Featured
ಕೊರೊನಾಗೆ ಸಿಕ್ಕೇ ಬಿಡ್ತು ವ್ಯಾಕ್ಸಿನ್..! ಹ್ಯೂಮನ್ ಟೆಸ್ಟಿಂಗ್ನಲ್ಲಿ ಫಸ್ಟ್ ಸಕ್ಸಸ್.. ಆಟ ಮುಗಿಸುತ್ತಾ ಕೊರೊನಾ ವೈರಸ್..?
ರೈಸಿಂಗ್ ಕನ್ನಡ ನ್ಯೂಸ್ ಡೆಸ್ಕ್:
ಕೊರೊನಾಗೆ ಯಾವಾಗ ಮೆಡಿಸಿನ್ ಸಿಗುತ್ತದೆ..? ಮಾರಣಾಂತಿಕ ರೋಗ ಯಾವಾಗ ದೂರ ಆಗಲಿದೆ..? ಈ ಪ್ರಶ್ನೆಗಳು ಎಲ್ಲರ ಬಳಿ ಇದೆ. ಆದ್ರೆ ಉತ್ತರ ಮಾತ್ರ ಏನೂ ಇಲ್ಲ. ಭಯದಲ್ಲೇ ಓಡಾಟ ನಡೆಸಬೇಕು, ಮಾಸ್ಕ್, ಸ್ಯಾನಿಟೈಸರ್ ಜೊತೆಗೆ ಜೀವನ ನಡೆಯ ಬೇಕು ಅನ್ನುವುದು ಸದ್ಯದ ಸ್ಥಿತಿ.
ಕೊರೊನಾ ವೈರಸ್ ವಿರುದ್ಧ ಇಡೀ ಜಗತ್ತೇ ಹೋರಾಟ ಮಾಡುತ್ತಿದೆ. ಯಾವುದಾದ್ರೂ ಒಂದು ಮೆಡಿಸಿನ್ ಸಿಕ್ಕರೆ ಸಾಕು ಅನ್ನುವ ಸಂಶೋಧನೆಗಳು ಕೂಡ ನಡೆಯುತ್ತಿವೆ. ಈ ಮಧ್ಯೆ ವೈದ್ಯಕೀಯ ಲೋಕದಲ್ಲಿ ಕೊರೊನಾ ವಿರುದ್ಧ ನಡೆಸಿದ ಪ್ರಯೋಗದಲ್ಲಿ ರಷ್ಯಾ ಯಸ್ವಿಯಾಗಿದೆ ಅನ್ನುವ ಸುದ್ದಿ ಹರಿದಾಡ್ತಿದೆ.
ರಷ್ಯಾದ ಸೆಚೆನೋವ್ ವಿಶ್ವವಿದ್ಯಾಲಯ ಕೊರೊನಾಗೆ ಕಂಡುಹಿಡಿದ್ದ ಲಸಿಕೆಯನ್ನು ಮನುಷ್ಯನ ಮೇಲೆ ಪ್ರಯೋಗ ನಡೆಸಿದೆ ಯಶಸ್ವಿ ಆಗಿದೆ ಎಂದು ರಷ್ಯಾದ ಮಾಧ್ಯಮಗಳು ವರದಿ ಮಾಡಿವೆ.
ಜೂನ್ 16ರಂದು ರಷ್ಯಾದ ಆರೋಗ್ಯ ಸಚಿವಾಲಯ ಮಾನವನ ಮೇಲೆ ಕೊರೊನಾ ಲಸಿಕೆಯ ವೈದ್ಯಕೀಯ ಪರೀಕ್ಷೆಗೆ ಅನುಮತಿ ನೀಡಿತ್ತು.. ಇದನ್ನು ಮಾಸ್ಕೋದ ಪ್ಯಾಂಡಮಿಕ್ ಡಿಸಿಸ್ ರಿಸರ್ಚ್ ಸೆಂಟರ್ನಲ್ಲಿ ಹ್ಯೂಮನ್ ಟೆಸ್ಟಿಂಗ್ಗೆ ಒಳಪಡಿಸಲಾಗಿತ್ತು. ಇದರಲ್ಲಿ ನಾವು ಯಶಸ್ಸು ಕಂಡಿದ್ದೇವೆ.
- ವಾಡಿಮ್ ತರಸೊವ್, ಡೈರೆಕ್ಟರ್, ಟ್ರಾನ್ಸ್‌ಲೇಶನಲ್‌ ಮೆಡಿಸಿನ್ ಅಂಡ್‌ ಬಯೋಟೆಕ್ನಾಲಜಿ
ಮೊದಲ ಸುತ್ತಿನ ಹ್ಯೂಮನ್ ಟೆಸ್ಟಿಂಗ್ನಲ್ಲಿ ಯಶಸ್ಸು ಕಂಡಿರುವ ರಷ್ಯಾ ಇನ್ನೆರಡುನ ಸುತ್ತಿನ ಹ್ಯೂಮನ್ ಟೆಸ್ಟಿಂಗ್ಗೆ ಸಜ್ಜಾಗುತ್ತಿದೆ. ಒಂದು ವೇಳೆ ರಷ್ಯಾ ಇದರಲ್ಲಿ ಯಶಸ್ವಿ ಆದರೆ ಕೊರೊನಾ ವಿರುದ್ಧ ವಿಶ್ವವೇ ಗೆಲ್ಲಲಿದೆ.
