Featured
ನಟ್ಟ ನಡುರಸ್ತೆಯಲ್ಲೇ ಕೊಲೆಯಾದ ರೌಡಿಶೀಟರ್- ದುಷ್ಕರ್ಮಿಗಳು ಎಸ್ಕೇಪ್
ರೈಸಿಂಗ್ ಕನ್ನಡ:
ಹರೀಶ್, ರಾಮನಗರ:
ನಡು ರಸ್ತೆಯಲ್ಲಿ ಮಾರಕಾಸ್ತ್ರಗಳಿಂದ ಕೊಚ್ಚಿ ವ್ಯಕ್ತಿಯ ಬರ್ಬರ ಹತ್ಯೆ ಮಾಡಿರುವ ಘಟನೆ ಬೆಂಗಳೂರು-ಮೈಸೂರು ರಾಷ್ಟ್ರೀಯ ಹೆದ್ದಾರಿಯ ಕುಂಬಳಗೂಡು ವ್ಯಾಪ್ತಿಯ ನೈಸ್ ರಸ್ತೆ ಬಳಿಯಿರುವ ಕದಂಬ ಹೋಟೆಲ್ ಬಳಿ ನಡೆದಿದೆ. ಆನೇಕಲ್ನ ಅತ್ತಿಬೆಲೆ ಮೂಲದ ನಿವಾಸಿ ಸುನೀಲ್ (30), ಮೃತ ವ್ಯಕ್ತಿ. ಕಾರಿನಲ್ಲಿ ಬಂದ ಐದಾರು ಅಪರಿಚಿತ ದುಷ್ಕರ್ಮಿಗಳು ಹತ್ಯೆ ಮಾಡಿ ಎಸ್ಕೇಪ್ ಆಗಿದ್ದಾರೆ.
ಕೊಲೆಯಾದ ಬೆಸ್ತಮಾರನಹಳ್ಳಿ ಸುನೀಲ ರೌಡಿಶೀಟರ್ ಕೂಡ ಆಗಿದ್ದ. ಆನೇಕಲ್, ಅತ್ತಿಬೆಲೆ ಭಾಗದಲ್ಲಿ ರೌಡಿ ಚಟುವಟಿಕೆಗಳಲ್ಲಿ ಸುನೀಲ್ ಸಕ್ರಿಯನಾಗಿದ್ದ ಎಂದು ಹೇಳಲಾಗುತ್ತಿದೆ. ಹೀಗಾಗಿ ವೈರಿ ಗುಂಪು ಮಾರಕಾಸ್ತ್ರಗಳಿಂದ ಕೊಚ್ಚಿ ಸುನೀಲನ ಕೊಲೆ ಮಾಡಿರುವ ಶಂಕೆ ವ್ಯಕ್ತವಾಗಿದೆ. ಇನೋವಾ ಕಾರಿನಲ್ಲಿ ಬಂದಿದ್ದ 6ಕ್ಕೂ ಹೆಚ್ಚು ದುಷ್ಕರ್ಮಿಗಳಿಂದ ಹತ್ಯೆ ನಡೆದಿದೆ.
ಹೋಟೆಲ್ ನಲ್ಲಿ ಅಳವಡಿಸಿರುವ ಸಿಸಿಟಿವಿಯಲ್ಲಿ ಹತ್ಯಾದೃಶ್ಯಗಳು ಸೆರೆಯಾಗಿವೆ. ಹಂತಕರ ಮಾಹಿತಿಯನ್ನು ಪೊಲೀಸರು ಕಲೆಹಾಕುತ್ತಿದ್ದಾರೆ. ಸ್ಥಳಕ್ಕೆ ಕುಂಬಳಗೂಡು ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಪಕರಣ ದಾಖಲಿಸಿಕೊಂಡು ಆರೋಪಿಗಳ ಪತ್ತೆಗೆ ಖಾಕಿಪಡೆ ಮುಂದಾಗಿದೆ.
