ಅಂತೂ ಇಂತೂ ಐಪಿಎಲ್ ವೇಳಾ ಪಟ್ಟಿ ಪ್ರಕಟ: ಉದ್ಘಾಟನಾ ಪಂದ್ಯದಲ್ಲಿ ಮುಂಬೈ, ಚೆನ್ನೈ ಬಿಗ್ ಫೈಟ್

ರೈಸಿಂಗ್ ಕನ್ನಡ:

ನ್ಯೂಸ್​ ಡೆಸ್ಕ್​:

ಭಾರೀ ಕುತೂಹಲ ಕೆರೆಳಿಸಿದ್ದ ಸೀಸನ್ 13ರ ಐಪಿಎಲ್​ ಟೂರ್ನಿಯ ವೇಳಾಪಟ್ಟಿ ಅಂತೂಇಂತೂ ಬಿಡುಗಡೆಯಾಗಿದ್ದು  ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಮುಂಬೈ ಮತ್ತು ಕಳೆದ ಬಾರಿಯ ರನ್ನರ್​ಅಪ್​ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡಗಳು ಮುಖಾಮುಖಿಯಾಗಲಿವೆ.

ಭಾನುವಾರ ಐಪಿಎಲ್​ ಆಡಳಿತ ಮಂಡಳಿ ಸೀಸನ್​ 13ರ ವೇಳಾ ಪಟ್ಟಯನ್ನ ಬಿಡುಗಡೆ ಮಾಡಿದ್ದು, ಸೆ.19ರಂದು ಅಬುಧಾಬಿಯಲ್ಲಿ ಕಲ್ಲರ್​ಫುಲ್​ ಟೂರ್ನಿ ಐಪಿಎಲ್ ಆರಂಭವಾಗಲಿದೆ. ​  

ಉದ್ಘಾಟನಾ ಪಂದ್ಯದ ನಂತರ ಎರಡನೇ ಪಂದ್ಯ ದುಬೈನಲ್ಲಿ ನಡೆಯಲಿದ್ದು ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಕಿಂಗ್ಸ್​ ಇಲೆವೆನ್ ಪಂಜಾಬ್ ನಡುವೆ ನಡೆಯಲಿದೆ.

ಮೂರನೇ ಪಂದ್ಯ ಸನ್​ರೈಸರ್ಸ್​ ಹೈದರಬಾದ್​ ಮತ್ತು ಆರ್​ಸಿಬಿ ನಡುವೆ ನಡೆಯಲಿದೆ. ಸೆ.22ರ ನಂತರ ಟೂರ್ನಿಯ ಸ್ಥಳ ಶಾರ್ಜಾಕ್ಕೆ ಸ್ಥಳಾಂತರವಾಗಲಿದೆ. ಸೆ.22 ಆತಿಥೇಯ ರಾಜಸ್ಥಾನ ತಂಡ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡವನ್ನ ಎದುರಿಸಲಿದೆ.

24 ಪಂದ್ಯಗಳು ದುಬೈನಲ್ಲಿ, 20 ಪಂದ್ಯಗಳು ಅಬುಧಾಬಿಯಲ್ಲಿ, ಮತ್ತು 12 ಪಂದ್ಯಗಳು ಶಾರ್ಜಾದಲ್ಲಿ ನಡೆಯಲಿದೆ.

ಪ್ಲೇ ಆಫ್​ ಮತ್ತು ಫೈನಲ್​ ಪಂದ್ಯಗಳ ನಡೆಯುವ ಸ್ಥಳ ಇನ್ನು ನಿರ್ಧರಿಸಬೇಕಿದೆ.ಐಪಿಎಲ್​ನ ಪಂದ್ಯಗಳು ಮೊದಲ ಪಂದ್ಯ ಮಧ್ಯಾಹ್ನ 3.30ಕ್ಕೆ ಭಾರತೀಯ ಕಾಲಮಾನ ಮತ್ತು ಎರಡನೇ ಪಂದ್ಯ ಸಂಜೆ 7.30ಕ್ಕೆ ಆರಂಭವಾಗಲಿದೆ ಎಂದು ಐಪಿಎಲ್​ ಆಡಳಿತ ಮಂಡಳಿ ಹೇಳಿದೆ.