ಬೈಕ್-ಟಿಪ್ಪರ್ ಅಪಘಾತದಲ್ಲಿ ಮೂವರಿಗೆ ಗಾಯ -ಮಾನವೀಯತೆ ಮೆರೆದ ಜಿ.ಪಂ.ಅಧ್ಯಕ್ಷ ಬಸಣ್ಣಗೌಡ ಪಾಟೀಲ್

ರೈಸಿಂಗ್ ಕನ್ನಡ :

ಯಾದಗಿರಿ:

ಇಲ್ಲಿನ ಯಾದಗಿರಿ-ವಾಡಿ ಮುಖ್ಯ ರಸ್ತೆಯ ಅಲ್ಲಿಪುರ ಕ್ರಾಸ್ ಬಳಿ ಬೈಕ್ ಹಾಗೂ ಟಿಪ್ಪರ್ ನಡುವೆ ರಸ್ತೆ ಅಪಘಾತ ಸಂಭವಿಸಿದೆ.

 ಚಿತ್ತಾಪುರ ತಾಲೂಕಿನ ಸೂಗುರ್ ಎನ್ ಗ್ರಾಮದ ೩ ಜನರು ಗಂಭೀರವಾಗಿ ಗಾಯಗೊಂಡರು. ಅಪಘಾತ ನಡೆದ ಸಂದರ್ಭದಲ್ಲಿ ಇಬ್ಬರು ಮಹಿಳೆಯರು ಸೇರಿದಂತೆ ಯುವಕನೊಬ್ಬ ಗಾಯಗೊಂಡು ರಸ್ತೆ ಮೇಲೆ ನರಳಾಡುತ್ತಿದ್ದರು.

ಅದೇ ಸಮಯದಲ್ಲಿ ಕಲಬುರಗಿಯಿಂದ ಯಾದಗಿರಿಗೆ ಆಗಮಿಸುತ್ತಿದ್ದ ಜಿ.ಪಂ. ಅಧ್ಯಕ್ಷ ಬಸಣ್ಣಗೌಡ ಪಾಟೀಲ್ ಯಡಿಯಾಪುರ ಘಟನೆ ಗಮನಿಸಿ ಕೂಡಲೇ ಆರೋಗ್ಯ ಅಧಿಕಾರಿಗಳೊಂದಿಗೆ ಮಾಹಿತಿ ನೀಡಿದರು.

ಸ್ಥಳಕ್ಕೆ ತುರ್ತಾಗಿ ಆ್ಯಂಬುಲೆನ್ಸ್ ಕರೆಸಿ ತಾವೇ ಮುಂದೆ ನಿಂತು ಗಾಯಗೊಂಡವರನ್ನು ಯಾದಗಿರಿಯ ಜಿಲ್ಲಾ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ವಾಹನದಲ್ಲಿ ಆಸ್ಪತ್ರೆಗೆ ಕಳುಹಿಸಿ ಮಾನವೀಯತೆ ಮೆರೆದರು.