ರಷ್ಯಾದಿಂದ ಕೊರೊನಾಕ್ಕೆ ವ್ಯಾಕ್ಸಿನೇಷನ್- WHO ವಿರೋಧದ ನಡುವೆಯೂ ಮಾಸ್ ವ್ಯಾಕ್ಷಿನೇಷನ್​​ಗೆ ಸಜ್ಜು..!

ರೈಸಿಂಗ್​ ಕನ್ನಡ ನ್ಯೂಸ್​ ಡೆಸ್ಕ್​:

ಕೊರೊನಾ ರಣಕೇಕೆಯ ನಡುವೆಯೂ ಮಹಾಮಾರಿಗೆ ಔಷಧಿ ಕಂಡುಹಿಡಿಯುವ ದೇಶಗಳ ನಡುವೆ ಪೈಪೋಟಿ ಆರಂಭವಾಗಿದೆ. ರಷ್ಯಾ ಕೊರೊನಾ ವ್ಯಾಕ್ಸಿನ್​​ ಬಳಕೆಗೆ ಗ್ರಿನ್​ ಸಿಗ್ನಲ್​ ತೋರಿದ್ದು, ಇದು ಜಾರಿಗೆ ಬಂದರೆ ಕೊರೊನಾಕ್ಕೆ ವಿಶ್ವದಲ್ಲೇ ಮೊತ್ತ ಮೊದಲ ಬಾರಿಗೆ ಲಸಿಕೆ ಕಂಡು ಹಿಡಿದ ದೇಶವಾಗಿ ಇತಿಹಾಸದ ಪುಟ ಸೇರಿಕೊಳ್ಳಲಿದೆ.

ರಷ್ಯಾ ತೆಗೆದುಕೊಂಡಿರುವ ನಿರ್ಧಾರಗಳ ಬಗ್ಗೆ WHO ಹಾಗೂ ಇತರೆ ದೇಶಗಳು ಕಾಳಜಿ ವ್ಯಕ್ತಪಡಿಸಿವೆ. ಸುರಕ್ಷತೆ ಬಗೆಗಿನ ಕಾಳಜಿಯ ಹೊರತಾಗಿಯೂ ಅಕ್ಟೋಬರ್​ನಲ್ಲಿ ರಷ್ಯಾ ಮಾಸ್​​ ವ್ಯಾಕ್ಸಿನೇಷನ್​​ ಆರಂಭಕ್ಕೆ ತಯಾರಿ ಮಾಡಿಕೊಳ್ಳುತ್ತಿದೆ. ಈ ವಾರದ ಅಂತ್ಯದಲ್ಲಿ ರಷ್ಯಾ ಕೋವಿಡ್​ 19 ಲಸಿಕೆಯನ್ನು ಅಧಿಕೃತವಾಗಿ ಬಿಡುಗಡೆಗೊಳಿಸಲಿದೆ ಎಂದು ಹೇಳಿಕೊಂಡಿದೆ.

ರಷ್ಯಾದ ಉಪ ಆರೋಗ್ಯ ಸಚಿವ ಒಲೆಗ್ ಗ್ರಿಡ್ನೆವ್ ಅವರು ಆಗಸ್ಟ್ 12 ರಂದು ಕೋವಿಡ್ -19 ಲಸಿಕೆ ನೊಂದಾವಣೆ ಯೋಜನೆಯನ್ನು ಹೊಂದಿದ್ದಾಗಿ ಹೇಳಿದ್ದಾರೆ. ಕೋವಿಡ್ ನಿಂದ ಅತಿ ಹೆಚ್ಚು ಪೀಡಿತವಾದ ಜಗತ್ತಿನ ನಾಲ್ಕನೇ ರಾಷ್ಟ್ರ ರಷ್ಯಾ ಆಗಿದ್ದು ಯುಎಸ್, ಬ್ರೆಜಿಲ್ ಮತ್ತು ಭಾರತದ ನಂತರದ ಸ್ಥಾನದಲ್ಲಿದೆ. ಒಂದು ವೇಳೆ ಲಸಿಕೆ ನೋಂದಣಿ ಮಾಡಿಸಿಕೊಂಡರೆ ಅದು ಕೊರೊನಾ ವಿರುದ್ಧ ಹೋರಾಡುವ ಜಗತ್ತಿನ ಮೊತ್ತ ಮೊದಲ ಲಸಿಕೆ ಆಗಲಿದೆ.

ಗಮಲೇಯ ಸಂಶೋಧನೆ ಸಂಸ್ಥೆ ಮತ್ತು ರಷ್ಯಾದ ರಕ್ಷಣಾ ಸಚಿವಾಲಯ ವಿಶ್ವದ ಮೊದಲ ಕೋವಿಡ್​19 ಲಸಿಕೆಯನ್ನು ಬಿಡುಗಡೆ ಮಾಡಲಿದೆ ಎಂಧು ರಷ್ಯಾದ ಸ್ಪುಟ್ನಿಕ್​ ಸುದ್ದಿ ಸಂಸ್ಥೆ ವರದಿ ಮಾಡಿದೆ. ವ್ಯಾಕ್ಸಿನೇಷನ್​ ಪರೀಕ್ಷೆಯ ವೇಳೇ ಯಾವುದೇ ಅಡ್ಡ ಪರಿಣಾಮಗಳು ಕಾಣಿಸಿಕೊಂಡಿಲ್ಲ.  ವ್ಯಾಕ್ಸಿನೇಷನ್‌ನಿಂದಾಗಿ ಎಲ್ಲಾ ಸ್ವಯಂಸೇವಕರು ಸ್ಪಷ್ಟ ರೋಗನಿರೋಧಕ ಪ್ರತಿಕ್ರಿಯೆಯನ್ನು ಹೊಂದಿದ್ದಾರೆ,  ಸ್ವಯಂಸೇವಕರ ಕೆಲಸದಲ್ಲಿ ಯಾವುದೇ ಅಡ್ಡಪರಿಣಾಮಗಳು ಅಥವಾ ಅಸಹಜತೆ ಕಾಣಿಸಿಲ್ಲ ಎಂದು ಸಚಿವಾಲಯ ಹೇಳಿದೆ.

ಈ ನಡುವೆ ಈ ಲಸಿಕೆ ನಿರ್ಣಾಯಕ ಮೂರನೇ ಹಂತದ ಪ್ರಯೋಗವನ್ನು ತಲುಪಿದ ಆರು ಲಸಿಕೆಗಳ ಪಟ್ಟಿಯಲ್ಲಿಲ್ಲ  ಎಂದು ವಿಶ್ವ ಆರೋಗ್ಯ ಸಂಸ್ಥೆ ತಿಳಿಸಿದೆ.  WHO ಪ್ರಕಾರ 3 ನೇ ಹಂತವನ್ನು ತಲುಪಿದ ಆರು ಕೋವಿಡ್ -19 ಲಸಿಕೆ ಪೈಕಿ , ಚೀನಾd 3, ಮತ್ತು  ಮೂರು ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯ ಮತ್ತು ಅಸ್ಟ್ರಾಜೆನೆಕಾ, ಮೊಡೆರ್ನಾ ನಿಂದ ಅಭಿವೃದ್ದಿ ಪಡಿಸಲಾಗುತ್ತಿದೆ.