ಕಣ್ಣೀರಿಗೆ ಕಾರಣವಾದ ಕೃಷ್ಣಾ ನದಿ- ಸೇತುವೆಗಳು ಜಲಾವೃತ- ಹೆದ್ದಾರಿ ಸಂಪರ್ಕ ಕಟ್- ಹೊಲಗದ್ದೆಗಳಿಗೆ ನುಗ್ಗಿದ ನೀರು

ರೈಸಿಂಗ್​ ಕನ್ನಡ:

ರವೀಂದ್ರ ಚೌಗುಲೆ, ಚಿಕ್ಕೋಡಿ

ಮಹಾರಾಷ್ಟ್ರದಲ್ಲಿ ಮಳೆರಾಯನ ಅರ್ಭಟ ಮುಂದುವರೆದಿದೆ. ಹೀಗಾಘಿ ಕರ್ನಾಟಕದ ಬೆಳಗಾವಿ, ಬಾಗಲಕೋಟೆ ಹಾಗೂ ವಿಜಪುರ ಭಾಗದಲ್ಲಿ ಹಲವು ನದಿಗಳು ಉಕ್ಕಿಹರಿಯುತ್ತಿವೆ, ಕೃಷ್ಣಾ, ವೇದಗಂಗಾ, ಧೂದ್​ ಗಂಗಾ ನದಿಗಳಿಂದ ಪ್ರವಾಹ ಸೃಷ್ಟಿಯಾಗುತ್ತಿವೆ. ಕೋಯ್ನಾ ಜಲಾಶಯ ಭರ್ತಿಯಾಗಿದ್ದು, ಒಳಹರಿವಿನ ಪ್ರಮಾಣ ತೀವ್ರ ಏರಿಕೆಯಾಗಿರುವುದರಿಂದ ಜಲಾಶಯದಿಂದ ನೀರು ಹೊರಬಿಡಲಾಗುತ್ತಿದೆ. ಹೀಗಾಗಿ ಚಿಕ್ಕೋಡಿಯ ಹಲವು ಭಾಗಗಳು ಜಲಾವೃತವಾಗಿವೆ.

ಕರ್ನಾಟಕ-ಮಹಾರಾಷ್ಟ್ರ ರಾಜ್ಯ ಹೆದ್ದಾರಿ ಬಂದ್ ಆಗಿದೆ.  ಕುಡಚಿ-ಉಗಾರ ಸೇತುವೆ ಮುಳುಗಡೆಯಿಂದ ರಾಜ್ಯ ಹೆದ್ದಾರಿ ಸಂಪರ್ಕ ಕಟ್​ ಹಾಕಿದೆ. ನಿನ್ನೆ ಸಂಜೆ ವೇಳೆಗೆ ತೆರೆದಿದ್ದ ಸೇತುವೆ ಮೇಲೆ ಈಗ ೭ ರಿಂದ ೮ ಅಡಿ ಎತ್ತರಕ್ಕೆ ನೀರು ನಿಂತಿದೆ.  ಕುಡಚಿಯಲ್ಲಿ  ಬ್ಯಾರಿಕೇಡ್​ ಹಾಕುವ ಮೂಲಕ ಬಿಗಿ ಬಂದೋಬಸ್ತ್ ಮಾಡಲಾಗಿದೆ. ಗುರುವಾರಕ್ಕಿಂತಲೂ  ಇಂದು ನೀರಿನ ರಭಸ ಹೆಚ್ಚಿದೆ.

ಕೃಷ್ಣಾನದಿಗೆ ಅಡ್ಡಲಾಗಿರುವ ೮ ಸೇತುವೆಗಳು ಜಲಾವೃತಗೊಂಡಿದೆ. ರಸ್ತೆ ಸಂಚಾರ ವ್ಯವಸ್ಥೆ ಅಸ್ತವ್ಯಸ್ತವಾಗಿದೆ. ಚಿಕ್ಕೋಡಿ ಭಾಗದಲ್ಲಿ ಕೃಷ್ಣಾ ನದಿಯಿಂದ ಸಾಕಷ್ಟು ಹಾನಿಯಾಗುತ್ತಿದೆ.