ಚೀನಾ, ಭಾರತಕ್ಕೆ ರಷ್ಯಾ ಟಾಂಗ್..! ಆಗಸ್ಟ್ 10ಕ್ಕೆ ಕೊರೊನಾ ಲಸಿಕೆ ಲಾಂಚ್ ಮಾಡಲು ಪ್ಲಾನ್..?

ರೈಸಿಂಗ್​ ಕನ್ನಡ:

ಅಮೆರಿಕಾ, ರಷ್ಯಾ ಭಾರತ, ಚೀನಾ ಹೀಗೆ ವಿಶ್ವದ ವಿವಿಧ ದೇಶಗಳು ಕೊರೊನಾ ಲಸಿಕೆಯನ್ನು ಸಾಧ್ಯವಾದಷ್ಟು ಬೇಗ ಮಾರುಕಟ್ಟೆಗೆ ಬಿಟ್ಟುಬಿಡಬೇಕು ಅನ್ನುವ ಛಲಕ್ಕೆ ಬಿದ್ದಿದೆ. ಕೊರೊನಾ ಮಹಾಮಾರಿಯನ್ನು ಹೊಡೆದೊಡಿಸಲು ವಿಶ್ವದ ಎಲ್ಲಾ ದೇಶಗಳು ಪೈಪೋಟಿಗೆ ಬಿದ್ದಿವೆ. ಈ ನಡುವೆ  ಭಾರತ ಕೊರೊನಾ ಲಸಿಕೆ ಕೊವ್ಯಾಕ್ಸಿನ್​ ಅನ್ನು ಆಗಸ್ಟ್​ 15ಕ್ಕೆ ಬಿಡುಗಡೆ ಮಾಡುವ ಯೋಚನೆಯಲ್ಲಿದೆ. ಚೀನಾ ಆಗಸ್ಟ್​ 10ರ ಒಳಗೆ ಬೇರೊಂದು ಲಸಿಕೆ ತಯಾರಿಸಿಕೊಂಡು ಮಾರುಕಟ್ಟೆಗೆ ಎಂಟ್ರಿಕೊಡುವ ಲೆಕ್ಕಾಚಾರದಲ್ಲಿದೆ. ಇದರ ಮಧ್ಯೆ ರಷ್ಯಾ ಆಗಸ್ಟ್​ 10ಕ್ಕೆ ಕೊರೊನಾ ವ್ಯಾಕ್ಸಿನ್​ ಅನ್ನು ಮಾರುಕಟ್ಟೆಗೆ ತರುವ ವಿಶ್ವಾಸದಲ್ಲಿದೆ.  ರಷ್ಯಾದ ಮಿಲಿಟರಿ ಹಾಗೂ ಸರಕಾರಿ ಸಂಶೋಧಕರು ಅಭಿವೃದ್ಧಿಪಡಿಸಿರುವ ಲಸಿಕೆ, ಕೇವಲ ಎರಡೇ ವಾರದಲ್ಲಿ ಮಾರುಕಟ್ಟೆಗೆ ಬರುವ ವಿಶ್ವಾಸ ಅಲ್ಲಿನ ಅಧಿಕಾರಿಗಳಿಗಿದೆ.

ಮಾಸ್ಕೋದ ಗಮಲೇಯ ವಿಶ್ವವಿದ್ಯಾನಿಲಯ ನೇತೃತ್ವದಲ್ಲಿ ಲಸಿಕೆ ತಯಾರಾಗಿದ್ದು, ಈಗಾಗಲೇ ಹ್ಯೂಮನ್​ ಟ್ರಯಲ್​ಗಳು ಕೂಡ ಪೂರ್ಣಗೊಳ್ಳುವ ಹಂತಕ್ಕೆ ಬಂದು ನಿಂತಿದೆ. ಕೊರೊನಾ ವಾರಿಯರ್​​ಗಳಾಗಿ ಕೆಲಸ ಮಾಡುತ್ತಿರುವವರಿಗೆ ಈ ಲಸಿಕೆಯನ್ನು ಮೊದಲು ನೀಡಲು ಯೋಜನೆ ರೂಪಿಸಲಾಗಿದೆ.  

ಎರಡು ಹ್ಯೂಮನ್​​ ಟ್ರಯಲ್​ಗಳನ್ನು ಮಾಡಿ ಯಶಸ್ಸು ಸಾಧಿಸಿರುವ ಈ ಲಸಿಕೆಯ ಮೂರನೇ ಹಾಗೂ ಅಂತಿಮ ಪ್ರಯೋಗ ಆಗಸ್ಟ್​3 ಕ್ಕೆ ನಡೆಯಲಿದೆ. ರಷ್ಯಾದ ಸಂಶೋಧಕರು ಈ ಲಸಿಕೆಯ ಮಾಹಿತಿಯನ್ನೂ ಎಲ್ಲೂ ಬಹಿರಂಗ ಮಾಡಿಲ್ಲ. ಈ ಲಸಿಕೆಯ ಸುರಕ್ಷತೆ ಹಾಗೂ ಅಡ್ಡ ಪರಿಣಾಮಗಳ ಬಗ್ಗೆಯೂ ಮಾಹಿತಿ ಇಲ್ಲ. ಹೀಗಾಗಿ ರಷ್ಯಾ ಮಾರುಕಟ್ಟೆಗೆ ಬಿಡುಗಡೆ ಮಾಡಲಿರುವ ಕೊರೊನಾ ಲಸಿಕೆ ಬಗ್ಗೆ ಸಾಕಷ್ಟು ಅನುಮಾನಗಳು ಎದ್ದಿವೆ.