ. ಲಾಟರಿ ಖರೀದಿಸಿದ್ದ ವಿಷ್ಯ ಮರೆತೇ ಹೋಗಿತ್ತು. ಆದ್ರೆ ಅದೃಷ್ಟ ಮಾತ್ರ ಆ ವ್ಯಕ್ತಿಯ ಪರವಾಗಿತ್ತು. ಲಾಟರಿ ಕೇಂದ್ರದಿಂದ ಯಾರೋ ಬಂದು ಲಾಟರಿ ಬಂದಿರುವ ಬಗ್ಗೆ ಮಾತನಾಡುತ್ತಿದ್ದರು.ಇದನ್ನು ಕೇಳಿಸಿಕೊಂಡ ಆತ ನೇರವಾಗಿ ಹೋಗಿ ತಾನು ಖರೀದಿಸಿದ್ದ ಲಾಟರಿ ಸಂಖ್ಯೆಯನ್ನು ಪರಿಶೀಲಿಸಿದ್ದಾನೆ. ಈ ವೇಳೆ ಆತ ಖರೀದಿಸಿದ್ದ ಲಾಟರಿಗೆ 31 ಕೋಟಿ ರೂಪಾಯಿಗಳ ಬಂಪರ್ ಬಂದಿದ್ದು ಗೊತ್ತಾಗಿದೆ.
ಕೂಡಲೇ ಲಾಟರಿ ಕೇಂದ್ರಕ್ಕೆ ಹೋಗಿ ಹಣ ಅಕೌಂಟ್ಗೆ ಜಮೆ ಮಾಡಿಸಿಕೊಂಡಿದ್ದಾನೆ. ಅವರಿರ ಬಳಿ ಕೆಲಸಕ್ಕಾಗಿ ಅಲೆದಾಡುತ್ತಿದ್ದ ವ್ಯಕ್ತಿ ಈಗ ತಾನೇ ನಾಲ್ಕು ಜನಕ್ಕೆ ಕೆಲಸ ಕೊಡುವಂತಾಗಿದೆ.
